Esaia 41:11 - Tosi Tapu

¹¹ Ko leinei, e lotou fakasemala loa, e lotou apele loa i le luma, Latou fuli ala na itaita kiate koe ; E fakaliliu loa latou ko ni nea noa, e lotou mamate loa, Latou ala e fakafefele atu kiate koe.

Esaia 41:11 ပူးပေါင်းရင်းမြစ်များ

Ekesote 11:8

Ti e ifo mai loa au tagata fakasausau fuli anei kiate au, ti e lotou punou loa ki le kele i oku mua, o pati : Mavae, a koe mo le kakai katoa leia e muli iate koe ! Ka oki loa le nea lena, e kau mavae loa. Ti na mavae loa Moisese mei le fale o Falaone i se ita lasi ai.

Ekesote 12:29

I loto malie o le pouli, na tamate loa e le Eteleno a fanau uluaki fuli o le fenua o Esipito, mei le uluaki o Falaone, leia e ekeeke i lona ekeekeaga fakasau, o kaku ki le uluaki o le tagata popula, leia e nofo i le pilisoni, mo uluaki fuli o manu.

Ekesote 23:22

Kae kapau e ke fakalogo ki lona leo, ti kapau e ke fai a nea fuli ala e kau fakasa kiate koe, ti e kau liliu loa ko le fili o ou fili, ti e kau fakafesagai loa kia latou ala e fakafesagai kiate koe.

Esaia 17:13

Kua logoa a atu puleaga ofaipe le logoa o vai lalasi… Kae e feau latou e le Eteleno, ti e lotou sosola ki mamao, Ofaipe mutie malo o le mauga ala e pusi e le matagi, Ofaipe le efu leia e lagai e se asesio.

Esaia 29:5

E fai loa le api o ou fili pe se ao efu, Ti e fai loa le kau solia api lena pe se tuuga penu leia kua mavetevete i le matagi. Kae e soko fakapunamauli loa le nea leinei i le temi e tasi :

Esaia 29:7

Ti ko puleaga mauke ala na tau kia Aliele, Latou fuli ala na oso kiate ia mo lona kolo tau, Latou ala na fakamamae ia a ia, E fai loa pe se moe miti, pe se nea leia na tio ki ai i le pouli.

Esaia 29:8

Ti ko puleaga mauke ala na au loa o taui le mauga o Sione, E fai loa pe se tagata leia e fia kai Ti e moe miti e kai a ia, Kae e ala ake a ia mo lona manava e pakupaku, Pe leia e fia inu e moe miti e inu, Kae ala ake a ia, e gaegae mo malo aifai lona fatakia.

Esaia 34:12

E leaise toe maua loa se kau tagata lalasi ke fakanofo ia se sau, Talie kua pupuli ona tagata aliki fuli.

Esaia 40:17

E fai a atu puleaga fuli i ona mua pe se nea noa, E leai solatou ga uiga fua kiate ia.

Esaia 40:2

Kotou masau ki le loto o Selusalemi, ti kotou kalaga kiate ia Kua oki lona popula, Kua fakamolemole lana agaveli, Kua maua e ia mei le lima o le Eteleno O liuga lua o ana agasala fuli.

Esaia 41:24

Ko leinei, ko koutou ko nea noa, Ti ko lakoutou gaoiaga ko le noa ; Ko se nea fakalialia le fanaki kia koutou.

Esaia 41:29

Ko leinei, ko latou fuli ko nea noa, Ko alatou gaoi ko le noa, Ko olatou taulaatua ko se matagi noa.

Esaia 45:24

E lotou pati mai loa kiate au : Ko le Eteleno toka tasi leia e maua ai le faitotonu mo le makeke ; Ko latou fuli ala na itaita kiate ia E toe liliu mai loa kiate ia i le luma.

Esaia 49:25

Io, e pati le Eteleno, e too loa leia e popula ki le tagata makeke mei ona lima, Ti e too loa le koloa o le tagata agaveli mei ona lima. E kau taui loa ou fili, Ti e kau fakamauli loa ou vosa.

Esaia 49:26

E kau fagai loa latou ala na fakaveliveli kiate koe ki lolatou tino totonu ; E lotou konana loa i lolatou toto totonu ofaipe se vino ; Ti e iloa loa e tagata fuli ko au ko le Eteleno, lou fakamauli, Leia na totogi ia a koe, le mafimafi o Sakopo.

Esaia 54:15

Kapau e fai ni fakatasi kiate koe, e leaise natu loa le nea lena iate au ; Ko latou fuli ala e fili loa kiate koe e vivilo loa i lou pule.

Esaia 54:17

E noa loa a masafu tau fuli na fau ke tau kiate koe ; Ti ko alelo fuli ala e malaga ake loa kiate koe i le fakamaauaga E ke tautea loa latou. Ko lena le tofiga o tagata fakasausau a le Eteleno, Ko lena le fakamauli leia e au loa meiate au kia latou, E pati le Eteleno.

Selemia 12:17

Kae kapau e leaise lotou fakalogo ki se nea, E kau maumaui loa le puleaga lena, E kau maumaui loa a ia, e kau tamate loa a ia, e pati le Eteleno.

Selemia 2:3

Na fakatapu Iselaele ki le Eteleno Na liliu a ia ko uluaki fua o lona tupu. Ko latou fuli ala na kai kiate ia na agasala, Ti na vilo le malaia kia latou, e pati le Eteleno.

Taniela 4:35

Ti e fai a kakai fuli o le malama nei ki ona mata pe ni nea noa : e fai e ia o mulimuli ki lona finegalo ki le kau tau o le lagi ti mo le kakai o le malama nei, ti e leaise fakatutuu se tasi ki lona lima, o pati kiate ia : Kolea e ke fai ?

Sakalia 12:3

I le aso lena, e kau fakaliliu loa Selusalemi ko se fatu mamafa ki kakai fuli ; Ko latou fuli ala e siki ia loa a ia e lavelavea loa ; Ti e fakatasi loa a atu puleaga fuli o le malama nei kiate ia.

Gaoi 16:39

Ti na lotou au loa o fakakolekole laua, mo fakamavae laua i le pilisoni, ti mo kolekole kia laua ke la mavae i le kolo.

Apokalipisi 3:9

Tio, e kau soli kiate koe ni iki o le sinakoka o Satana, ala e pati ko le kau Sutea, kae e leai, e lotou loi ; tio, e kau fakamakeke loa latou ke lotou au o punou i ou vae, ti ke lotou iloa kua kau alofa kiate koe.