Esaia 41:20 - Tosi Tapu

²⁰ O tupu ke lotou tio, ke lotou iloa, Ke lotou tokaga, ti ke lotou matala Ko le lima o le Eteleno leia na fai ia a nea ana, Ko le Sagato o Iselaele leia na fakatupu ia latou.

Esaia 41:20 ပူးပေါင်းရင်းမြစ်များ

Sopo 12:9

Ko ai e leaise iloa ia ia latou le fakamaoki Ko le lima o le Eteleno leia na fai ia a nea fuli ?

Pesalemo 109:27

Ti ke lotou iloa ko lou lima, Ti ko koe, Eteleno, leia na fai ia a ia !

Ekesote 6:7

E kau too loa koutou ko loku kakai, ti e kau liliu loa ko lokoutou Atua, ti e kotou iloa loa ko au ko le Eteleno, ko lokoutou Atua, leia e fakalauatea ia koutou mei gaoi ala kua teki kia koutou e le kau Esipito.

Ekesote 9:16

Kae na kau fakamauli a koe, o tupu ke fakasa iate koe loku makeke, ti ke fakamafola loku suafa i le malama nei katoa.

Esaia 28:29

E au foki le nea lena mei le Eteleno o kau tau ; E fulumalie ai ana fakatuutuu, ti e lasi ai lona poto.

Esaia 29:24

Ko latou ala na sese olatou loto e maua ia loa le atamai, Ti ko latou ala na gugu e maua ia loa le akonaki.

Esaia 40:5

Ti e fakasa loa le kololia o le Eteleno, Ti e tio loa kiate ia a tagata fuli i le temi fai lena ; Talie kua folafola le gutu o le Eteleno.

Esaia 41:4

Ko ai na fai ia ti na fakasoko ia a nea ana ? Ko leia na kalagai ia a tautupu mei le kamataaga, Ko au, le Eteleno, le uluaki Leia e tatau o kaku ki sekulo fakamuli.

Esaia 43:15

Ko au ko le Eteleno, lokoutou Sagato, Le tupuaga o Iselaele, lokoutou sau.

Esaia 43:21

Ko le kakai leia na kau fau ma aku, E fakasa ia loa oku fakavikiviki.

Esaia 44:23

Atu lagi, kotou fakafiafia ! talie kua gaoi le Eteleno ! Potu loloto o le kele, kotou kalaga fakanekenekea ! Mauga lalasi, kotou fai ni kalaga fakafiafia ! Mo koutou foki, vaomatua ti mo okoutou laakau fuli ! Talie kua toe totogi e le Eteleno a Sakopo, Kua fakasa e ia lona kololia i Iselaele.

Esaia 49:23

E liliu loa ni sau ko ou tagata taupau toe, ti e liliu loa olatou fafine aliki ko au fafine taupau toe ; E lotou punou loa o kaku ki le kele i ou mua, Ti e lotou epo loa le efu i ou vae, Ti e ke iloa loa ko au ko le Eteleno, Ti ko latou ala e tuku ia lalatou amanaki malie kiate au e leaise luma loa.

Esaia 66:14

E kotou tio loa ki ai, ti e fiafia loa lokoutou loto, Ti e toe maua loa e okoutou ivi se makeke ofaipe le laakau sesega. E fakasa loa e le Eteleno lona mafimafi ki ana tagata fakasausau, Kae e fakamamafa loa e ia lona sausau ki ona fili.

Esaia 66:18

E kau iloa alatou gaoi mo alatou manatu. Kua soko mai le temi leia ke fakatasi ai a atu puleaga fuli Ti mo masau fuli ; E lotou au loa ti e lotou tio loa ki loku kololia.

Esaia 66:2

Ko nea fuli ana, ko loku lima leia na fai ia latou, Ti ko nea fuli a aku, e pati le Eteleno. Kae ko leinei leia e tio loa ki ai oku mata : Ki leia e mamae ti mo leia e loto fakasemala maoki, Ki leia e i ki laku folafola.

Numelo 23:23

E leaise mafai e nea fakatemonio se nea fua e tasi kia Sakopo, E leaise se aoga o fai kikite ki Iselaele. E lotou iloa i lona temi totonu A gaoi fuli ala e fai e le Atua kia latou.

Lua tosi ki le kau Tesalonika 1:10

mo ka au loa a ia i le aso a ia ke fakakololiai a ia i lana kau sagato, ti ke tio kiate ia latou fuli ala na tui kiate ia ; talie kua kotou tui ki lamatou fakamaoki ia koutou.