Esaia 40:29 - Tosi Tapu

²⁹ E soli e ia se makeke ki leia kua gaegae, Ti e fakaapele e ia ki le makeke leia kua oki lona makeke.

Esaia 40:29 ပူးပေါင်းရင်းမြစ်များ

Senesi 49:24

Kae na tuu makeke aifai lana kalolo, Ti na fakamakeke ona lima E lima o le Atua makeke o Sakopo : Koia leia na liliu ai a ia ko le tagata tausi manu, mo le utu o Iselaele.

Neemia 6:9

Talie na faiga latou fuli ana ke fakaii kia matou, o pati : E lotou loto gaegae loa, ti e leaise fai loa le gaoi. I le lakaga nei, ei loku Atua, ke ke fakamakeke au !

Pesalemo 29:11

E soli e le Eteleno le makeke ki lona kakai. E tapuaki le Eteleno ki lona kakai, ti e fakafiafia e ia a ia.

Pesalemo 68:10

Na ke fakato ia loa se ua lasi lasi, ei Atua ! Na ke fakamakeke loa lou tofiga leia na gagae.

Pesalemo 68:35

Kotou tuku le kololia ki le Atua ! E nofo lona agai i Iselaele, ti ko lona makeke i le atu lagi.

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Esaia 50:4

Ko le Aliki, le Eteleno, na soli mai kiate au se alelo poto, O tupu ke kau iloa le masau e aoga ki leia e gaegae. E fafagu e ia, i usu fuli, e fafagu e ia loku taliga, O tupu ke kau fakalogo ofaipe le fakalogo a ni tisipulo.

Selemia 31:25

Talie e kau fakainu loa le laumalie e fia inu, Ti e kau fakamakona loa a laumalie fuli e gaegae.

Sakalia 10:12

E kau fakamakeke loa latou i le Eteleno, Ti e lotou saele loa i lona suafa, E folafola le Eteleno.

Lua tosi ki le kau Kolinto 4:16

Koia e leaise ma loto gaegae ai. Ti kapau foki e maumau loma tagata i tafa, e fakafoou loma tagata i loto i le aso taki tasi.

Tetelonome 33:25

Ke ukamea mo kapa ou loka, Ti ke tologa lou makeke ofaipe le tologa o lou mauli !

Filipe 4:13

E kau mafai a nea fuli i leia e fakamakeke ia au.

Kolose 1:11

ti ke fakamakeke koutou e lona makeke fakakololia, o tupu ke kotou matatali ia a nea fuli i le fiafia, ti ke kotou kataki fualoa tuumau.

Epelo 11:34

mo tamate loa le makeke o le afi, mo sao loa mei le mata o le seleta, mo mauli loa i ni masaki, mo toa loa i le tau, mo tuli loa ni kau tau matapule.

Tuifakamaau 15:19

Na fakamavaa loa e le Atua le mafaa o le utu leia e tuu i Lesi, ti na tafe loa mei ai le vai. Na inu loa Samisoni, ti na toe malama loa ona mata, o toe maua loa lona makeke.

Uluaki tosi a Samuele 2:4

Kua fatii le kalolo a le kau tagata makeke, Ti kua kilipipi ki le makeke le kau gagae.