Esaia 42:22 - Tosi Tapu

²² Kae ko se kakai kua kaia ona koloa, ti kua nofo telefua ! Kua saisai latou fuli ki ni tini i ni ana, Ti kua fufu latou i ni fale pilisoni ; Kua tuku latou ki le kaia, ti e leaise tasi fua ke saofaki ia latou ! Kua kaia olatou koloa fuli, ti e leaise pati se tasi : Ke toe fakaliliu !

Esaia 42:22 ပူးပေါင်းရင်းမြစ်များ

Pesalemo 102:20

Talie e tio a ia mei le ganea taualuga o lona maokioki ; Mei aluga o le atu lagi, e tio le Eteleno ki le malama nei,

Pesalemo 50:22

Koia ke kotou tokaga ai, koutou ala e galoi ia le Atua, Ke aua na kau sae ia koutou, kae e leaise tasi ke saofaki.

Esaia 1:7

Kua maumaui lokoutou fenua, Kua tutu okoutou kolo e le afi, Ko ni kakai kese ala kua kai ia a koloa o lokoutou fenua i okoutou mata, E lotou kaia a ia mo maumaui, ofaipe ni kau kaikivao.

Esaia 14:17

Leia na fakaliliu ia le malama nei o toafa, Leia na maumaui ia mo kaia ia a kolo, Leia na leaise toe fakamavaa ia a fale o lana kau pilisoni ?

Esaia 18:2

A koe leia e kakau ia i le tai ni tagata avelogo I ni vaka kofe ala e tele i le tai i ni la ! Kotou ano, kau tagata avelogo gasolo, ki le puleaga tagata makeke mo lalasi, Ki le kakai fakaii lena talu mei lona tupu, Ki le puleaga makeke leia e takatakafi ia a nea fuli, Ti mo le fenua leia e tafe ai ni vaitafe.

Esaia 24:18

Ko leia e sola i mua o kalaga fakaii kua vilo ki le popoko ; Ti ko leia e toe pale ake i le popoko kua pikiia i le masele ; Talie kua mavaa a matapa o le lagi, Ti kua galulu a fakatafito o le malama nei.

Esaia 24:22

E lotou fakatasi fuli loa ofaipe se kau popula i se fale pilisoni, Ti e tapono loa latou i ni kogafale pilisoni. Ti, ka oki loa ni aso mauke ai, E tonu ke tautea loa latou.

Esaia 24:3

Kua maumaui le fenua, ti kua kaia a ia ; Talie kua fakatotonu a ia e le Eteleno.

Esaia 36:1

I le kau agafulu fetuu o le sau ko Esekiasi, na pale loa Sanekelipe, sau o Asilia, o taui a kolo tau fuli o Suta, ti na maua loa e ia latou.

Esaia 42:23

Ko ai ia koutou e tokaga loa ki nea ana ? Ko ai e fia tokaga loa ki nea ana ti e fakalogo loa ki ai i le temi ki muli ?

Esaia 42:7

Ke fakamavaa ia a mata o kivi, Ke fakamavae ia i le pilisoni le tagata popula, I lolatou kogafale pilisoni latou ala e nonofo i le fakapouli.

Esaia 45:13

Ko au leia na lagai ia Silusi ke fakasoko ia laku faitotonu, Ti e kau fakafaigaofie ia loa ona ala fuli. E toe laga loa e ia loku kolo, ti e fakalauatea loa e ia laku kau popula, Sala totogi, sala se nea alofa, E pati le Eteleno o kau tau.

Esaia 5:29

E fai lana gugulu pe le tagi a le laione fafine ; E tagi a ia ofaipe ni uviki laione, e gugulu a ia ti e uuti e ia lana nea kai ; E ave e ia a ia, ti e leaise tasi e au o taofi a ia.

Esaia 51:23

E kau tuku loa a ia ki le lima o latou ala e fakaveliveli kiate koe, Ala na pati atu kiate koe : Punou ki lalo ke motou saele iate koe ! Ti na ke fakaliliu loa lou tua ko se kele, Ofaipe se ala kia latou ala e saele.

Esaia 56:9

Koutou fuli, manu o faisaga, Kotou au o kai, koutou fuli, manu o le vao !

Selemia 50:17

Ko Iselaele ko se ovi na sese noa, Leia na kapu e laione ; Na uluaki kai a ia e le sau o Asilia ; Ti na gugu ona ivi e Nepukatenesale, sau o Papilone.

Selemia 52:31

I le fetuu kau tolu tupu fitu o le popula a Sosakimi, sau o Suta, i le aso kau lua tupu lima o le masina kau agafulu tupu lua, na lagai loa e Evile-Melotake, sau o Papilone, le ulu o Sosakini, sau o Suta, o fakamavae a ia mei le pilisoni, i le uluaki fetuu o lana sau.