Esaia 40:26 - Tosi Tapu

²⁶ Kotou siki okoutou mata ki aluga, ti kotou tio ! Ko ai na fakatupu ia a nea ana ? Ko ai e fakasaele fakaatu ia olatou kau tau ? E kalagai e ia latou fuli i olatou igoa taki tasi ; I lona makeke lasi mo lona pule, E leaise puli fua se toka tasi.

Esaia 40:26 ပူးပေါင်းရင်းမြစ်များ

Senesi 1:14

Na pati loa le Atua : Ke sa ni nea malama i le lagi ke vae ia le ao mo le pouli ; ke tuu a malama ana ko ni fakamailoga o le temi, mo aso, mo fetuu ;

Senesi 1:16

Na fakatupu loa e le Atua a malama lalasi e lua, ko leia e lasi ake ke pule ki le ao, ti ko leia e ikiiki ke pule ki le pouli ; na toe fakatupu foki e ia a fetuu.

Pesalemo 102:25

E kau pati : Loku Atua, aua na ke too au i le lotolotoga o oku aso, A koe leia e lee gato ou fetuu !

Pesalemo 119:91

Ko au lao ala e tuu ai nea fuli i le temi nei, Talie e fakalogo nea fuli kiate koe.

Pesalemo 121:1

Katiko o le fanoga tapu. E kau siki ake oku mata ki atu mauga… Pe au loa meifea le tokoi kiate au ?

Pesalemo 19:1

Ki le pule o le kau sua. Pesalemo a Tavite.

Pesalemo 66:3

Kotou pati ki le Atua : E fakaii ai au gaoiaga ! O tupu ko le lasi o lou makeke, e fakavikiviki ou fili kiate koe.

Esaia 34:16

Kotou afa i le tosi a le Eteleno, ti kotou lau ! E leaise se nea fua e tasi e leaise soko loa i nea fuli ana, E leaise puli loa se manu fua e tasi o latou. Talie na fakatotonu a ia e lona gutu. Ko lona Laumalie leia e tanaki ia loa latou.

Esaia 42:5

Ko leinei le folafola a le Atua, le Eteleno, Leia na fakatupu ia le lagi ti na folasi ia a ia, Leia na fakatokatoka ia le kele mo nea fuli i ai, Leia na soli ia le tukumanava kia latou ala e mauli i ai, Ti mo le aele kia latou ala e saele i ai.

Esaia 44:24

Ko leinei le folafola a le Eteleno, leia na totogi ia a koe, Leia na fau ia a koe mei lou tupu : Ko au, le Eteleno, na kau fai ia a nea fuli, Ko au toka tasi leia na folasi ia a atu lagi, Ko au toka tasi leia na fola ia le malama nei.

Esaia 45:12

Ko au leia na fai ia le kele, Ti na fakatupu ia le tagata leia e mauli i ai. Ko au, ti ko oku lima ala na folasi ia a atu lagi, Ti ko au foki leia na fakatuutuu ia lona kau tau.

Esaia 45:7

E kau fau le malama, ti e kau fakatupu le fakapouli ; E kau soli le mou koloa, ti e kau fakatupu le malaia ; Ko au, le Eteleno, e kau fai a nea fuli ana.

Esaia 48:12

Sakopo, fakalogo mai kiate au ! Ti mo koe, Iselaele, leia na kau kalagai ! Ko au, io, ko au leia ko le uluaki, Ko au foki leia ko le fakamuli.

Esaia 48:13

Na fakatuu e loku lima le malama nei, Ti na folasi e loku lima atamai a atu lagi : E kau kalagai latou, ti e lotou au aifai.

Esaia 51:6

Kotou siki okoutou mata ki le lagi, ti kotou tio ki lalo ki le kele ! Talie e puli loa a atu lagi ofaipe se afu, E maluku loa le kele ofaipe se kofu popo, Ti e mamate loa lona kakai ofaipe ni lago ; Kae e tuu loa laku fakamauli o lee gato, Ti e leaise toe gato loa laku faitotonu.

Esaia 66:2

Ko nea fuli ana, ko loku lima leia na fai ia latou, Ti ko nea fuli a aku, e pati le Eteleno. Kae ko leinei leia e tio loa ki ai oku mata : Ki leia e mamae ti mo leia e loto fakasemala maoki, Ki leia e i ki laku folafola.

Tetelonome 4:19

Ke ke tokaga ai ki lou laumalie, ke aua na ke siki ake ou mata ki le lagi o tio ki le laa, mo le masina, mo fetuu, mo nea fuli o le lagi, ti ke siga loa ki le agasala, o atolasio kia latou ti mo tausi kia latou : kua tuku latou e le Eteleno lou Atua ki atu puleaga fuli o le malama nei katoa ;