Esaia 40:24 - Tosi Tapu

²⁴ Na leaise to fua latou ki le kele, pe na muluki fua latou, Na leikiaise lotou maua foki ni olatou aka i le kele : Kae kua agi le matagi kia latou, ti kua lotou malo ai, Ti kua ave latou e se sasataki ofaipe ni penu.

Esaia 40:24 ပူးပေါင်းရင်းမြစ်များ

Lua tosi a Samuele 22:16

Na sa loa le takele o le moana, Na sa loa a fakatafito o le malama nei, I le valoki a le Eteleno, I le logoa o le tukumanava o ona pogoisu.

Lua tosi o Sau 10:11

Ti na tamate loa e Seu latou fuli ala na toe i le famili o Akapo i Siseleele, lana kau lalasi fuli, mo ona kaiga, ti mo ana minisi, ti na leaise sao fua se fa toka tasi.

Sopo 21:18

Ke lotou faipe le mutie leia kua agina i le matagi, Pe le penu leia kua ave e le asesio.

Sopo 4:9

E tamate latou e le tukumanava a le Atua, Ti e tutu latou e le matagi o lona sausau.

Sopo 8:17

Ti e fakaogo e ia ona aka o kaku ki le fatu, Ti e ano a ia ki loto o le utu.

Pesalemo 58:9

Ke lotou maua le mauli o le esekaleko ! Leia e malo i lana totolo Ke aua na lotou tio ki le laa ofaipe le toe leia na fanaui kua mate !

Pesalemo 83:13

Talie e lotou pati : Ke tou too A nofoaga o le Atua !

Taagapati 1:27

Io, mo ka kaku loa le i kia koutou ofaipe se afa, Ti mo ka kofu loa koutou e le malaia ofaipe se sasataki, Mo ka vilo loa le tuania mo le mamae kia koutou.

Esaia 11:4

Kae e fakamaau loa e ia le kau mativa i le maoki, Ti e tuku loa e ia se fakamaau totonu ki le kau fakaaloalofa o le malama nei ; E taai loa e ia le malama nei ki lana folafola ofaipe lana taai ki se laakau, Ti e tamate loa e ia le tagata agaveli ki le tukumanava o lona gutu.

Esaia 17:11

I lau to loa latou, na ke takatakai loa latou ki se a laakau, Ti na leaise tuvai loa lolatou se. Kae na sola loa le fuata i le temi o le fiafia : Ti na leaise maua loa se faitoo ki le mamae.

Esaia 17:13

Kua logoa a atu puleaga ofaipe le logoa o vai lalasi… Kae e feau latou e le Eteleno, ti e lotou sosola ki mamao, Ofaipe mutie malo o le mauga ala e pusi e le matagi, Ofaipe le efu leia e lagai e se asesio.

Esaia 30:33

Talie kua teuteui se mata afi talu mei fualoa ; Kua teuteui a ia ki le sau, kua fai a ia ke loloto mo lau lasi ; Kua fakatuuga i ai se fafie lasi mo se afi ; E tutu loa a ia e le tukumanava a le Eteleno, ofaipe se vaitafe sulifa.

Esaia 37:7

E kau fakaulu loa kiate ia se laumalie. E maua loa e ia se logo, ti e toe liliu loa a ia ki lona fenua ; ti e kau tamate loa a ia ki le seleta i lona fenua.

Esaia 40:7

E malo le mutie, e vilo le se Mo ka agi loa le matagi a le Eteleno ki ai. E maoki, e fai le kakai pe le mutie :

Esaia 41:16

E ke tuui loa latou, ti e ave loa latou e le matagi, Ti e fakamavete loa latou e se sasataki. Kae ko koe, e ke fiafia loa i le Eteleno, Ti e tuku loa lou kololia ki le Maokioki o Iselaele.

Esaia 41:2

Ko ai na lagai ake ia i le potu esite Leia na kalagai e le fakamauli ke muli iate ia ? Ko ai na tuku ia kiate ia a atu puleaga ti na fakapopula ia ni sau ? Ko ai na fakaliliu ia alatou seleta o efu, Ti mo alatou gasau ko se penu malo leia e agina i le matagi ?

Selemia 22:30

E folafola le Eteleno, o pati : Kotou tosi le tagata leinei e sala fanau, Ofaipe leia e leaise manuia loa i lona mauli, Talie e leaise mafai loa e se tasi o lona sakoga Ke eke i le ekeekeaga fakasau o Tavite, O pule i Suta.

Selemia 23:19

Ko leinei, kua to le afa a le Eteleno, Kua mu lona sausau, Kua oso le veli, Kua vilo a ia ki ulu o le kau agaveli.

Oseo 13:15

E logo ai le lasi o fua o Efalaimi i loto malie o ona fetaina, E au loa le matagi o le potu Esite, e malaga ake loa le matagi o le Eteleno i le toafa, O fakamalo ia loa ona matapuna, ti mo fakamasa ia loa ona tanakiaga vai. E kaia loa a fale koloa fuli ala e tanaki ai au nea mauiga.

Oseo 13:3

Koia e lotou fai ai loa pe le kokofu o le usu, Pe le sasau leia e puli vave, Pe le penu leia e ave e le matagi i sasaaga fulumeto, Pe le afu leia e ulu mei se katupa.

Naume 1:14

Ko leinei le nea leia na fakatotonu e le Eteleno kiate koe : E leaise ke toe maua ia loa sou sakoga ke taupau ia lou igoa ; E kau too loa i le fale o lou atua a fakatata laakau mo fakatata ukamea saka ; E kau teuteu loa lou tanuma, talie e ke maamaa ai !

Akeseo 1:9

Na kotou amanaki ki se nea lasi, Kae ko leinei e kotou maua se ganea ikiiki fua ; Na kotou fakaulu a ia ki okoutou fale, kae na kau pusii a ia. Kolea lona tupuaga ? e pati le Eteleno o kau tau. O tupu ko loku fale, leia kua maumau, Kae kua kotou feoso le tagata ki lona fale.

Sakalia 7:14

Koia na kau fakamavete ai loa latou i lotolotoga o puleaga fuli ala na leaise lotou iloa. Koia na kau maumaui ai le fenua i olatou muli, ti na leaise toe ano loa se tasi i ai. Ti na liliu loa le fenua fulumalie lena ko se toafa.

Sakalia 9:14

E sa loa le Eteleno i aluga o latou, Ti e makamu loa lana gasau ofaipe le uila. E pupusi loa e le Aliki, le Eteleno, le fakatagi pupusi, E au loa a ia i le asesio o le potu saute.