Esaia 40:31 - Tosi Tapu

³¹ Kae ko latou ala e fanaki ki le Eteleno e fakafoou lolatou makeke. E lotou toe malaga ki aluga o lele pe ni akuila ; E lotou makape, kae e leaise lotou kaekae ; E lotou saele, kae e leaise lotou gaegae.

Esaia 40:31 ပူးပေါင်းရင်းမြစ်များ

Sopo 17:9

Kae e tuu makeke aifai le tagata agatonu i lona ala, ti e asilisili lotomakeke leia e mea ona lima.

Pesalemo 103:5

Ko ia leia e fakamakona ia lou temi matua ki nea malilie, Leia e fakaliliu ia a koe o tupulaga ofaipe le akuila.

Pesalemo 123:2

Ko leinei, ofaipe mata o ni tagata fakasausau e tio tuumau ki le lima o olatou pule, Ti mo mata o le fafine fakasausau ki le lima o lona fafine pule, E agaaga foki omatou mata ki le Eteleno, lomatou Atua, O kaku ki lona aloalofa mai kia matou.

Pesalemo 138:3

I le aso leia na kau kalaga ai kiate koe, Na ke tali mai kiate au, na ke fakafimalie au, na ke fakamakeke loku laumalie.

Pesalemo 20:9

Ko latou, e lotou mapelu ki lalo, ti e lotou sisiga ; Ko matou, e motou tuu makeke, ti e motou tutuu i aluga.

Pesalemo 25:21

Ke puipui au e le saosaoa mo le agatonu, Talie e kau tuku laku amanaki malie kiate koe !

Pesalemo 25:3

Ko latou fuli ala e amanaki malie kiate koe e leaise luma loa. Io, e luma loa latou ala e leaise agatonu, kae e leai sona tupuaga.

Pesalemo 25:5

Ke ke taki au i lou maoki, ti ke ke ako au ; Talie ko le Atua a koe o loku fakamauli, Ko loku amanaki malie a koe o lee gato.

Pesalemo 37:34

Ke ke amanaki malie ki le Eteleno, ti ke ke tausi lona ala, Ti e siki loa e ia a koe o tupu ke ke maua le fenua ; E ke tio loa e motusi le kau agaveli.

Pesalemo 40:1

Ki le pule o le kau sua. A Tavite. Pesalemo.

Pesalemo 84:7

Ka lotou ano i le toafa o Paka, E lotou fakaliliu a ia ko se ganea e apele i matapuna vai, Ti e fakaapele foki a ia e le ua ki ni tapuakina.

Pesalemo 84:8

E asilisili lasi lolatou makeke i le lolotoga o le saele, Ti e lotou tutuu loa i mua o le Atua i Sione.

Pesalemo 92:1

Pesalemo. Katiko ki le aso o le sapato.

Pesalemo 92:13

E tutupu sako le kau agatonu ofaipe le palemie, E lotou lalasi ofaipe le sete o Lipane.

Ekesote 19:4

Kua kotou tio ki le nea leia na kau fai ki Esipito, ti kua kotou tio ki laku aumai koutou ki leinei, ki oku tafa, ofaipe se akuila leia e ave ia ona uviki i aluga o ona kapakau.

Taagapati 30:19

Ko le fakamailoga o le akuila i le lagi, Mo le fakamailoga o le gata i le fatu, Mo le fakamailoga o le vaka i le tai ; Ti mo fakamailoga o se tagata i se taine.

Katiko o Katiko 8:5

Ko ai le fafine leia e pale mai i le toafa, O fafanaki ki lona alofaaga ? Na kau fafagu a koe i lalo o le pome ; I lena na fanaui a koe e lou tinana, Ko le ganea lena na fanaui e ia a koe, na ke tio ai ki le malama o le ao.

Esaia 25:9

I le aso lena e pati loa : Ko leinei, ko lomatou Atua, leia e motou fanaki ki ai, Ti ko ia leia e fakamauli ia matou ; Ko le Eteleno leia e motou fanaki ki ai ; Ke tou nekenekea, ti ke tou fakafiafia i lana fakamauli !

Esaia 30:15

Talie na folafola le Aliki, le Eteleno, le Sagato o Iselaele, o pati : I le tafoki mai kiate au mo le nofo iate au, e kotou maua ai le mauli ; I le agamalu mo le tui kiate au, e kotou maua ai le makeke. Kae na leaise kotou loto ki ai !

Esaia 30:18

Koia e oli le Eteleno ke soli atu kia koutou lona kalasia, Ti e tuu loa a ia ki aluga o soli atu kia koutou lona manava alofa ; Talie ko le Eteleno ko se Atua faitotonu : Manuia latou fuli ala e amanaki malie kiate ia !

