Esaia 40:5 - Tosi Tapu

⁵ Ti e fakasa loa le kololia o le Eteleno, Ti e tio loa kiate ia a tagata fuli i le temi fai lena ; Talie kua folafola le gutu o le Eteleno.

Esaia 40:5 ပူးပေါင်းရင်းမြစ်များ

Uluaki tosi o Sau 14:11

Ko leia o le fale o Selopoamo e mate loa i le kolo e kai loa e kuli, ti ko leia e mate loa i faisaga e kai loa e manu lele o le lagi. Talie kua masau le Eteleno.

Pesalemo 102:16

Ti e i loa a atu puleaga ki le suafa o le Eteleno, Ti mo sau fuli o le malama nei ki lou kololia.

Pesalemo 102:17

Io, e toe laga loa e le Eteleno a Sione, E sa loa a ia i lona kololia.

Pesalemo 72:19

Ke fakafetai ki lona suafa fakakololia o lee gato ! Ke apele le malama nei katoa i lona kololia ! Amene ! Amene !

Pesalemo 96:6

E tuu i ona mua le fakaapaapa mo le mafimafi, E nofo le kololia mo le mamalu i lona sagatualio.

Pesalemo 97:6

E fakasa e le atu lagi lona faitotonu, Ti e tio a kakai fuli ki lona kololia.

Ekesote 16:7

I le usu, e kotou tio loa ki le kololia o le Eteleno, talie kua logo a ia ki akoutou gugu ki le Eteleno ; ti ko ai maua, ke kotou gugu ai kia maua ?

Esaia 1:20

Kae kapau e kotou patigataa ti kapau e kotou agatuu, E tafi loa koutou e le seleta, Talie kua folafola le gutu o le Eteleno.

Esaia 11:9

E leaise toe fai loa se nea veli, pe ko se maumau I loku mauga maokioki katoa ; Talie e apele loa le malama nei katoa i le iloa o le Eteleno, Ofaipe le apele o le takele o le tai i vai ala e ufiufi ia a ia.

Esaia 26:15

Ei Eteleno ! fakaliuliuga le kakai ! Fakaliuliuga le kakai, fakasa lou kololia ! Soloaki ki muli a koiga fuli o le fenua !

Esaia 34:16

Kotou afa i le tosi a le Eteleno, ti kotou lau ! E leaise se nea fua e tasi e leaise soko loa i nea fuli ana, E leaise puli loa se manu fua e tasi o latou. Talie na fakatotonu a ia e lona gutu. Ko lona Laumalie leia e tanaki ia loa latou.

Esaia 35:2

E se apele loa a ia i se, ti e soposopo loa a ia i le fiafia, I ni sua fakafiafia, ti mo ni kalaga o le malo ; Ti e soli loa kiate ia le kololia o Lipane Ti mo le fulumalie o le Kalemelo mo Saloni. E lotou tio loa ki le kololia o le Eteleno, Mo le fulumalie o lotatou Atua.

Esaia 40:4

Ke tanu a popoko fuli, Ke soloi ki lalo a mauga lalasi mo mauga liliki fuli ! Ke fakaliliu a patu fuli ko ni potu laumalie ! Ti ke fakaliliu a mauga liliki ko ni vaivailiua lalasi !

Esaia 41:20

O tupu ke lotou tio, ke lotou iloa, Ke lotou tokaga, ti ke lotou matala Ko le lima o le Eteleno leia na fai ia a nea ana, Ko le Sagato o Iselaele leia na fakatupu ia latou.

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Esaia 52:10

E fakasa e le Eteleno le lima o lona maokioki I mata o atu puleaga fuli ; Ti e tio loa a potupotu fuli o le malama nei Ki le fakamauli a lotatou Atua.

Esaia 58:14

Ti e ke maua loa lou fiafia i le Eteleno, Ti e kau ave loa a koe ki potu taualuga o le fenua, E kau fakafiafia loa a koe ki le tofiga o Sakopo, lou tamana ; Talie kua masau le gutu o le Eteleno.

