Esaia 40:12 - Tosi Tapu

¹² Ko ai na fua ia le lasi o atu vai i lona alofilima ? Ko ai na fuafua ia le lau lasi o le lagi ki lona alofilima ? Ko ai na tanaki ia le kele katoa o le malama nei ke o i se pakete ? Ko ai na fua ia le mamafa o mauga lalasi mo mauga liliki ki se fua ?

Esaia 40:12 ပူးပေါင်းရင်းမြစ်များ

Sopo 28:25

I le aso leia na fuafua ai e ia le mamafa o le matagi, Ti na fakatuutuu ai e ia le lasi o vai,

Taagapati 30:4

Ko ai na pale ki le atu lagi, ti ko ai na ifo mei ai ? Ko ai na tanaki ia le matagi i lona lima ? Ko ai na fakamaopoopo ia a atu vai i lona kofu ? Ko ai na fakatuu ia a potupotu o le malama nei ? Ko ai lona igoa, ti ko ai le igoa o lona vosa ? Pe ke iloa a ia ?

Esaia 48:13

Na fakatuu e loku lima le malama nei, Ti na folasi e loku lima atamai a atu lagi : E kau kalagai latou, ti e lotou au aifai.

Selemia 31:37

E folafola le Eteleno, o pati : Kapau e mafai ke fuafua a atu lagi i aluga, Kapau e mafai ke ulu o kaku ki fakatafito o le kele, Ti e kau tiaki loa le sakoga katoa o Iselaele, O tupu ko nea fuli ala na lotou fai, e pati le Eteleno.

Amosi 4:13

Talie ko leinei leia na fau ia a mauga ti na fakatupu ia le matagi, Leia e fakasa ia ki le tagata ana manatu, Leia e fetogi ia le mafoata o fakapouli, Ti e saele i potu taualuga o le kele : Ko lona igoa ko le Eteleno, le Atua o kau tau.

Apokalipisi 20:11

Ti na oki a ia, na kau tio loa ki se ekeekeaga fakasau lasi tea, ti mo leia na ekeeke i ai. Ti na fesolaki loa le kele mo le lagi i ona mua, ti na leaise toe maua loa se tuuaga kia laua.