Esaia 38:1 - Tosi Tapu

¹ I le temi lena, na masaki loa Esekiasi, o teiteiki ke mate. Ti na au loa le polofeta ko Esaia, vosa o Amotesito, o pati kiate ia : Ko leinei le folafola a le Eteleno : Tuku au fakatotonu ki lou fale, talie ka ke mate loa, talie leaise ke toe mauli loa.

Esaia 38:1 ပူးပေါင်းရင်းမြစ်များ

Lua tosi a Samuele 12:22

Na tali loa a ia : I le koi mauli o le toe, na kau sesunio ti na kau tagi, talie na kau pati : Ko ai na iloa ia, na saga e alofa loa le Eteleno kiate au o soli mai le mauli o le fanau ?

Lua tosi a Samuele 17:23

I le tio a Asitofele na leaise fakaaoga lana tokoi, na tuu loa a ia, o sopo ki lana asino o toe liliu ki lona kaiga i lona kolo. Na tuku loa e ia ana fakatotonu ki lona fale, ti na nonoa loa e ia lona ua o tautau. Ti na mate ai loa a ia, ti na tanu loa a ia i le tanuma o lona tamana.

Lua tosi o Koloniko 32:24

I le temi lena na masaki loa Esekiasi, o teiteiki ke mate. Na faikole loa a ia ki le Eteleno ; ti na folafola loa le Eteleno kiate ia, ti na tuku loa e ia se fakamailoga kiate ia.

Ekelesiasi 9:10

Ko nea fuli ala e maua e lou lima ke fai, fai a ia ki lou makeke ; talie e leai se gaoi, pe ko se manatu, pe ko se iloa, pe ko se poto, i le nofoaga o le kau mate leia e ke ano ki ai.

Esaia 1:1

Folafola kikite a Esaia, vosa o Amotesito, ki Suta mo Selusalemi, i le temi o Osiasi, mo Sotame, mo Akase, mo Esekiasi, sau o Suta.

Esaia 37:2

Na kakau loa e ia Eliakimi, le pule o le fale o le sau, mo Sepina, le sekalaipe, ti mo le kau matua i le kau tagata faisakilifisio ki le polofeta ko Esaia, vosa o Amotesito. Na lotou kofu fuli ki ni taga.

Esaia 37:21

Ti na kakau loa e Esaia, vosa o Amotesito, ke ano o fakasa kia Esekiasi : Ko leinei le folafola a le Eteleno, le Atua o Iselaele : Kua kau logo ki le kole leia na ke fai mai kiate au o uiga mo Sanekelipe, sau o Asilia.

Sonasi 3:10

Ti na tio loa le Atua kua lotou fai felaaki, ti kua lotou tafoki mei olatou ala veveli. Ti na fakasemala loa le Atua ki le veli leia na fakatotonu e ia ke fai kia latou, ti na leaise fakasoko loa e ia a ia.

Sonasi 3:4

Na fai mua e Sonasi se aso saele i le kolo ; ti na kalaga a ia, o pati : Koi toe fai ni aso e kau fa, ti e maumaui loa Ninive !

Gaoi 9:37

Ti na masaki loa a ia i aso ana, o mate. I le oki o lona fakamaanui, na tuku loa a ia ki se kogafale i fata.