Esaia 42:16 - Tosi Tapu

¹⁶ E kau fakasaele loa a kivi i se ala leia e leaise lotou iloa, E kau taki loa latou i ni ala ala e leaise lotou lave ki ai ; E kau fetogi loa i olatou mua le fakapouli ko le malama, Ti mo ganea pikopiko ko ni potu laumalie : Ko lena le nea leia e kau fai loa, ti e leaise kau tiaki loa latou.

Esaia 42:16 ပူးပေါင်းရင်းမြစ်များ

Pesalemo 94:14

Talie e leaise fakanoai e le Eteleno lona kakai, E leaise tiaki e ia lona tofiga ;

Ekelesiasi 1:15

E leaise feala ke fakasako le nea leia kua piko, ti e leaise feala ke lau le nea leia kua puli.

Ekelesiasi 7:13

Tio ki le gaoi a le Atua : Ko ai e mafai ke toe fakasako ia le nea leia kua peluki e ia ?

Esaia 26:7

Ko le ala o le tagata agatonu ko le maokioki ; Ko koe, e ke agatonu, e ke fakatokatoka le ala o le tagata agatonu.

Esaia 29:18

I le aso lena, e logo loa le kau tulituli ki folafola o le tosi ; Ti e tio loa a mata o le kau kivi, Talie kua fakamauli latou i le fakapouli mo le pouli.

Esaia 29:24

Ko latou ala na sese olatou loto e maua ia loa le atamai, Ti ko latou ala na gugu e maua ia loa le akonaki.

Esaia 30:18

Koia e oli le Eteleno ke soli atu kia koutou lona kalasia, Ti e tuu loa a ia ki aluga o soli atu kia koutou lona manava alofa ; Talie ko le Eteleno ko se Atua faitotonu : Manuia latou fuli ala e amanaki malie kiate ia !

Esaia 30:21

E logo loa ou taliga i ou muli ki le leo leia e pati loa : Ko leinei le ala, kotou saele i ai ! Talie e kotou ano loa ki le fetuu atamai, pe kotou ano loa ki le fetuu sema.

Esaia 32:3

Ko mata o latou ala e tio e leaise toe mapono loa, Ti ko taliga o latou ala e fakalogo e tokaga loa.

Esaia 35:5

I le aso lena e mavaa loa a mata o kivi, E mavaa loa a taliga o kau tulituli.

Esaia 35:8

E i ai loa se ala kua tofa, se ala Leia e fakaigoa loa ko le ala tapu ; E leaise fakalaka loa i ai se tagata kelekele, talie e tuku a ia kia latou tefua ; Ti ko latou ala e ano loa i ai e leaise feala loa ke sese, tatau foki mo le kau vale.

Esaia 40:4

Ke tanu a popoko fuli, Ke soloi ki lalo a mauga lalasi mo mauga liliki fuli ! Ke fakaliliu a patu fuli ko ni potu laumalie ! Ti ke fakaliliu a mauga liliki ko ni vaivailiua lalasi !

Esaia 41:17

E afa e le kau fakaaloalofa mo le kau mativa se vai, kae e leaise maua a ia ; Kua malo olatou alelo i le fia inu. Ko au, le Eteleno, e kau tali loa latou ; Ko au, le Atua o Iselaele, e leaise kau tiaki loa latou.

Esaia 41:3

Na tuli e ia latou, ti na saele a ia i le fimalie I se ala leia na leikiaise takafi e ona vae.

Esaia 45:2

Leia e too e ia i le lima, Ke laku ia ki le kele a atu puleaga i ona mua, Ti ke fakagaga ia le kilipipi o sau, Ti ke fakamavaa ia a matapa, O tupu ke aua na toe tapono latou : E kau saele loa i ou mua, E kau fakatokatoka loa a ala patupatu, E kau fatifatii loa a matapa kapa, Ti e kau fatifatii loa a fakamau ukamea.

Esaia 45:7

E kau fau le malama, ti e kau fakatupu le fakapouli ; E kau soli le mou koloa, ti e kau fakatupu le malaia ; Ko au, le Eteleno, e kau fai a nea fuli ana.

Esaia 48:17

Ti ko leinei le folafola a le Eteleno, leia na totogi ia a koe, le Sagato o Iselaele : Ko au, le Eteleno, lou Atua, e kau ako a koe ke ke manuia, E kau taki a koe i le ala leia e tonu ke ke mulimuli ai.

Esaia 52:12

Aua na kotou mavae fakatavili, Aua na kotou sosola ; Talie e ano loa le Eteleno i okoutou mua, Ti e mulimuli loa le Atua o Iselaele ia koutou.

Esaia 54:13

E liliu loa ou vosa fuli ko tisipulo a le Eteleno, Ti e lasi loa le manuia o ou vosa.

Esaia 58:10

Ti kapau e ke soli le pane leia e ke kai ki leia e fia kai, Kapau e ke fakamakeke le loto e mamae, E sopo ake loa lou malama i le fakapouli, Ti e fai loa ou fakapouli pe le lalatea.

Esaia 62:12

E fakaigoa loa latou kakai maokioki, kakai na totogi e le Eteleno ; Ti ko koe, e fakaigoa loa a koe alofaina, kolo na leaise tiakina.

Esekiele 14:23

E lotou fakapelepelei loa koutou, mo ka kotou tio loa ki olatou mauli mo alatou gaoi ; ti e kotou fakamaoki loa na leaise kau fai noa a nea fuli ala na kau fai ki Selusalemi, e pati le Aliki, le Eteleno.

Oseo 2:14

E kau maumaui loa ana faisaga vite mo ana faisaga fiki, ala e pati a ia ki ai : Ko loku totogi leinei kua soli mai e aku feauaki ! E kau fakaliliu loa a faisaga ko ni vaomatua, ti e kai loa latou e manu o le vao.

Oseo 2:6

E leaise kau alofa loa ki ana fanau, talie ko ni toe vao latou o lana faiaga.

Amosi 5:8

Ko ia leia na fakatupu ia a fetuu o le Peleiate mo le Olione, Ko ia leia e fetogi ia le fakapouli o mafoata, Ko ia leia e fakaliliu ia le ao o pouli, Ko ia leia e kalagai ia a vai o le tai, Ti e fakamafola ia a ia i aluga o le kele : Ko le Eteleno ko lona igoa.

Luka 3:5

Ke tanu a vaivailiua fuli, Ke soloi ki lalo a mauga mo patu fuli ; Ke fakasakosako a ala pikopiko, Ti ke fakalautatau a ala patupatu.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Efeso 5:8

talie i mua na kotou fakapouli, kae i le temi nei kua kotou malama i le Aliki. Kotou saele ofaipe ni fanau o le malama !

Epelo 13:5

Ke aua na manumanu ki le paaga ; kae ke kotou fiafia i le nea leia e kotou maua, talie kua pati le Atua totonu : E leaise kau tuku loa a koe, ti e leaise kau tiaki loa a koe

Sosue 3:4

Kae ke i ai loa se vasa ia koutou mo le aleka, ko ni tukilima e lua afe : ke aua na kotou fakafeofi ki ai. E fakasa atu loa e ia kia koutou le ala leia ke kotou ano ai, talie e leikiaise kotou ano i le ala lena.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,