Esaia 42:14 - Tosi Tapu

¹⁴ Na kau fakalologo o fualoa, Na kau fakaleemu, na kau taofi au ; E kau kalaga loa ofaipe se fafine e fanau, E kau tukumanava sosaa loa, ti e kau fakaselasela loa.

Esaia 42:14 ပူးပေါင်းရင်းမြစ်များ

Sopo 32:18

Talie kua apele loku loto i masau ; Kua ekenaki au e le laumalie ke masau ;

Sopo 32:20

E kau masau loa ke kau fimalie, E fakamavaa loa oku laugutu ti e kau tali loa.

Pesalemo 50:2

Mei Sione, mataga fulumalie mo saosaoa, e gigila le Atua.

Pesalemo 50:21

Ko lena le nea leia e ke fai, ti na kau fakaleemu. Na ke pati i lou loto e kau tatau mo koe ; Kae e kau valoki loa a koe, ti e kau tuku loa nea fuli ki ou mua.

Esaia 30:18

Koia e oli le Eteleno ke soli atu kia koutou lona kalasia, Ti e tuu loa a ia ki aluga o soli atu kia koutou lona manava alofa ; Talie ko le Eteleno ko se Atua faitotonu : Manuia latou fuli ala e amanaki malie kiate ia !

Esaia 57:11

Ti ko ai na ke tuania ia mo ke i ki ai, ke ke agatuu ai, Ke aua na ke manatu ai kiate au, ke aua na ke tokaga ai kiate au ? Pe na leaise kau fakalologo talu mei fualoa ? Koia leia na leaise i ai kiate au.

Esaia 65:6

Ko leinei le nea leia na kau fakapapau i loku loto : E mamao iate au le fakalologo, e kau fakaamo loa kia koutou le tua, Io, e kau fakaamo loa kia latou le tua,

Selemia 15:6

Na ke tiaki au, e pati le Eteleno, Na ke toe liliu ki muli ; Kae e kau falo loku lima kiate koe, ti e kau maumaui a koe, Kua kau kaekae i le kataki.

Selemia 4:31

Talie e kau logo ki ni tagi ofaipe ni tagi i le mamae a se fafine e lolotoga gaoi, Ni tagi o le mamae ofaipe se uluaki fanau. Ko le leo o le taine o Sione ; e tukumanava a ia, e siki e ia ona lima, O pati : Malaia kiate au ! E gaegae loku laumalie o tupu ko le kau tukipo !

Selemia 44:22

Na leaise mafai loa e le Eteleno ke toe kataki atu a ia, o tupu ko le agaveli o akoutou gaoi, o tupu ko nea fakalialia ala kua kotou fai ; ti kua liliu lokoutou fenua ko se fenua maumau, ko se toafa, ko se nea fakatupu malaia, ofaipe le nea leia kua kotou tio ki ai i le aso nei.

Luka 18:7

Pe leaise faitotonu loa le Atua ki ana filifilia, ala e kalaga kiate ia i le ao mo le po ? pe fakatuvai loa a ia kia latou ?

Lua tosi a Petelo 3:15

Kotou tui ko le kataki fualoa o lotatou Aliki ko lokoutou fakamauli a ia ofaipe lona tosi atu foki kia koutou e lotatou taina alofaina ko Paulo, o mulimuli ki le poto leia kua tuku kiate ia.