Esaia 41:28 - Tosi Tapu

²⁸ E kau tio saele, kae e leai fua se tasi, E leaise tasi fua ia latou e faikikite, Ti e mafai ke tali mai, mo ka kau vesili ki ai.

Esaia 41:28 ပူးပေါင်းရင်းမြစ်များ

Esaia 46:7

E lotou amo a ia, ti e lotou teki a ia ki olatou tuauma ; E lotou fakatuu a ia ki lona tuuaga, ti e nofo a ia i ai ; E leaise taugaoi a ia i lona tuuaga ; Ti e lotou kalaga ki ai, kae e leaise tali a ia, E leaise fakamauli e ia i le mamae.

Esaia 50:2

Na kau au : kolea na leaise kau maua ai se tasi ? Na kau kalaga : kolea na leaise tali mai ai se tasi ? Pe kua toetoe loku lima ke totogi koutou ? Pe leaise feauga loku makeke ke saofaki koutou ? Ko leinei, i laku valoki, e kau fakamalo le tai, E kau fakaliliu a vaitafe o toafa ; E gaegagae olatou ika, sala vai, Ti e lotou mamate i le fia inu.

Esaia 59:16

E tio a ia e leaise se tagata, E ofolele a ia e leaise se tasi e kole ; Koia na au ai lona lima o tokoi kiate ia, Ti na fanaki a ia ki lona faitotonu.

Esaia 63:5

Na kau tio saele, kae na leaise tasi ke tokoi mai kiate au ; Na kau punamauli, talie na leaise tasi ke fakamakeke ia a au ; Koia na tokoi ai loa loku lima kiate au, Ti na liliu ai loa loku sausau ko loku tokoi.

Esaia 65:12

E kau tuku loa koutou ki le seleta, Ti e kotou peluki fuli loa a tuli ke tamate koutou ; Talie na kau kalaga atu, ti na leaise kotou tali mai ; Na kau masau, ti na leaise kotou fakalogo ; Kae na kotou fai le nea leia e veli ki oku mata, Ti na kotou filifili le nea leia e kau vesia ki ai.

Taniela 5:8

Na ulu ake loa ki fale le kau poto fuli a le sau ; kae na leaise mafai ke lotou lau le fai tosi ti mo fakamatala lona uiga ki le sau.