Esaia 41:19 - Tosi Tapu

¹⁹ E kau tuku loa i le toafa le sete, mo le akasia, Le mila mo le olive ; E kau tuku loa i le potu kele kaka Le sipele, mo le oleme, ti mo le pui, fakatasi fuli ;

Esaia 41:19 ပူးပေါင်းရင်းမြစ်များ

Esaia 27:6

I temi ka au, e tauaka loa Sakopo, E toe sosomo loa ni se i Iselaele ti mo ni uli, Ti e fakaapele loa e ia le malama nei ki ona fua.

Esaia 32:15

O kaku ki le aso leia e liligi ai le Laumalie maokioki kia tatou mei aluga, Ti e fetogi ai le toafa ko se faisaga laakau fua, Ti e fai ai le faisaga laakau fua pe se vaomatua.

Esaia 35:1

E fiafia loa le toafa mo le fenua kaka ; E fiafia loa le fenua lavaki, ti e se loa a ia ofaipe se nalesise ;

Esaia 43:19

Ko leinei, e kau fai loa se nea foou, leia kua vave soko fua : Pe leaise kotou tio mata loa ki ai ? E kau tofa loa se ala i le toafa, Ti mo ni vaitafe lalasi i le potu lavaki.

Esaia 51:3

Talie e alofa le Eteleno ki Sione, Ti e alofa a ia ki ona maumau fuli ; E fakaliliu loa e ia lona toafa ofaipe se Palatiso, Ti mo lona kele malo ofaipe se oloto a le Eteleno. E maua loa i ai le fiafia mo le nekenekea, A fakafetai ti mo le sua o katiko.

Esaia 55:13

E tupu loa le sipele i le ganea leia na tuu ai le laakau talatala, Ti e tupu loa le mila o fetogi le vao veli ; Ti e liliu loa le nea lena ko se kololia ki le Eteleno, Ko se fakamanatu lee gato, leia e leaise toe puli loa.

Esaia 60:13

E au loa kiate koe le kololia o Lipane, Le sipele, mo le oleme ti mo le pui, latou fuli fakatasi, Ke teuteu ai loku sagatualio, Ti e kau fakakololia loa le ganea leia e malolo ai oku vae.

Esaia 60:21

E maokioki loa lou kakai katoa, E lotou maua loa le fenua o lee gato ; Ko le uli a ia na kau to ia, le gaoiaga o oku lima, Ke tausi ki loku kololia.

Esaia 61:11

Talie, ofaipe le kele leia e fakasomo ia lona pulapula, Ti e faipe le oloto leia e fakatupu ia ona fakaili, E fakatupu loa e le Aliki, le Eteleno, le fakamauli mo le fakafetai I mua o atu puleaga fuli.

Esaia 61:3

Ke soli kia latou fuli ala e mamae i Sione, Io, ke soli kia latou se pala fakasau ke fetogi ai le mugalafu, Mo se lolo fakafiafia ke fetogi ai le putu, Mo se kofu fakafetai ke fetogi ai le loto mamae, O tupu ke fakaigoa latou ko ni telepate o le faitotonu, Se faisaga a le Eteleno, ke tausi ki lona kololia.

Esekiele 47:12

I laugutu o le vaitafe e sosomo ai loa a laakau fua kesekese. Ti e leaise toe gini loa olatou lau ti e leaise toe gato loa lalatou fua. E leleu loa a fua o laakau i masina fuli, talie e fakavai loa latou e le vai leia e ifo i le fale tapu. Ti e kai loa a fua o laakau, kae faitoo loa ki olatou lau.

Oseo 14:8

Efalaimi, pe koi i ai se nea iate koe mo taulaatua ? E kau tali loa lana kole, e kau tagaki loa kiate ia, E kau liliu loa kiate ia ofaipe se sipele sesega. E ke maua loa lou fua iate au.

Sakalia 1:8

Na kau tio i le pouli, ti ko leinei, na eke se tagata i se osi kula, ti na tuu a ia i loto malie o ni mila i se ganea malumalu ; na tutuu i ona muli ni osi kula, mo ni osi uli, ti mo ni osi tea.