Esaia 42:25 - Tosi Tapu

²⁵ Koia na liligi ai e ia ki Iselaele le vevela o lona ita, Ti mo le makeke o le tau ; Ti na tutu a ia e le tau mei potu fuli, kae na leaise matala fua a ia ; Na vela a ia i le tau, kae na leaise tokaga fua a ia ki ai.

Esaia 42:25 ပူးပေါင်းရင်းမြစ်များ

Lua tosi o Sau 25:9

Na tutu loa e ia le fale o le Eteleno, mo le fale o le sau, ti mo fale fuli o Selusalemi ; na tutu loa e ia ki le afi a fale fuli ala na mauiga.

Sopo 40:11

Ko leinei a ia ! E maua lona makeke i ona vakavaka, Ti e maua lona makeke i ua o lona manava ;

Esaia 29:13

Koia e pati ai le Aliki : Ka fakafeofi mai le kakai leinei kiate au, E fakamauiga e ia au i lona gutu mo ona laugutu ; Kae e mamao lona loto iate au, Ti ko le i leia e maua e ia kiate au Ko se pelesepeto o le talatisio a le tagata.

Esaia 47:7

Na ke pati : E kau fafine aliki loa o lee gato ! Na leaise ke tuku fua ki lou loto, Na leaise ke manatu fua e oki loa le nea a ia i se aso.

Esaia 48:8

Na leaise ke logo fua ki ai, na leaise ke iloa fua se nea, Ti na leaise logo fua lou taliga ki ai i le temi kua sili : Talie na kau iloa e leaise ke agatonu loa, Ti na fakaigoa a koe talu mei lou tupu ko le taine agatuu.

Esaia 5:25

Koia kua vilo ai le sausau o le Eteleno ki lona kakai, Kua falo ai lona lima kiate ia, o taai a ia. Kua lulu a mauga ; Ti kua fai a mate pe ni penu i loto malie o ala. Kae logo ai a nea fuli ana, e leaise malu lona sausau, Ti e koi falo lona lima.

Esaia 57:1

E mate le tagata agatonu, ti e leaise tokaga se tasi ki ai ; E pupuli a tagata malilie, ti e leaise tokaga se tasi. Io, e puli le tagata agatonu i mua o le malaia.

Esaia 57:11

Ti ko ai na ke tuania ia mo ke i ki ai, ke ke agatuu ai, Ke aua na ke manatu ai kiate au, ke aua na ke tokaga ai kiate au ? Pe na leaise kau fakalologo talu mei fualoa ? Koia leia na leaise i ai kiate au.

Esaia 9:13

Koia e taaki ai loa e le Eteleno le ulu mo le siku o Iselaele, Le taulu palemie mo le fa u i se aso fai e tasi.

Esaia 9:19

E kaia i le fetuu atamai, kae e pakupaku aifai ; E kaia i le fetuu sema, kae e leaise makona aifai ; E tasi kai e le tagata le kakano o lona lima.

Selemia 12:11

E lotou fakaliliu a ia ko se toafa ; E mamae a ia, e tagi a ia i oku mua. Kua maumau le fenua katoa, Talie e leaise tokaga se tasi ki ai.

Selemia 5:3

Eteleno, pe leaise tio ou mata ki le maoki ? E ke taai latou, kae e leaise lotou logoi fua se mamae ; E ke tutu latou ke okioki, kae e leaise lotou tokaga fua ki se akonaki : E lotou asili fakafefeka ake olotou mata i le fatu ; E leaise lotou fia tafoki kiate koe.

Selemia 7:20

Koia e folafola ai le Aliki, le Eteleno, o pati : Ko leinei, kua liligi loku sausau mo loku mafaia ki le ganea leinei, Ki tagata mo manu, Ki laakau o faisaga mo fua o le kele ; Kua mu loku sausau ti e leaise toe mate loa a ia.

Tagi laulau a Selemia 2:3

I lona sausau lasi, na peesi e ia ki le kele le makeke katoa o Iselaele ; Na too e ia lona lima atamai i mua o le fili ; Na tutu e ia i loto o Sakopo ni afi kaka, ala e kai i potu fuli.

Tagi laulau a Selemia 2:4

Na toso e ia lana kalolo ofaipe ki se fili ; Na siki lona lima atamai ki aluga ofaipe le lima o le fili ; Na tamate e ia a nea fuli e fulumalie ki le mata ; Na liligi e ia lona sausau ofaipe se afi ki le falela o le taine o Sione.

Esekiele 20:34

E kau fakamavae loa koutou i loto malie o kakai, ti e kau fakamaopo mai loa koutou i fenua ala na kotou mavetevete ai, ki loku lima makeke ti mo le liligi loku sausau.

Oseo 7:9

Kua kai lona makeke e ni kau matapule, Kae e leaise iloa e ia ; Kua maua a ia e le matua, Kae e leaise iloa e ia.

Naume 1:6

Ko ai e tuu loa i mua o lona sausau ? Ko ai e tuu loa i mua o lona sausau lasi ? E mafola lona sausau ofaipe le afi, Ti e mafaafaa a utu i ona mua.

Malakia 2:2

Kapau e leaise kotou fakalogo, kapau e leaise kotou tokaga i lokoutou loto katoa O tuku le kololia ki loku suafa, e pati le Eteleno o kau tau, E kau kakau loa kia koutou le malaia, Ti e kau fakaliliu loa a tapuakina ala na kau fakapapau atu kia koutou ko ni malaia ; Io, e kau fakaliliu loa latou ko ni malaia, talie e leaise kotou tokaga ki ai i lokoutou loto katoa.

Tetelonome 32:22

Talie kua tutu le afi o loku sausau, Ti e mu loa a ia o kaku ki le tafito o le nofoaga o le kau mate ; E tutu loa e ia le kele mo ona nea fuli, E tutu loa e ia a tafito o mauga.