Esaia 41:9 - Tosi Tapu

⁹ A koe, leia na kau too i potupotu o le malama nei, Ti na kau kalagai mei se fenua mamao, Leia na kau pati ki ai : Ko koe ko laku tagata fakasausau, Kua kau filifili a koe, ti e leaise kau tiaki a koe !

Esaia 41:9 ပူးပေါင်းရင်းမြစ်များ

Pesalemo 135:4

Talie na filifili e le Eteleno kiate ia Sakopo, Iselaele, ke liliu ko lona tofiga.

Pesalemo 94:14

Talie e leaise fakanoai e le Eteleno lona kakai, E leaise tiaki e ia lona tofiga ;

Esaia 11:11

I le aso lena, e toe falo loa e le Aliki o tua lua lona lima Ke toe totogi le toetoega o lona kakai, Leia na mavetevete i Asilia mo Esipito, I Patolosi mo Etiopia, I Elame, i Sineale ti mo Amate, Ti mo atu motu o le tai.

Esaia 14:1

Talie e alofa loa le Eteleno kia Sakopo, E toe filifili loa e ia Iselaele, Ti e toe fakanonofo loa e ia laua i lola fenua ; Ti e fakatasi loa mo laua le kau matapule, Ti e lotou pipiki loa ki le fale o Sakopo.

Esaia 41:2

Ko ai na lagai ake ia i le potu esite Leia na kalagai e le fakamauli ke muli iate ia ? Ko ai na tuku ia kiate ia a atu puleaga ti na fakapopula ia ni sau ? Ko ai na fakaliliu ia alatou seleta o efu, Ti mo alatou gasau ko se penu malo leia e agina i le matagi ?

Esaia 41:8

Kae ko koe, Iselaele, laku tagata fakasausau, Sakopo, leia na kau filifili, Sakoga o Apalaamo leia na kau alofa ki ai !

Esaia 42:1

Ko leinei laku tagata fakasausau, leia e kau tokoi loa ki ai, Laku filifilia, leia e fiafia ai loku laumalie. Na kau tuku kiate ia loku Laumalie ; E fakasa loa e ia le faitotonu ki atu puleaga.

Esaia 44:1

I le temi nei fakalogo mai, ei Sakopo, ko laku tagata fakasausau ! Ei Iselaele, leia na kau filifili !

Esaia 45:4

O tupu ko loku alofa ki laku tagata fakasausau ko Sakopo, Ti mo Iselaele, laku filifiliia, Na kau kalagai a koe i lou igoa totonu, Na kau masau kiate koe i le loto malie, i mua o lau iloa au.

Malakia 1:2

Na kau alofa kia koutou, e pati le Eteleno. Kae e kotou pati : Kolea le nea leia na ke alofa ai kia matou ? Pe leaise ko le taina o Esau ko Sakopo ? e pati le Eteleno. Kae na kau alofa kia Sakopo,

Luka 13:29

E au loa mei le sopoaga o le laa mo le galoaga o le laa, mei le potu tokelau mo le potu toga ; ti e lotou kai loa i le puleaga o le Atua.

Tetelonome 14:2

Talie ko se kakai maokioki a koe ki le Eteleno, lou Atua ; ti kua filifili a koe e le Eteleno, lou Atua, ke ke liliu ko lona kakai alofaina i kakai fuli i aluga o le malama nei.

Sakopo 2:5

Kotou fakalogo mai, ei oku fetaina alofaina : Pe na leaise filifili e le Atua le kau mativa o le malama nei, ke lotou mou koloa i le tui, ti ke lotou maua tofiga le Puleaga leia na fakapapau e ia kia latou ala e alofa kiate ia ?

Apokalipisi 5:9

Ti na lotou sua loa se katiko foou, o pati : E gali mo koe ke too ia le tosi, ti ke fakamavaa ia ona fakamau ; talie na tamate a koe, ti na ke totogi ma le Atua ki lou toto ni tagata mei faasiga fuli, mo masau fuli, mo kakai fuli, ti mo puleaga fuli ;

Uluaki tosi a Samuele 12:22

E leaise tiaki loa e le Eteleno lona kakai, o tupu ko lona suafa lasi, talie kua malie ki le Eteleno ke fakanofo koutou ko lona kakai.