Esaia 41:25 - Tosi Tapu

²⁵ Na kau lagai se tagata mei le potu noleto, ti na au a ia ; I le potu esite, e too e ia loku igoa ; E takatakafi e ia le kau lalasi ofaipe le pela, Ofaipe le kele kula leia e takatakafi e le tagata faiipu.

Esaia 41:25 ပူးပေါင်းရင်းမြစ်များ

Lua tosi a Samuele 22:43

E kau gugu latou ofaipe le efu o le kele, E kau takatakafi latou ofaipe le pela o ala.

Esaia 10:6

Na kau tuku a ia ke oso ki se puleaga agaveli, Na kau tuku a ia ke saele ki le kakai a laku sausau, Ke maumau mo kaia ona koloa, Ti ke takatakafi a ia ofaipe le pela o ala.

Esaia 21:2

Kua fakatio au ki se nea fakaii. Kua fakaveliveli le tagata fakaveliveli, ti kua maumau le tagata maumau. Ei Elame, ke ke pale ! Ei Meti, ke ke takatakai le kolo ! Talie kua kau fakagato ai lona fia nealasi !

Esaia 41:2

Ko ai na lagai ake ia i le potu esite Leia na kalagai e le fakamauli ke muli iate ia ? Ko ai na tuku ia kiate ia a atu puleaga ti na fakapopula ia ni sau ? Ko ai na fakaliliu ia alatou seleta o efu, Ti mo alatou gasau ko se penu malo leia e agina i le matagi ?

Esaia 44:28

E kau pati kia Silusi : Ko laku tagata tausi manu a ia, Ti e fakasoko loa e ia loku finegalo katoa ; E pati loa a ia ki Selusalemi : Ke toe laga a ia ! Ki le fale tapu : Ke toe fakavae a ia !

Esaia 45:1

Ko leinei le folafola a le Eteleno ki lana filifiliia, ko Silusi,

Esaia 45:13

Ko au leia na lagai ia Silusi ke fakasoko ia laku faitotonu, Ti e kau fakafaigaofie ia loa ona ala fuli. E toe laga loa e ia loku kolo, ti e fakalauatea loa e ia laku kau popula, Sala totogi, sala se nea alofa, E pati le Eteleno o kau tau.

Selemia 1:14

Ti na pati mai loa le Eteleno kiate au : E tupu loa mei le potu noleto le veli ki le kakai katoa o le fenua.

Selemia 50:3

Talie kua pale mai se puleaga mei le potu noleto kiate ia, ti e fakaliliu loa e ia lona fenua o toafa, ti e leaise toe maua loa se tagata i ai ; e sosola loa a tagata mo manu, o ano.

Mikea 7:10

E tio loa ki ai loku fili ti e apele loa a ia i le luma, A ia leia na pati mai kiate au : Kofea le Eteleno, lou Atua ? E fiafia loa oku mata i le tio kiate ia ; Kae takatakafi loa a ia ofaipe le pela o ala.

Sakalia 10:5

E lotou fai loa pe ni kau toa i le tau o takatakafi latou ala e tau kia latou ofaipe le efu o le ala. E lotou tau loa, talie e nofo loa le Eteleno mo latou ; Kae e apele loa i le luma latou ala e eke i ni osi.

Apokalipisi 16:12

Ti na liligi loa e le ono aselo lana ipu ki le vaitafe lasi ko le Eufalate. Ti na masa loa lona vai, ke teuteui ai le ala ki sau ala e au mei le sopoaga o le laa.