Esaia 38:17 - Tosi Tapu

¹⁷ Ko leinei, kua liliu oku mamae totonu ko loku fakamauli ; Ti na ke fiafia i lau too loku laumalie mei le popoko o le maumau, Talie na ke tiaki ki ou muli aku agasala fuli.

Esaia 38:17 ပူးပေါင်းရင်းမြစ်များ

Sopo 29:18

I le temi lena na kau pati : E kau mate loa i loku ofaga, Ti e mauke loa oku aso ofaipe le one.

Sopo 33:24

E alofa loa le Atua kiate ia, ti e pati loa a ia ki le aselo : Saofaki a ia, ke aua na vilo a ia ki le popoko ; Kua kau maua se totogi kiate ia !

Pesalemo 10:2

E tuli e le tagata agaveli le kau mativa i lona fia nealasi, E lotou pikiia i masele ala na fakatuu e ia.

Pesalemo 103:12

Ofaipe le potu esite e mamao i le potu uesite, E toe fakamamao loa e ia atatou agasala ia tatou.

Pesalemo 103:3

Ko ia leia e fakamolemole ia au agaveli fuli, Leia e fakamauli ia ou masaki fuli ;

Pesalemo 103:4

Ko ia leia e saofaki ia lou mauli i le popoko, Leia e fakapalaa ia a koe ki le agamalie mo le manava alofa ;

Pesalemo 30:3

Eteleno, loku Atua ! Na kau tagi kiate koe, ti na ke fakamauli au.

Pesalemo 40:2

Na kau tuku ki le Eteleno laku amanaki malie ; Ti na punou mai a ia kiate au, o fakalogo ki aku tagi.

Pesalemo 55:23

Ke ke toe tuku lou mauli ki le Eteleno, ti e poupou loa e ia a koe, E leaise tuku loa e ia ke siga le tagata agatonu i se aso.

Pesalemo 85:2

Ei Eteleno, Kua ke loto malie ki lou fenua ! Kua ke toe aumai le kau popula o Sakopo ;

Pesalemo 86:13

Talie e lasi ai lou agamalie kiate au, Ti kua ke saofaki loku laumalie mei le nofoaga loloto o le kau mate.

Esaia 38:15

Kolea loa saku pati ke fai ? Na tali mai a ia kiate au, ti na tali e ia laku kole. E kau saele loa i le fakataulalo o kaku ki le oki o oku fetuu, I le oki o loku mamae leinei.

Esaia 43:25

Ko au, ko au leia e soloi ia a agatuu o tupu ko loku alofa kiate au, Ti e leaise kau toe manatui loa au agasala.

Selemia 31:34

E leaise toe ako loa e se tasi lona oloi, Pe ko se tasi lona taina, o pati : Kotou iloa le Eteleno ! Talie e iloa loa au e latou fuli, Mei leia e ikiiki ki leia e lasi, e pati le Eteleno ; Talie e kau fakamolemole loa lalatou agaveli, Ti e leaise kau toe manatui loa lalatou agasala.

Sonasi 2:6

Na kofu au e atu vai o kaku ki le too o loku mauli, Na takatakai au e le loloto, Na takatakai loku ulu e le limu.

Sonasi 2:7

Na kau ifo o kaku ki fakatafito o mauga, Na tapono au e matapa ukamea o le kele o lee gato ; Kae na ke toe fakapale mauli ake au mei le popoko, Eteleno, loku Atua !