Esaia 41:15 - Tosi Tapu

¹⁵ Ko leinei, e kau fakaliliu a koe ko se saliote sasa fulumeto, foou katoa, Kua apele i ni nifo matakakai ; E ke sasa loa, e ke gugu loa a mauga lalasi, Ti e ke fakaliliu loa a mauga liliki ofaipe le mutie malo leia e viligia.

Esaia 41:15 ပူးပေါင်းရင်းမြစ်များ

Pesalemo 18:42

E lotou tagi, kae e leaise tasi leia ke fakamauli ia latou ! E lotou tagi ki le Eteleno, kae e leaise tali a ia kia latou !

Esaia 17:13

Kua logoa a atu puleaga ofaipe le logoa o vai lalasi… Kae e feau latou e le Eteleno, ti e lotou sosola ki mamao, Ofaipe mutie malo o le mauga ala e pusi e le matagi, Ofaipe le efu leia e lagai e se asesio.

Esaia 21:10

Ei loku kakai, leia na ta ofaipe le ta o le fulumeto i le taaga fulumeto, Ko le nea leia na kau ako mei le Eteleno o kau tau, Atua o Iselaele, Na kau fakasa a ia kia koutou.

Esaia 28:27

E leaise taomi le niele ki le nea fakamaluu kele ; Ti e leaise ano le teka o le saliote i aluga o le kumini ; Kae e sasa le niele ki le laakau, Ti mo le kumini ki le tokotoko.

Esaia 29:5

E fai loa le api o ou fili pe se ao efu, Ti e fai loa le kau solia api lena pe se tuuga penu leia kua mavetevete i le matagi. Kae e soko fakapunamauli loa le nea leinei i le temi e tasi :

Esaia 42:15

E kau maumaui loa a mauga lalasi mo mauga liliki, Ti e kau fakamalo ia loa le lau laakau sesega katoa ; E kau fakaliliu loa a vaitafe ko se kele fefeka, Ti e kau fakamasa loa a vai tanaki.

Esaia 64:1

Ofaipe se ula a se afi na tafu ki se fafie malo, Ofaipe se pula o se vai vela o masa ; E iloa loa e ou fili lou suafa, Ti e lulu loa a atu puleaga i ou mua.

Selemia 51:20

Na ke fai kiate au pe se amale, pe se masafu tau. Na kau fatifatii ni puleaga iate koe, Na kau maumaui ni kakai iate koe.

Selemia 51:33

Talie e folafola le Eteleno o kau tau, le Atua o Iselaele : Kua fai le taine o Papilone pe se ganea ta fulumeto i le temi e takatakafi ai le fulumeto ; Koi toe fai le ga temi ikiiki ti soko mai lona temi ta ofaipe le fulumeto.

Selemia 9:10

E kau fia tagi mo tagi laulau o tupu ko atu mauga, E kau fia tagi laulau o tupu ko nofoaga o le toafa ; Talie kua vela, ti e leaise koi fakalaka se tasi i ai, E leaise koi logo i ai ki le tagi o kau manu ; Kua sosola a manu lele o le lagi mo manu o le vao, kua lotou pupuli.

Esekiele 33:28

E kau fakaliliu loa le fenua o toafa ; ti e kau fakagato loa lona fia taualuga i lona makeke, ti e tuu noa loa a mauga o Iselaele, talie e leaise toe fakalaka loa i ai se tasi.

Taniela 2:35

Ti na fatifati fakatasi loa le ukamea, mo le kele, mo le sila, mo le siliva, mo le aulo, ti na lotou liliu loa ofaipe le penu leia e agina mei le sasaaga fulumeto i le temi vevela. Na ave loa a ia e le matagi, ti na leaise toe maua loa se nea i le ganea lena. Kae ko le fa fatu leia na taai ia le fakatata na liliu loa ko se mauga lasi, ti na fakaapele loa e ia le malama nei katoa.

Mikea 4:13

Taine o Sione, tuu ki aluga, ti ke takatakafi ! E kau fai loa kiate koe se tala ukamea mo ni matininia sila, Ti e ke gugu loa ni kakai mauke ; E ke fakatapu loa alatou nea malilie ki le Eteleno, Olatou koloa ki le Aliki o le malama nei katoa.

Mikea 5:8

Ke siki lou lima kia latou ala e fakafesagai kiate koe, Ti ke mamate ou fili fuli !

Apakuki 3:12

E ke foli le kele i lou itaita, E ke takatakafi a atu puleaga i lou sausau.

Sakalia 4:7

Ko ai a koe, mauga lasi ? E ke lapa loa i mua o Solopapele ! E teki loa e ia le fatu tafito i loto malie o ni kalaga fakafiafia : Kalasia, kalasia kiate ia !

Sosue 17:18

Kae e kotou maua loa le mauga, talie ko se vaomatua leia e kotou faala loa, ti e kotou maua loa ona ala fuli, ti e kotou nofoi loa a ia katoa. E kotou kapu loa le kau Kanaane, logo ai alatou saliote ukamea mo lolatou makeke.

Tuifakamaau 6:16

Na pati loa le Eteleno kiate ia : Kae e kau nofo loa mo koe ti e ke tamate loa Matiane ofaipe se tagata e tasi.