Esaia 41:17 - Tosi Tapu

¹⁷ E afa e le kau fakaaloalofa mo le kau mativa se vai, kae e leaise maua a ia ; Kua malo olatou alelo i le fia inu. Ko au, le Eteleno, e kau tali loa latou ; Ko au, le Atua o Iselaele, e leaise kau tiaki loa latou.

Esaia 41:17 ပူးပေါင်းရင်းမြစ်များ

Senesi 28:15

Ko leinei, e kau nofo mo koe, e kau taupau loa a koe i ganea fuli ala e ke ano loa ki ai, ti e kau toe aumai loa a koe ki le fenua leinei ; talie e leaise kau tiaki noa loa a koe, kae kau fakasoko loa a nea fuli ala na kau fakapapau atu kiate koe.

Uluaki tosi o Sau 17:8

Ti na tuku loa le folafola a le Eteleno kia Elia, o pati :

Lua tosi o Koloniko 6:17

Koia, Eteleno, Atua o Iselaele, fakasoko lau fakapapau leia kua ke fai ki lau tagata fakasausau ko Tavite !

Pesalemo 22:15

E kau faipe se vai leia e sali, Ti e mavete oku ivi fuli ; E fai loku mafu le fa silo, E okioki a ia i oku tootooga.

Pesalemo 34:6

Ka fulusi otou mata kiate ia, e tou gigila loa i le fiafia, Ti e leaise apele loa otou mata i le luma.

Pesalemo 37:25

Na kau tupulaga, ti kua kau matua, Kae e leikiaise kau tio na tiaki le tagata agatonu, Pe na kaiisi lona sakoga lana pane.

Pesalemo 42:2

Ofaipe se tia e fakaamu ki ni tafeaga vai, E fakaamu foki loku laumalie kiate koe, ei Atua !

Pesalemo 50:15

Ti ke ke fetapa mai kiate au i le aso o le mamae ; Ti e kau saofaki loa a koe, ti e ke fakakololia loa kiate au.

Pesalemo 74:21

Aua na ke tuku ke toe liliu i le luma le kakai leia na fakavelivelii ! Tuku ke fakafetai le kau fakaaloalofa mo le kau mativa ki lou suafa !

Pesalemo 94:14

Talie e leaise fakanoai e le Eteleno lona kakai, E leaise tiaki e ia lona tofiga ;

Ekesote 17:3

Na veli ai le fia inu o le kakai, ti na lotou lalau loa kia Moisese, o pati : Kolea na ke fakamavae ai matou i Esipito, ke motou mamate ai i le fia inu, matou mo amatou fanau ti mo amatou kau manu ?

Ekesote 17:6

Ko leinei, e kau tuu loa i ou mua i le utu o Olepe ; ti ke taai loa le utu, ti e tafe loa mei ai se vai, ti e inu loa le kakai. Ti na fai fenaaki loa e Moisese i mua o le kau matua o Iselaele.

Esaia 30:19

Io, kakai o Sione, kakai o Selusalemi, E leaise ke toe tagi loa ! E soli atu loa e ia kiate koe lona kalasia, mo ka ke kalaga loa ; I le temi fai leia e logo ai loa a ia ki lau kalaga, e tali atu loa a ia kiate koe.

Esaia 42:16

E kau fakasaele loa a kivi i se ala leia e leaise lotou iloa, E kau taki loa latou i ni ala ala e leaise lotou lave ki ai ; E kau fetogi loa i olatou mua le fakapouli ko le malama, Ti mo ganea pikopiko ko ni potu laumalie : Ko lena le nea leia e kau fai loa, ti e leaise kau tiaki loa latou.

Esaia 43:20

E fakakololia loa kiate au a manu o faisaga, A kuli vao mo otulusi, Talie e kau tuku loa ni vai i le toafa, Ni vaitafe i le potu lavaki, Ke fakainu ai loku kakai, loku filifiliia.

Esaia 44:3

Talie e kau liligi loa ni vai ki le fenua kua mate i le fia inu, Ti mo ni liua ki le kele malo ; E kau liligi loa loku Laumalie ki lou sakoga, Ti mo laku tapuakina ki ou uli.

