Esaia 40:28 - Tosi Tapu

²⁸ Pe leaise ke iloa ? Pe na leaise ke logo ki ai ? Ko le Eteleno ko le Atua o sekulo mo sekulo ; Ko ia leia na fakatupu ia le malama nei mei leia potupotu o kaku ki leia potupotu ; E leaise toe gaegae fua a ia, ti e leaise toe kaekae fua a ia ; E leaise mafai ke fuafua lona atamai.

Esaia 40:28 ပူးပေါင်းရင်းမြစ်များ

Senesi 21:33

Na to loa e Apalaamo ni tamalisi i Pele-Sepa ; ti na kalagai loa e ia le suafa o le Eteleno, ko le Atua o le lee gato.

Sopo 38:18

Pe kua tio ou mata ki le malama nei katoa i se lakaga e tasi ? Masau mai, mo kapau e ke iloa a nea fuli ana.

Pesalemo 138:8

E gaoi loa le Eteleno kiate au. Eteleno, e lee gato lou agamalie, Aua na ke tiaki a gaoiaga o ou lima !

Pesalemo 139:6

Ko se poto lasi fenaaki e leaise kau kaku ki ai ; E taualuga veli ai a ia ke kau matala ki ai.

Pesalemo 145:3

E lasi le Eteleno, ti e gali a ia i le fakafetai, Ti e leaise mafai ke iloa lona lasi.

Pesalemo 147:5

E lasi lotatou Aliki, ti e lasi ai lona makeke ; E leai se gatoaga o lona atamai.

Pesalemo 90:2

I mua o le tupu o atu mauga, Ti mo mua o lau fakatupu le kele mo le malama nei, Mei le lee gato ki le lee gato, e ke Atua.

Esaia 37:26

Pe na leaise ke iloa na kau teuteu a nea fuli ana mei mamao, Ti na kau fakatuutuu latou talu mei temi afea ? I le aso nei na kau fakataga ke lotou soko, Ti ke ke fakaliliu ni kolo tau ko ni tuuga fale maumau.

Esaia 40:21

Pe leaise kotou iloa ? Pe na leaise kotou logo ki ai ? Pe na leaise fakasa atu kia koutou i le kamataaga ? Pe na leaise kotou fakakaukau i se aso ki le fakatupu o le malama nei ?

Esaia 42:4

E leaise loto gaegae loa a ia ti e leaise manavanava loa a ia, O kaku ki lana fakatuu le faitotonu i le malama nei, Ti ke amanaki malie a atu motu ki lana lao.

Esaia 45:22

Kotou tafoki mai kiate au, ti e kotou mauli loa, Koutou fuli ala e nonofo i potupotu o le malama nei ! Talie ko au ko le Atua, e leaise tasi ake Atua.

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Esaia 59:1

Leai, e leaise toetoe le lima o le Eteleno ke fakamauli, Pe tulituli lona taliga ke aua na logo.

Esaia 66:9

Pe kau fakamavaa ia loa le manava o le tinana, Ke aua na fanau a ia ? e pati le Eteleno ; Ko au, leia e fakafanau ia, Pe e kau taofi ia loa ke fanaui le toe ? e pati lou Atua.

Selemia 10:10

Kae ko le Eteleno ko le Atua maoki, Ko ia ko se Atua mauli ti ko se sau lee gato ; E galulu le malama nei i mua o lona sausau, Ti e leaise ma tatali e atu puleaga lona sausau.

Selemia 32:17

Ei Aliki Eteleno, Ko leinei, kua ke fakatupu le lagi mo le kele I lou mafimafi lasi mo lou lima falo : E leaise faigataa fua se nea kiate koe.

Selemia 4:22

Kua valea maoki loku kakai, e leaise iloa e ia au ; Ko ni fanau valelea mo sala atamai latou ; E lotou popoto i le fai o le veli, Kae e leaise lotou iloa le fai o le malie.

