Esaia 42:24 - Tosi Tapu

²⁴ Ko ai na tuku ia Sakopo ke kaia, Ti na tuku ia Iselaele ki le kau kaia ? Pe leaise ko le Eteleno ? Na motou agasala kiate ia. Na leaise lotou fia saele i ona ala, Ti na leaise lotou fia fakalogo ki lana lao.

Esaia 42:24 ပူးပေါင်းရင်းမြစ်များ

Lua tosi o Koloniko 15:6

na fetauaki a kakai, mo kolo, talie na fakamamae latou e le Atua ki ni malaia kesekese.

Lua tosi o Koloniko 36:17

Koia na aumai ai loa e le Eteleno kia latou le sau o le kau Kaletea, ti na tamate loa e ia ki le seleta o lotou kau tupulaga i le fale o lolatou sagatualio ; na leaise fakasao fua e ia se tama pe ko se taine, se tagata atuatu pe ko se matua sina ; na tuku loa e ia a nea fuli ki ona lima.

Pesalemo 81:12

Kae na leaise fakalogo fua loku kakai ki loku leo, Na leaise fakalogo fua Iselaele kiate au.

Pesalemo 81:13

Koia na kau tuku ai latou ki oli o olatou loto, Ti na lotou mulimuli ki alatou manatu totonu.

Esaia 30:15

Talie na folafola le Aliki, le Eteleno, le Sagato o Iselaele, o pati : I le tafoki mai kiate au mo le nofo iate au, e kotou maua ai le mauli ; I le agamalu mo le tui kiate au, e kotou maua ai le makeke. Kae na leaise kotou loto ki ai !

Esaia 42:23

Ko ai ia koutou e tokaga loa ki nea ana ? Ko ai e fia tokaga loa ki nea ana ti e fakalogo loa ki ai i le temi ki muli ?

Esaia 45:7

E kau fau le malama, ti e kau fakatupu le fakapouli ; E kau soli le mou koloa, ti e kau fakatupu le malaia ; Ko au, le Eteleno, e kau fai a nea fuli ana.

Esaia 47:6

Na kau ita ki loku kakai, Ti na kau fakakelekele loku tofiga ; Ti na kau tuku latou ki ou lima : Kae na leaise ke maua fua kia latou se manava alofa, Ti na ke fakamamafa lau laakau ki le matua.

Esaia 48:18

Oi, amusia ake ke ke tokaga ki aku folafola ! E ifo loa kiate koe ni tapuakina ofaipe se vaitafe, Ti e au loa kiate koe le manuia ofaipe ni galu o le tai !

Esaia 57:17

O tupu ko lona manumanu agasala, na kau ita ti na kau taai a ia ; Na kau mumuni i loku mamae ; Ti na muli le tagata agatuu i le ala o lona loto.

Esaia 63:10

Kae na lotou agatuu kiate ia, na lotou fakamamae lona Laumalie maokioki ; Koia na liliu ai loa a ia ko lolatou fili, ti na tau loa a ia kia latou.

Selemia 44:10

Na leaise lotou fakasemala o kaku mai ki le aso nei, ti na leaise lotou maua se i, ti na leaise lotou mulimuli ki laku lao mo aku fakatotonu ala na kau tuku kia koutou mo okoutou tamana.

Selemia 5:15

Ko leinei, e kau aumai loa mei mamao se puleaga kia koutou, fale o Iselaele ; E pati le Eteleno ; Ko se puleaga makeke a ia, ko se puleaga afea, Se puleaga leia e leaise ke iloa lana masau, Ti e leaise ke matala loa ki ana masau.

Tagi laulau a Selemia 1:14

Na sai e lona lima le kavega o aku agaveli ; Ti na lotou fui ia ti mo sai ia loku ua ; Na fatii e ia loku makeke ; Na tuku au e le Aliki ki ni lima ala e leaise mafai ke kau tuu ki ai.

Tagi laulau a Selemia 1:18

E faitotonu le Eteleno, Talie na kau agatuu ki ana fakatotonu. Kotou fakalogo mai, koutou fuli, atu kakai, ti kotou tio ki loku mamae ! Kua ano ki le popula oku taineliki taupoou mo oku tama tupulaga.

Taniela 1:2

Na tuku loa e le Aliki ki ona lima Sosakimi, sau o Suta, mo se potu o nea gaoi o le fale tapu o le Atua. Na ave loa e Nepukatenesale a nea gaoi ki le fenua o Sinea, ki le fale o lona atua, ti na tuku e ia a nea gaoi ki le fale koloa o lona atua.

Amosi 3:6

Pe pupusi le fakatagi pupusi i se kolo, Kae e leaise i le kakai ? Pe soko se malaia i se kolo, Kae e leikiaise fakataga e le Eteleno ?

Mateo 22:7

Na ita lasi ai le sau ; ti na kakau loa e ia lana kau solia ke ano o tamate le kau tukipo lena, ti mo tutu lolatou kolo.

Tetelonome 28:49

E lagai loa e le Eteleno kiate koe se puleaga mei mamao, mei potupotu o le malama nei, se puleaga leia e oso ofaipe le akuila fekai, se puleaga leia e leaise ke matala ki lana masau,

Tetelonome 32:30

Pe mafai ke tuli loa e se toka tasi se tino afe, Pe ke kapu loa e se toka lua ni tino agafulu afe, Mo kapau na leaise fakatau latou e lolatou Utu, Mo kapau na leaise tuku latou e le Eteleno ?

Tuifakamaau 10:7

Na vilo loa le sausau o le Eteleno ki Iselaele, ti na tuku loa e ia latou ki lima o le kau Filisitini mo lima o vosa o Amone.

Tuifakamaau 2:14

Ti na malaga loa le sausau o le Eteleno ki Iselaele. Ti na tuku loa e ia latou ki lima o ni kau tagata kaia ala na kaia ia loa latou. Ti na fakatau loa e ia latou ki lima o olatou fili i olatou tafatafa, ti na leaise lotou toe mafai ia loa ke tutuu i mua o olatou fili.

Tuifakamaau 3:8

Na malaga loa le ita o le Eteleno ki Iselaele, ti na fakatau loa e ia latou ki lima o Kusani-Liseataimi, sau o Mesopotamia. Na popula loa fanau a Iselaele, na lotou popula loa kia Kusani-Liseataimi i le lolotoga o fetuu e valu.