Esaia 41:18 - Tosi Tapu

¹⁸ E kau fakamavaa loa ni vaitafe i mauga liliki, Ti mo ni matamata i loto malie o vaivailiua ; E kau fakaliliu loa le toafa ko se vai tanaki, Ti mo le kele kaka ko ni tafe ;

Esaia 41:18 ပူးပေါင်းရင်းမြစ်များ

Pesalemo 104:10

E taki e ia a matapuna vai ki ni liua Ala e tafe i vasa o mauga.

Pesalemo 105:41

Na fakamavaa loa e ia le utu, ke sali mei ai le vai ; Ti na tafe loa le vai ofaipe se vaitafe i ganea malo.

Pesalemo 107:35

E fakaliliu e ia le toafa ko se tanakiaga vai, Ti mo le kele malo ko ni matapuna vai,

Pesalemo 126:4

Eteleno, toe aumai omatou kau popula, Ofaipe ni liua i le potu saute !

Pesalemo 46:4

Mo ka gugulu ai ti mo piau ai a galu o le tai, Ti mo lotou malaga ai ki aluga o lui a mauga. - Manava.

Esaia 12:3

E kotou asu loa le vai i le fiafia I matapuna o le mauli,

Esaia 30:25

I mauga taualuga fuli mo mauga liliki fuli, E i ai loa ni liua, mo ni vaitafe, I le aso o le tamatea lasi, I le sisiga o tule fuli.

Esaia 32:2

E lotou fai loa pe se mumuniaga i le matagi, Pe se solaaga i le afa, Pe ni tafe i se fenua malo, Pe le malu o se utu lasi i se kele fia inu.

Esaia 33:21

Ko lena le ganea leia e sa ai loa le fulumalie o le Eteleno kia tatou. E maua loa i ai ni liua kia tatou, ni vaitafe lalasi Ala e leaise ulu loa ki ai ni vaka foe, Ti e leaise ano ai loa se vaka tau.

Esaia 35:1

E fiafia loa le toafa mo le fenua kaka ; E fiafia loa le fenua lavaki, ti e se loa a ia ofaipe se nalesise ;

Esaia 44:3

Talie e kau liligi loa ni vai ki le fenua kua mate i le fia inu, Ti mo ni liua ki le kele malo ; E kau liligi loa loku Laumalie ki lou sakoga, Ti mo laku tapuakina ki ou uli.

Esaia 48:21

Ti e leaise lotou fia inu loa i toafa ala e taki loa e ia latou ki ai : E fakasali loa e ia kia latou le vai i le utu, E fakamafaa loa e ia le utu, Ti e sali loa le vai.

Esaia 58:11

E liliu loa le Eteleno ko lou tagata taki o lee gato, E fagai loa e ia lou laumalie o makona i potu malo, Ti e toe soli loa e ia se makeke ki ou kogatino ; E ke fai loa pe se oloto fakavai, Pe se matapuna o vai mauli leia e leaise toe masa ona vai.

Esaia 65:13

Koia e folafola ai le Aliki, le Eteleno, o pati : Ko leinei, e kai loa aku tagata fakasausau, kae e kotou fia kakai loa ; Ko leinei, e inu loa aku tagata fakasausau, kae e kotou fia inu loa ; Ko leinei, e fiafia loa aku tagata fakasausau, kae e kotou luma loa ;

Soele 3:18

I le temi lena, e tafe loa le vino mei mauga, E sali loa le sua u mei mauga liliki, Ti e i ai loa se vai i liua fuli o Suta ; E mapuna loa se matapuna vai mei le fale o le Eteleno, O fakavai loa le vaivailiua o Sitime.

Sakalia 14:8

I le aso lena, e tafe loa ni vai mauli mei Selusalemi, Ti e tafe loa le tasi vaelua ki le tai o le potu esite, Ti ko le tasi vaelua ki le tai o le potu uesite ; E tatau loa i le temi vevela mo le temi momoko.

Apokalipisi 22:1

Ti na fakasa mai loa e ia kiate au le vaitafe o le vai o le mauli, na gigila ofaipe le kilisitale, leia na mapuna mei le ekeekeaga fakasau o le Atua ti mo le Akeno,

Apokalipisi 7:17

Talie ko le Akeno leia e nofo i loto malie o le ekeekeaga fakasau e fagai ia loa latou ti mo taki ia loa latou ki matapuna o le vai mauli, ti e solosoloi loa e le Atua a loimata fuli i olatou mata.

Tuifakamaau 15:19

Na fakamavaa loa e le Atua le mafaa o le utu leia e tuu i Lesi, ti na tafe loa mei ai le vai. Na inu loa Samisoni, ti na toe malama loa ona mata, o toe maua loa lona makeke.