Esaia 38:19 - Tosi Tapu

¹⁹ Ko leia e mauli, ko leia e mauli, ko ia leia e fakafetai kiate koe, O tatau mo au i le aso nei ; E fakailoilo e le tamana ki ana fanau lou agatonu.

Esaia 38:19 ပူးပေါင်းရင်းမြစ်များ

Senesi 18:19

Talie kua kau filifili a ia o tupu ke fakatotonu e ia ki ona vosa mo lona fale i ona muli, ke lotou tausi le ala o le Eteleno, o fai le nea leia e totonu mo maokioki, o tupu ke fakasoko e le Eteleno kia Apalaamo a fakapapau ala na fai e ia kiate ia…

Pesalemo 118:17

E leaise kau mate loa, e kau mauli loa, Ti e kau fakamatala loa gaoi a le Eteleno.

Pesalemo 119:175

Ke mauli loku laumalie ti ke fakafetai a ia kiate koe ! Ti ke poupou au e au fakamaauaga !

Pesalemo 145:4

Ke fakafetai a tautupu fuli ki au gaoi, Ti ke lotou fakasa au gaoi lalasi !

Pesalemo 146:2

E kau fakafetai loa ki le Eteleno i le lolotoga o loku mauli, E kau sua loa ki loku Atua i le temi katoa o loku mauli.

Ekesote 10:2

Ti toe tupu foki ke ke fakamatala ki lou vosa mo le vosa o lou vosa le nea leia na kau fai ki le kau Esipito, ti mo fakamailoga ala na kau fakasa i loto malie o latou. Ti ke kotou iloa ko au ko le Eteleno.

Ekelesiasi 9:10

Ko nea fuli ala e maua e lou lima ke fai, fai a ia ki lou makeke ; talie e leai se gaoi, pe ko se manatu, pe ko se iloa, pe ko se poto, i le nofoaga o le kau mate leia e ke ano ki ai.

Soele 1:3

Kotou fakamatala a ia ki akoutou fanau, Ti ke fakamatala a ia e akoutou fanau ki alatou fanau, Ti ke fakamatala e alatou fanau ki le tautupu leia e muli mai loa !

Soane 9:4

E tonu ke kau fai koi ao a gaoi a leia na kakau ia mai au ; e au le pouli, leia e leaise mafai ke gaoi ai se tasi.

Tetelonome 11:19

Ke kotou ako loa latou ki akoutou fanau, ti ke kotou masaui loa latou mo ka ke nofo loa i lou fale, mo ka ke moe loa ti mo ka ke ala ake loa i lau moe.

Tetelonome 4:10

Ke ke manatui le aso leia na ke tuu ai i mua o le Eteleno, lou Atua, i Olepe, i le temi leia na pati mai ai le Atua kiate au : Fakatasii mai le kakai ki oku tafa ! E kau loto ke lotou logo ki aku folafola, o tupu ke lotou iloa le i kiate au i le temi katoa o lolatou mauli i le malama nei, o tupu ke lotou ako latou ki alatou fanau !

Tetelonome 4:9

Koleia fua ke ke tokaga kiate koe totonu, o tausi fakamalotoloto lou loto, i aso fuli o lou mauli, ke aua na galo loa iate koe a nea fuli ala na tio ki ai ou mata, ti ke aua na ke fakamamao loa a nea ana i lou loto, kae ke ke fakamatala loa latou ki ou vosa mo vosa o ou vosa.

Tetelonome 6:7

Ke ke ako loa latou ki au fanau, ti ke ke masau loa kia latou mo ka ke nofo loa i lou fale, mo ka ke fanoga loa, mo ka ke moe loa, ti mo ka ke ala ake loa i lau moe.