Esaia 48:21

Ti e leaise lotou fia inu loa i toafa ala e taki loa e ia latou ki ai : E fakasali loa e ia kia latou le vai i le utu, E fakamafaa loa e ia le utu, Ti e sali loa le vai.

Esaia 49:10

E leaise lotou toe fia kai loa, ti e leaise lotou toe fia inu loa ; E leaise lotou toe mamae loa i le matagi vevela o le toafa ti mo le laa ; Talie ko leia e alofa kia latou e liliu loa ko lolatou tagata takitaki, Ti e taki loa e ia latou ki ni matapuna vai.

Esaia 55:1

Koutou fuli ala e fia inu, kotou au ki atu vai, Mo leia foki e leaise maua ia sana paaga ! Kotou au, kotou totogi ti kotou kai, Kotou au, kotou totogi se vino mo se sua u, sala paaga, sala totogi !

Esaia 58:11

E liliu loa le Eteleno ko lou tagata taki o lee gato, E fagai loa e ia lou laumalie o makona i potu malo, Ti e toe soli loa e ia se makeke ki ou kogatino ; E ke fai loa pe se oloto fakavai, Pe se matapuna o vai mauli leia e leaise toe masa ona vai.

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Esaia 62:12

E fakaigoa loa latou kakai maokioki, kakai na totogi e le Eteleno ; Ti ko koe, e fakaigoa loa a koe alofaina, kolo na leaise tiakina.

Esaia 65:13

Koia e folafola ai le Aliki, le Eteleno, o pati : Ko leinei, e kai loa aku tagata fakasausau, kae e kotou fia kakai loa ; Ko leinei, e inu loa aku tagata fakasausau, kae e kotou fia inu loa ; Ko leinei, e fiafia loa aku tagata fakasausau, kae e kotou luma loa ;

Esaia 65:24

I mua o lalatou fetapa mai kiate au, E kau tali loa ; I mua o le tuku o lalatou masau, e kau tali loa.

Esaia 66:2

Ko nea fuli ana, ko loku lima leia na fai ia latou, Ti ko nea fuli a aku, e pati le Eteleno. Kae ko leinei leia e tio loa ki ai oku mata : Ki leia e mamae ti mo leia e loto fakasemala maoki, Ki leia e i ki laku folafola.

Selemia 31:25

Talie e kau fakainu loa le laumalie e fia inu, Ti e kau fakamakona loa a laumalie fuli e gaegae.

Tagi laulau a Selemia 4:4

Kua pipiki le alelo o le toe memea i lona gutu, Kua malo a ia i le fia inu ; E kole e toe se pane, Kae e leaise soli e se tasi se pane kia latou.

Esekiele 47:8

Na pati mai loa a ia kiate au : E tafe loa le vai leinei ki le fenua o le potu esite, o ifo ki le toafa, o tau ki le tai ; ti ka kaku loa le vaitafe ki le tai, e fakamauli loa e ia a vai o le tai.

Mateo 5:3

Manuia latou ala e mativa i le loto, talie e fakalogo kia latou le Puleaga o le atu lagi.

Mateo 5:6

Manuia latou ala e fia kai mo fia inu ki le faitotonu, talie e lotou makokona loa !

Luka 16:24

Ti na tauvasa loa a ia : Tamana Apalaamo, alofa mai kiate au, ti kakau mai Lasalo ke fakasusu e ia le tumutumu o lona maikao ki le vai, ke fakamokomoko ai loku alelo, talie e kau mamae lasi ai i le afi nei.

Lua tosi ki le kau Kolinto 12:9

kae na pati mai a ia kiate au : e feauga loku kalasia kiate koe, talie e fakasoko loku makeke i le gaegae. Koia e kau fakakololia tafito loa i oku gaegae, o tupu ke nofo le makeke o Kilisito iate au.

Apokalipisi 21:6

Ti na pati mai loa a ia kiate au : Kua fai ! Ko au ko le alefa mo le omeka, ko le kamataaga mo le gatoaga. E kau soli noa le vai o le matapuna o le mauli ki leia e fia inu.

Apokalipisi 22:17

Ti e pati le Laumalie mo le fafine avaga : Au. Ti ke pati leia e logo ki ai : Au. Ti ke au leia e fia inu ; ko leia e loto ke too le vai o le mauli sala totogi.