Esaia 41:1

Atu motu, kotou fakalologo o fakalogo mai kiate au ! Ke fakafoou e kakai fuli lolatou makeke ! Ke lotou soso mai, ti ke lotou masau ! Tou fakafeofi fakatasi ki le fakamaau !

Esaia 64:4

E ke ano ki mua o leia e fai ia le faitotonu i le fiafia, Ki mua o latou ala e saele i ou ala ti e manatu kiate koe. Kae na ke ita, o tupu na motou agasala ; Ti e motou mamae i ai o fualoa o kaku ki le aso e fakamauli ai loa matou.

Esaia 8:17

E kau amanaki malie ki le Eteleno, Leia kua tapono ia ona mata ki le fale o Sakopo ; E kau tuku laku fanaki kiate ia.

Selemia 48:15

Kua maumaui Moape, kua vela ona kolo, Kua tamate le kau lalasi o lona kau tagata tupulaga, E pati le sau, leia e igoa ko le Eteleno o kau tau.

Sakalia 10:12

E kau fakamakeke loa latou i le Eteleno, Ti e lotou saele loa i lona suafa, E folafola le Eteleno.

Luka 18:1

Na fai loa e Sesu kia latou se folafola fakatata, ke fakasa e tonu ke faikole tuumau, kae aua na toe kaekae fua.

Loma 8:25

Kae kapau e tou amanaki ki le nea leia e leaise tou tio ki ai, e tou talitali ki ai mo le loto kataki fualoa.

Lua tosi ki le kau Kolinto 4:1

Koia, i lama maua le gaoi lena o mulimuli ki le manavaalofa leia na tuku mai kia maua, e leaise ma loto gaegae.

Lua tosi ki le kau Kolinto 4:16

Koia e leaise ma loto gaegae ai. Ti kapau foki e maumau loma tagata i tafa, e fakafoou loma tagata i loto i le aso taki tasi.

Kalate 6:9

Aua na tou kaekae i le fai o le nea leia e malie ; talie e tou utu loa i lona temi totonu, mo kapau e leaise tou fakagaegae.

Tetelonome 32:11

Na fai a ia kiate ia pe se akuila leia e leo i aluga o lona ofaga, ti na ofaki e ia ona uviki. E folasi e ia ona kapakau i lalo o latou, o sapo latou, Ti e amo e ia latou i ona kapakau.

Tetelonome 33:25

Ke ukamea mo kapa ou loka, Ti ke tologa lou makeke ofaipe le tologa o lou mauli !

Uluaki tosi ki le kau Tesalonika 1:10

ti ke talitali mei le atu lagi ki lona Alo, leia na toe fakatuuake e ia mei le kau mate, Sesu, leia e fakamauli ia tatou mei le sausau ka au.

Epelo 12:1

Koia, ko tatou foki, o tupu kua takatakai tatou e se ao lasi o ni tagata fakamaoki, ke tou tiaki a kavega mamafa fuli, ti mo le agasala leia e pipiki gaofie kia tatou, ti ke tou makape i le kataki fualoa i le malae leia kua fakamavaa mai kia tatou,

Epelo 12:3

Koia, ke kotou tokaga mua ki leia na kataki ia le agatuu lasi lena mei le kau agasala, o tupu ke aua na kotou kaekae mo loto gaegae.

Sosue 14:11

Koi kau makeke ofaipe le aso leia na kakau ai au e Moisese ; koi kau nofo nei mo loku makeke katoa leia na kau nofo mo ia i le temi lena, tatau pe ke ano o tau, pe ke ulu ki fafo, pe ke ulu ki loto.

Apokalipisi 12:14

Ti na soli loa ki le fafine a kapakau e lua o le akuila lasi ke lele ai ki le toafa, ki lona mumuniaga, ki le ganea leia e fagai ai loa a ia i se temi, mo ni temi, ti mo le vaelua o se temi, o mamao mei mata o le gata.

Apokalipisi 2:3

e ke maua le kataki fualoa, ti na ke mamae o tupu ko loku suafa, ti na leaise ke loto gaegae.

Apokalipisi 4:7

Ko le uluaki manu mauli e faipe se laione, ko le lua manu mauli e faipe se uviki pipi, ko le tolu manu mauli na mata pe se tagata, ti ko le fa manu mauli e faipe se akuila leia e lele.

Tuifakamaau 16:28

Ti na fai loa e Samisoni le kole leinei ki le Eteleno, o pati : Aliki Eteleno ! E kau kole atu kiate koe ke ke manatu mai kiate au ! Ei Atua, ke ke soli mai kiate au se makeke i le faiaga fua leinei, ke kau totogi ai, i se faiaga e tasi, ki le kau Filisitini oku fa mata e lua !