Maleko 16:14

Ti na sili a ia, na toe sa loa Sesu ki le tino agafulu tupu tasi, kae lotou lolotoga kai ; ti na valoki loa e ia kia latou lolatou tui gataa mo le fefeka o olatou loto, talie na leaise lotou tui kia latou ala na tio kiate ia kua toe tuuake.

Maleko 9:19

Na pati loa Sesu kia latou : Lanu tui gataa, e kaku loa kiafea laku nofo mo koutou ? E kaku loa kiafea laku katakii koutou ? Aumai le toe kiate au. Ti na aumai loa le toe kiate ia.

Luka 24:25

Ti na pati loa Sesu kia laua : Tagata sala atamai, ti mo tui gataa ki nea fuli ala kua fakasa e le kau polofeta !

Soane 14:9

Na pati loa Sesu kiate ia : Kua fualoa ai laku nofo mo koutou, kae leaise ke iloa aifai a au, Filipo ! Ko leia kua tio kiate au kua tio a ia ki le Tamana ; e feaki e ke pati ai : Fakasa mai kia matou le Tamana ?

Soane 5:17

Kae na tali loa Sesu kia latou : Koi gaoi loku Tamana i le temi nei ; ko au foki, e kau gaoi.

Gaoi 13:47

Talie ko le fakatotonu a ia leia na tuku mai e le Aliki kia maua : Na kau fakanofo a koe ke liliu ko le malama o puleaga, Ke ave ia le fakamauli o kaku ki potupotu o le malama nei.

Loma 16:26

kae kua fakasa i le temi nei e tosi a le kau polofeta, o mulimuli ki le fakatuutuu a le Atua lee gato, ti kua fakasa ke iloa e puleaga fuli, o tupu ke lotou fakalogo ki le tui :

Uluaki tosi ki le kau Kolinto 2:16

Talie Ko ai na iloa ia le manatu a le Aliki ? Ko ai na tuku ia ni tokoi kiate ia ? Kae ko tatou, e tou maua le manatu a Kilisito.

Uluaki tosi ki le kau Kolinto 6:16

E leai ai ! Pe leaise kotou iloa ko leia e pipiki ki le fafine fai feauaki e liliu a ia ko se tino e tasi mo ia ? Talie e pati, e la liliu loa ko se tino e tasi.

Uluaki tosi ki le kau Kolinto 6:19

Pe leaise kotou iloa ko lokoutou tino ko le fale tapu a ia o le Laumalie Maokioki leia ia koutou, leia kua kotou tali mei le Atua, ti e leaise kotou maua koutou totonu.

Uluaki tosi ki le kau Kolinto 6:9

Pe leaise kotou iloa e leaise maua loa le puleaga o le Atua e le kau lee agatonu ? Aua na kotou fai sala i le nea lena : Ko le kau fai feauaki, mo le kau tausi taulaatua, mo le kau tono,

Tetelonome 33:27

Ko le Atua o le lee gato ko se mumuniaga, Ti e maua i lalo o ona lima lee gato se solaaga. I ou mua na kapu e ia le fili, Ti na pati a ia : ke tamate !

Filipe 1:6

E kau iloa papau ko leia na kamata ia ia koutou le gaoi malie lena e fakasoko ia loa a ia ke malie tukupau o kaku ki le aso o Sesu-Kilisito.

Uluaki tosi kia Timoteo 1:17

Ki le Sau o sekulo, lee mate, lee tio ki ai, ki le Atua e tasi fuai, ke tuku le fakaapaapa mo le kololia, i sekulo mo sekulo ! Amene !

Epelo 9:14

e feaki ake loa le lasi o le fakamea otatou loto mei gaoi mate e le toto o Kilisito, leia na momoli ia a ia totonu lee mele ki le Atua i le Laumalie lee gato, o tupu ke tou tausi ki le Atua mauli !

Uluaki tosi a Samuele 2:10

E lulu loa a fili o le Eteleno ; E fakapa loa e ia lana mana kia latou mei le lagi ; E fakamaau loa e le Eteleno a potupotu o le kele. E soli loa e ia le makeke ki lona sau, Ti e lagai loa e ia le makeke o lana filifiliia.