Esaia 42:11 - Tosi Tapu

¹¹ Ke siki ake e le toafa mo ona kolo olatou leo ! Ke siki ake e kolo ala kua maua e Ketale olatou leo ! Ke sua fakafiafia le kakai o utu ! Ke logo ni kalaga fakafiafia mei tumutumu o mauga !

Esaia 42:11 ပူးပေါင်းရင်းမြစ်များ

Senesi 25:23

Ti na pati loa le Eteleno kiate ia : E nofo ni puleaga e lua i lou manava, ti e mavae loa ni kakai e lua mei lou manava, o tasi mo ia lana aga, ti e makeke ake loa se tasi i le tasi. Ti e fakasausau loa le uluaki ki le muli.

Pesalemo 120:5

Malaia kiate au mo ka kau nofo i Meseke, mo ka kau nofo i falela o Ketale !

Esaia 12:5

Kotou sua ki le Eteleno, talie kua fai e ia ni nea fulumalilie : Ke iloa latou e le malama nei katoa !

Esaia 16:1

Kotou ave ni akeno ki le pule lasi o le fenua, Kotou ave latou mei Sela, i le toafa, Ki le mauga o le taine o Sione.

Esaia 21:16

Talie kua folafola mai le Aliki kiate au : Koi toe fai se fetuu e tasi, ofaipe fetuu o se tagata solia totogi, Ti e gato loa le kololia katoa o Ketale.

Esaia 32:16

I le aso a ia, e nofo loa le maoki i le toafa, Ti e maua loa e le faitotonu lona nofoaga i le ulu laakau fua.

Esaia 35:1

E fiafia loa le toafa mo le fenua kaka ; E fiafia loa le fenua lavaki, ti e se loa a ia ofaipe se nalesise ;

Esaia 35:6

I le aso lena e soposopo loa le kito ofaipe se tia, Ti e sua fakafiafia loa le alelo o le gutu mate. Talie e mapuna loa ni vai i le toafa, Ti mo ni vaitafe i le ganea lavaki ;

Esaia 40:3

Kua kalaga se leo : Kotou teuteu i le toafa le ala o le Eteleno, Kotou fakatokatoka i ganea kele kaka Se ala ki lotatou Atua.

Esaia 43:19

Ko leinei, e kau fai loa se nea foou, leia kua vave soko fua : Pe leaise kotou tio mata loa ki ai ? E kau tofa loa se ala i le toafa, Ti mo ni vaitafe lalasi i le potu lavaki.

Esaia 52:7

E lotou fulumalilie ai i mauga, A vae o leia e ave ia ni logo malilie, O leia e fakasa ia le tokamalie ! O leia e ave ia ni logo malilie, O leia e fakasa ia le fakamauli ! O leia e pati ki Sione : E sau lou Atua !

Esaia 60:7

E tanaki mai loa kiate koe a kau manu fuli o Ketale ; E fakalogo loa kiate koe a kau ovi tagata o Nepasote ; E lotou pale loa ki loku aletale ti e kau tali loa latou ; Ti e kau fakakololia loa le fale o loku kololia.

Selemia 21:13

Ko leinei, e kau mamae kiate koe, Kolo leia e tonatona i le vaivailiua, i aluga o le utu o le toafa, E pati le Eteleno, Kia koutou ala e pati : Ko ai e ifo mai loa kia matou ? Ko ai e ulu loa ki omatou nofoaga ?

Selemia 48:28

Kakai o Moape, Kotou tiaki a kolo, ti kotou nonofo i ni utu ! Kotou faipe ni lupe, Ala e fai ia olatou ofaga i paa o ana !

Selemia 49:16

Ko lou fia makeke, mo le fia nealasi o lou loto na fakasese ia a koe, A koe leia e nofo i pu o utu, Ti e maua ia le tumutumu o mauga liliki. Ka ke fakatuu loa lou ofaga ke taualuga ofaipe leia o le akuila, E kau fakaifo loa a koe mei ai ki lalo, e pati le Eteleno.

Selemia 49:31

Kotou tutuu ki aluga, kotou pale ki se puleaga tokamalie, Leia e nofo fimalie i lona nofoaga, e pati le Eteleno ; E leai ni ona matapa pe ko ni ona ukamea fakamaumau, E nofo toka tasi a ia.

Esekiele 27:21

Na fai koloa Alapia mo pule fuli o Ketale mo koe, Na lotou fakatau kiate koe ni akeno, mo ni ovi tagata, mo ni koti tagata.

Apetiasi 1:3

Na fakasese a koe e le fia nealasi o lou loto, A koe leia e nofo i pu o utu, Leia e ekeeke i potu taualuga, Leia e pati i lou loto : Ko ai e fakaifo ia loa au ki lalo ?