Esaia 6:3

Na lotou kalaga o fetaliaki : Maokioki, maokioki, maokioki le Eteleno o kau tau ! E apele le kele katoa i lona kololia !

Esaia 60:1

Tuu ki aluga, ke ke gigila, talie kua soko mai lou malama, ti kua sopo le kololia o le Eteleno kiate koe.

Esaia 66:16

Talie e fai e le Eteleno ana fakamaauaga ki le afi, Ti e tautea e ia a kanofi fuli ki le seleta ; Ti e toka api loa latou ala e tamate loa e le Eteleno.

Esaia 66:18

E kau iloa alatou gaoi mo alatou manatu. Kua soko mai le temi leia ke fakatasi ai a atu puleaga fuli Ti mo masau fuli ; E lotou au loa ti e lotou tio loa ki loku kololia.

Esaia 66:23

I masina foou fuli ti mo sapato fuli, E au loa a kakai fuli o atolasio kiate au, e pati le Eteleno.

Selemia 32:27

Ko leinei, ko au ko le Eteleno, le Atua o tagata fuli. Pe i ai se nea e faigataa kiate au ?

Selemia 9:12

Kofea le tagata poto leia e matala ki nea anei ? Ke fakasa e ia a ia, e leia na masau ki ai le gutu o le Eteleno ! Kolea kua maumau ai le fenua, Kua vela ai ofaipe se toafa leia e leaise fakalaka ai se tasi ?

Soele 2:28

I le oki o le nea lena, e kau liligi loa loku Laumalie ki kanofi fuli ; E kikite loa okoutou vosa mo okoutou taineliki, E fai loa e okoutou matua ni moe miti, Ti mo okoutou tagata tupulaga ni tio.

Mikea 4:4

E lotou nonofo loa le tagata taki tasi i lalo o lana vite mo lona fiki, Ti e leaise toe fakamamae loa latou e se tasi ; Talie kua masau le gutu o le Eteleno o kau tau.

Apakuki 2:14

Talie e apele loa le malama nei i le iloa o le kololia o le Eteleno, Ofaipe le takele o le moana leia e apele i le vai leia e uufi ia a ia.

Sakalia 2:13

Ke fakalologo kakai fuli i mua o le Eteleno ! Talie kua ala a ia o au mei lona nofoaga maokioki.

Luka 2:32

Malama ke fakamalama ia a atu puleaga, Ti kololia o Iselaele, lou kakai.

Luka 3:6

Ti e tio loa a kanofi fuli ki le fakamauli o le Atua.

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Soane 12:41

Na pati loa Esaia ki nea ana, i lana tio ki lona kololia, ti mo lana masau kiate ia.

Soane 17:2

Talie kua ke tuku kiate ia le pule ki tagata fuli, o tupu ke soli e ia le mauli lee gato kia latou fuli ala kua ke soli ki ai.

Gaoi 2:17

I aso fakamuli, e pati le Atua, e kau tufaki loa loku Laumalie Maokioki ki kanofi fuli ; Efaikikite loa okoutou vosa mo okoutou taineliki, Emaua loa e okoutou kau tupulaga ni tio, Ti e maua loa e okoutou kau matua ni moe miti.

Lua tosi ki le kau Kolinto 3:18

Ti ko tatou fuli ala e tio i ni mata sala pulou ki le kololia o le Aliki ofaipe i se tiloata, e tou liliu ko se paaki e tasi mo ia, mei se kololia ki se kololia, i le Laumalie o le Aliki.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Epelo 1:3

Ko le Alo ko le malama a ia o lona kololia ti ko le tatau a ia o lona agai, ti e taofi e ia a nea fuli ki lana folafola mafimafi. Kua fai e ia le fakamea o agasala, ti kua ekeeke a ia i le fetuu atamai o le lima atamai o le Atua i ganea taualuga.

Apokalipisi 21:23

Ti na leaise aoga ki le kolo se laa mo se masina, ke fakamalama ia a ia ; talie e fakamalama a ia e le kololia o le Atua, ti ko le Akeno ko lona fa malama a ia.