Esaia 40:11 - Tosi Tapu

¹¹ Ofaipe se tagata tausi manu, e fagai loa e ia lana kau manu, E too loa e ia a akeno i ona lima, Ti e luluku loa e ia latou i lona fatafata ; E taki loa e ia a ovi fafine ala e fakau olatou uviki.

Esaia 40:11 ပူးပေါင်းရင်းမြစ်များ

Senesi 33:13

Kae na tali loa Sakopo kiate ia : E iloa e loku aliki e gagae a toe, ti e tonu ke fakaeteete ki ovi fafine mo pipi fafine ala e nofo mo uviki ; kapau e fakamakeke latou ke saele i se aso katoa, ti e mamate loa le kau manu katoa.

Senesi 49:24

Kae na tuu makeke aifai lana kalolo, Ti na fakamakeke ona lima E lima o le Atua makeke o Sakopo : Koia leia na liliu ai a ia ko le tagata tausi manu, mo le utu o Iselaele.

Pesalemo 100:3

Ke kotou iloa ko le Eteleno e Atua ! Ko ia leia na fakatupu ia tatou, ti ko tatou a ana. Ko tatou ko lona kakai, ti ko le kau ovi o lona lotoa.

Pesalemo 27:10

Talie e tiaki au e loku tinana mo loku tamana, Kae e too loa au e le Eteleno.

Pesalemo 28:9

Fakamauli lou kakai ti tapuaki ki lou tofiga ! Liliu ko lolatou tagata tausi ovi mo lolatou fanakiaga o lee gato !

Pesalemo 37:3

Ke ke fanaki ki le Eteleno, ti ke fai le nea leia e malie ; Ke ke maua le fenua ko lou nofoaga, ti ke ke fai le malie ko lau nea kai.

Pesalemo 80:1

Ki le pule o le kau sua. I lilio fakaaloalofa. A Asafe. Pesalemo.

Esaia 42:3

E leaise fatii loa e ia le fa u kua mafati, Ti e leaise tamate loa e ia le vavai malama koi ka ; E fakasa loa e ia le faitotonu i le maoki.

Esaia 63:11

Ti na manatui loa e lona kakai a aso mago o Moisese. Kofea leia na fakamavae ia latou i le tai, Mo le tagata tausi o lana kau manu ? Kofea leia na tuku ia ki loto malie o latou lona Laumalie maokioki ;

Selemia 31:10

Atu puleaga, kotou fakalogo mai ki le folafola a le Eteleno, Ti kotou fakasa ia i atu motu mamao ! Kotou pati : Ko leia na fakamavetevete ia Iselaele e toe fakatasi ia loa a ia, Ti e taupau loa e ia a ia ofaipe le tagata tausi manu e taupau ia lana kau manu.

Selemia 31:8

Ko leinei, e kau aumai latou mei le fenua o le potu noleto, E kau fakatasi latou mei potupotu o le malama nei ; E kau ia latou le kivi mo le kito, Le fafine tinae mo leia e fanau ; Ko se kakai lasi ai, leia e toe liliu mai ki leinei.

Esekiele 34:15

Ko au leia e fagai ia loa aku ovi, ti ko au leia e fakamalolo ia loa latou, e pati le Aliki, le Eteleno.

Esekiele 34:16

E kau afa loa le ovi leia na puli noa, ti e kau aumai loa leia na sese, ti e kau sai loa le lavea o leia na lavea, ti e kau fakamakeke loa leia na masaki. Kae e kau maumaui loa a ovi ala e pepeti mo makeke. E kau taupau loa latou i le faitotonu.

Esekiele 34:2

Vosa o le tagata, kikite ki le kau tausi manu o Iselaele ! kikite, o pati kia latou, ki le kau tausi manu : E folafola le Aliki, le Eteleno, o pati : Malaia ki le kau tausi manu o Iselaele, latou ala e fagai ia latou totonu ! Pe leaise tonu ke fagai e le kau tausi manu le kau manu ?

Esekiele 34:23

E kau tuku loa ki le ulu o laku kau manu se tausi manu e tasi, leia e poto loa i lona fagai, ti ko le tagata lena ko laku tagata fakasausau ko Tavite ; ko ia leia e fagai ia loa latou, ti e liliu loa a ia ko le tausi ovi maoki kia latou.

Esekiele 34:31

Ko koutou, ko aku ovi, ko ovi o loku lotoa, ko koutou ko ni tagata ; ko au, ko lokoutou Atua, e pati le Aliki, le Eteleno.

Esekiele 37:24

E liliu loa laku tagata fakasausau ko Tavite ko lolatou sau, ti e lotou maua fuli loa se tagata tausi ovi e tasi. E lotou mulimuli loa ki aku fakatotonu, ti e lotou tausi loa aku lao ti mo fai loa latou.

Mikea 5:4

Ko ia leia e aumai ia loa le tokamalie. Ka au loa le tagata Asilia ki lotatou fenua, Ti ka ulu loa a ia ki otatou fale sau, E tou lagai loa kiate ia ni tagata tausi manu e toka fitu, Ti mo ni pule o le kakai e toka valu.

Mikea 7:14

Eteleno, fagai lou kakai ki lau laakau, le kau manu o lou tofiga, Leia e nofo toka tasi i le vaomatua i loto malie o le Kalemelo ! Ke lotou kai i Pasani mo Kalaate, Ofaipe aso o le temi mua.

Sakalia 11:7

Ti na kau kamata fagai loa le kau ovi leia na tonu ke ave ki le fale tamate manu, latou ala na fakaaloalofa lasi i le kau manu. Na kau too loa a tokotoko e lua : Na kau fakaigoa le tasi ko KALASIA, ti na kau fakaigoa le tasi ko FAKATASI. Ti na kau fagai loa le kau ovi.

Sakalia 13:7

Seleta, oso ki laku tagata tausi manu Ti mo le tagata leia ko loku kaukau nea ! E pati le Eteleno. Taai le tagata tausi manu, Ti ke mavete a ovi ! Ti e kau fakamaliu loa loku lima kia latou ala e gagae.

Epelo 13:20

Ko le Atua o le tokamalie, leia na toe aumai ia mei le kau mate le tagata tausi ovi lasi o ovi, ki le toto o se sai lee gato, lotatou Aliki ko Sesu,

Uluaki tosi a Petelo 2:25

Talie na kotou faipe ni ovi sese. Kae i le temi nei, kua kotou toe liliu ki le Tagata tausi ovi, ki le Tagata leoleo o okoutou laumalie.

Uluaki tosi a Petelo 5:4

Ti ka sa mai loa le Tagata tausi ovi lasi, e kotou maua loa le pala lee popo o le kololia.

Apokalipisi 7:17

Talie ko le Akeno leia e nofo i loto malie o le ekeekeaga fakasau e fagai ia loa latou ti mo taki ia loa latou ki matapuna o le vai mauli, ti e solosoloi loa e le Atua a loimata fuli i olatou mata.