Esaia 40:15 - Tosi Tapu

¹⁵ Ko leinei, ko puleaga e faipe se fa moti vai i se pakete, E lotou faipe le efu i se fua ; Ko leinei, e fai a motu pe se efu maninifi leia e agina.

Esaia 40:15 ပူးပေါင်းရင်းမြစ်များ

Senesi 10:5

Ko latou ana ala na fakakakai ia a mata tai o puleaga o mulimuli ki olatou kele, mo alatou masau, mo olatou famili, ti mo olatou puleaga.

Pesalemo 62:10

Io, e vaiga a vosa o le tagata ! E loi a vosa o le tagata ! Ka teki latou fuli ki se fua, e lotou maamaa ake i se tukumanava.

Pesalemo 62:9

Atu kakai, ke kotou fanaki tuumau kiate ia, Ke kotou liligi okoutou loto i ona mua ! Ko le Atua ko lotatou mumuniaga. - Manava.

Esaia 11:11

I le aso lena, e toe falo loa e le Aliki o tua lua lona lima Ke toe totogi le toetoega o lona kakai, Leia na mavetevete i Asilia mo Esipito, I Patolosi mo Etiopia, I Elame, i Sineale ti mo Amate, Ti mo atu motu o le tai.

Esaia 17:13

Kua logoa a atu puleaga ofaipe le logoa o vai lalasi… Kae e feau latou e le Eteleno, ti e lotou sosola ki mamao, Ofaipe mutie malo o le mauga ala e pusi e le matagi, Ofaipe le efu leia e lagai e se asesio.

Esaia 2:22

Kotou fakagato la le tuku o lakotou fanaki ki le tagata, Leia e fakalogo lona mauli ki lana tukumanava : Talie kolea lana nea e mafai ?

Esaia 29:5

E fai loa le api o ou fili pe se ao efu, Ti e fai loa le kau solia api lena pe se tuuga penu leia kua mavetevete i le matagi. Kae e soko fakapunamauli loa le nea leinei i le temi e tasi :

Esaia 40:22

Ko ia leia e ekeeke i aluga o le lagi leia e takatakai ia le malama nei, Ti ko latou ala e nofo i ai e tatau mo lomimi ; E folasi e ia le lagi ofaipe se kie maamaa, E fola e ia latou ofaipe se falela, ke fai ai lona nofoaga.

Esaia 41:5

E tio a atu motu kiate ia, ti e lotou i ; E lulu a potupotu o le malama nei : E lotou fakafeofi mai, e lotou au.

Esaia 59:18

E liufaki loa e ia ki le tagata taki toka tasi o mulimuli ki ana gaoi, Le sausau kia latou ala na vesia kiate ia, Le totogi ki ona fili, E tuku loa e ia le totogi ki atu motu.

Esaia 66:19

E kau tuku loa se fakamailoga ia latou, Ti e kau kakau loa latou ala na sao ia latou ki atu puleaga, Ki Talesisi, ki Pule mo Lute, ala e faikalolo, Ki Tupale mo Savani, Ki atu motu mamao, Ala na leikiaise logo masau kiate au i se aso, Ti na leikiaise tio ki loku kololia ; Ti e lotou fakasa loa loku kololia i atu puleaga.

Selemia 10:10

Kae ko le Eteleno ko le Atua maoki, Ko ia ko se Atua mauli ti ko se sau lee gato ; E galulu le malama nei i mua o lona sausau, Ti e leaise ma tatali e atu puleaga lona sausau.

Taniela 11:18

E ave loa ona mata ki fenua o le mata tai, ti e maua loa e ia se i ; kae e fakagato loa e se pule tau lana agaveli ti e fakalumai loa a ia.

Taniela 4:32

E kapu loa a koe mei loto malie o tagata, ti e ke maua loa lou nofoaga o fakatasi mo manu o faisaga, ti e soli loa kiate koe le mutie ke ke kai ofaipe pipi ; ti e fakalaka loa a fetuu e fitu iate koe, o kaku ki lau iloa ko le Atua Taualuga leia e pule ki le pule a tagata, ti e soli e ia a ia ki leia e loto a ia ki ai.

Taniela 4:35

Ti e fai a kakai fuli o le malama nei ki ona mata pe ni nea noa : e fai e ia o mulimuli ki lona finegalo ki le kau tau o le lagi ti mo le kakai o le malama nei, ti e leaise fakatutuu se tasi ki lona lima, o pati kiate ia : Kolea e ke fai ?

Sofoni 2:11

E mamafa loa le Eteleno kia latou, Talie e tuuti loa e ia a atua fuli o le malama nei ; Ti e atolasio loa kiate ia le tagata taki toka tasi i lona fenua, I motu fuli o atu puleaga.