Esaia 39:2 - Tosi Tapu

² Na fiafia loa Esekiasi i le nea lena, ti na fakasa loa e ia ki le kau fakafofoga o Papilone le ganea leia e tuku ai ona koloa mauiga, le paaga mo le aulo, mo nea fakamanogi, mo le lolo mauiga, mo ana masafu fuli, ti mo nea fuli ala na tanaki i ona fale koloa : Na leaise nea fua e tasi leia na leaise fakasa e Esekiasi kia latou i lona fale ti mo lona puleaga katoa.

Esaia 39:2 ပူးပေါင်းရင်းမြစ်များ

Uluaki tosi o Sau 10:10

Na soli loa e le fafine sau ki le sau ko Salomone se aulo ko tane e tolu mo le vaelua, mo ni nea fakamanogi mauke ai mo ni fatu mauiga. Na leaise toe aumai loa ni nea fakamanogi ke lasi tatau mo la na soli loa e le fafine sau o Sepa ki le sau ko Salomone.

Uluaki tosi o Sau 10:15

kae na lau kese fai le aulo leia na maua e ia mei le kau fai koloa mo le fai fakatau a kau fai koloa, mei sau fuli o Alapia, mo kovana o le fenua.

Uluaki tosi o Sau 10:2

Na kaku mai loa a ia ki Selusalemi mo lana kau fanoga toka api, ti mo se kau kamelo leia na amo ia ni nea fakamanogi, mo se aulo lasi ai, ti mo ni fatu mauiga. Na ano loa a ia kia Salomone, ti na fakasa loa e ia kiate ia a nea fuli ala na maua e ia i lona loto.

Uluaki tosi o Sau 10:25

Ti na ave e le tagata taki toka tasi lana nea alofa, ni nea siliva, mo ni nea aulo, mo ni teu, mo ni masafu, mo ni nea fakamanogi, mo ni osi, ti mo ni mule ; ti na fenaaki i fetuu fuli.

Lua tosi o Sau 20:13

Na fakatalitali loa latou e Esekiasi, ti na fakasasa loa e ia le ganea leia na tuku ai ona koloa mauiga, le paaga mo le aulo, mo nea fakamanogi, mo le lolo mauiga, mo lona fale tanaki masafu, mo nea fuli ala na tuku fakatasi mo ona koloa : na leaise nea fua i lona fale, mo lona puleaga katoa na leaise fakasa e Esekiasi kia latou.

Lua tosi o Koloniko 32:25

Kae na leaise tali loa Esekiasi ki le alofa na tali e ia, talie na malaga loa lona loto ki aluga ; ti na nofo loa le sausau o le Eteleno mo ia, mo Suta, ti mo Selusalemi.

Lua tosi o Koloniko 32:27

Na maua loa e Esekiasi ni koloa lasi mo le kololia. Na fai loa e ia kiate ia ni fale ke tanaki ai le siliva, mo le aulo, mo fatu mauiga, mo nea fakamanogi, mo paletau, ti mo nea fuli ala na feala ke oli ki ai ;

Lua tosi o Koloniko 32:31

Kae i le temi leia na kakau mai ai loa e le kau pule o Papilone ni tagata avelogo kiate ia ke afa logo o uiga mo le fakamailoga leia na soko i lona fenua, na tiaki loa a ia e le Atua ke asiasii ai a ia, o tupu ke iloa ai a nea fuli ala e maua i lona loto.

Lua tosi o Koloniko 9:1

Na logo loa le fafine sau o Sepa ki le logologona o Salomone, ti na au loa a ia ki Selusalemi ke asiasii le poto o Salomone ki ni vesili faigataa. Na au a ia mo se toka api o ana kau tagata fakasausau, mo se kau kamelo leia na fetuku ia ni nea fakamanogi, mo se aulo lasi ai, ti mo ni fatu mauiga. Na ano loa le fafine sau o Sapa ki le sau ko Salomone, ti na fai loa e ia kiate ia ana vesili fuli ala na maua i lona loto.

Lua tosi o Koloniko 9:9

Na soli loa e le fafine sau o Sepa ki le sau a tane aulo e tolu mo le vaelua, mo ni nea fakamanogi lasi ai, ti mo ni fatu mauiga. Na leaise toe lasi ake loa ni nea fakamanogi i nea fakamanogi ala na soli ki le sau ko Salomone e le fafine sau o Sepa.

Sopo 31:25

Kapau na kau fiafia i le lasi o oku koloa, I le lasi o koloa kesekese ala na kau maua i laku gaoi ;

Taagapati 4:23

Taupau lou loto o lasi ake i nea fuli ake ala, Talie e au mei ai a matapuna o le mauli.

Ekelesiasi 7:20

Leai, e leaise maua i le malama nei se tagata agatonu e tasi leia e fai ia le malie, ti e leaise agasala i se aso.

Selemia 17:9

E pikopiko le loto o fakalaka i nea fuli, ti e agaveli a ia : Ko ai e mafai ke iloa ia a ia ?

Lua tosi ki le kau Kolinto 12:7

Tie talie ke aua na kau makita i le fia nealasi i nea malilie ala na fakatio au e le Atua ki ai, kua tuku e ia ki loku tino se maimoa mamae ai, ko se aselo o Satana leia ke ta ia au ti mo taofi ia au ke aua na kau fia nealasi.

Uluaki tosi a Soane 1:8

Kapau e tou pati e leai ni atatou agasala, e tou kakai tatou totonu, ti e leaise nofo le maoki ia tatou.