Esaia 42:15 - Tosi Tapu

¹⁵ E kau maumaui loa a mauga lalasi mo mauga liliki, Ti e kau fakamalo ia loa le lau laakau sesega katoa ; E kau fakaliliu loa a vaitafe ko se kele fefeka, Ti e kau fakamasa loa a vai tanaki.

Esaia 42:15 ပူးပေါင်းရင်းမြစ်များ

Pesalemo 18:7

I loku mamae na kau fetapa ki le Eteleno, na kau tagi ki loku Atua : Mei lona fale sau, na logo a ia ki loku leo, Ti na kaku laku tagi ki ona mua, ki ona taliga.

Esaia 41:15

Ko leinei, e kau fakaliliu a koe ko se saliote sasa fulumeto, foou katoa, Kua apele i ni nifo matakakai ; E ke sasa loa, e ke gugu loa a mauga lalasi, Ti e ke fakaliliu loa a mauga liliki ofaipe le mutie malo leia e viligia.

Esaia 44:27

E kau pati ki le vanu loloto : Ke ke malo, E kau fakamasa loa ou vaitafe.

Esaia 49:11

E kau fetogi loa oku mauga fuli ke alai, Ti e kau fakafoou loa oku ala.

Esaia 50:2

Na kau au : kolea na leaise kau maua ai se tasi ? Na kau kalaga : kolea na leaise tali mai ai se tasi ? Pe kua toetoe loku lima ke totogi koutou ? Pe leaise feauga loku makeke ke saofaki koutou ? Ko leinei, i laku valoki, e kau fakamalo le tai, E kau fakaliliu a vaitafe o toafa ; E gaegagae olatou ika, sala vai, Ti e lotou mamate i le fia inu.

Selemia 4:24

E kau tio ki atu mauga, ti ko leinei, kua lotou lulu ; Ti kua sisiga a mauga liliki fuli.

Esekiele 38:19

E kau fakamaoki, i loku finenonofo mo le lasi o loku sausau, I le aso lena, e i ai loa se maveuveu lasi I le fenua o Iselaele.

Esekiele 38:20

E lulu loa i oku mua a ika o le tai mo manu lele o le lagi, A manu o faisaga ti mo manu totolo fuli o le kele, Ti mo tagata fuli ala e mauli i aluga o le kele ; E sosolo loa a mauga ki lalo, E maluluku loa a utu fefeka ki lalo, Ti e sisiga loa ki le kele a kaua fuli.

Akeseo 2:6

Talie e folafola le Eteleno o kau tau : Koi toe fua se ga temi ikiiki, Ti e kau luui loa le atu lagi mo le malama nei, Le tai mo le kele malo.

Sakalia 10:11

E lotou fakalaka loa i le tai o le mamae, e lotou taai loa a galu o le tai, Ti e malo loa a takele fuli o vaitafe. E taai loa ki lalo le fia nealasi o Asilia, Ti e puli loa le tokotoko fakasau o Esipito.

Apokalipisi 11:13

I le ola lena, na to loa se mafuike lasi, ti na solo loa ki lalo le vaega kau agafulu o le kolo ; ti na mamate loa a tagata e tino fitu afe i le mafuike lena, ti ko le toega o le kakai na lulu loa i le i, ti na lotou fakakololia loa ki le Atua o le lagi.

Apokalipisi 16:12

Ti na liligi loa e le ono aselo lana ipu ki le vaitafe lasi ko le Eufalate. Ti na masa loa lona vai, ke teuteui ai le ala ki sau ala e au mei le sopoaga o le laa.

Apokalipisi 16:18

Ti na i ai loa ni uila, mo ni leo, mo ni mana, mo se mafuike lasi, ti koi soko la le mafuike lasi fenaaki talu mei le fakatupu o le tagata i le malama nei.

Apokalipisi 20:11

Ti na oki a ia, na kau tio loa ki se ekeekeaga fakasau lasi tea, ti mo leia na ekeeke i ai. Ti na fesolaki loa le kele mo le lagi i ona mua, ti na leaise toe maua loa se tuuaga kia laua.