Esaia 37:4 - Tosi Tapu

⁴ Na lagi kua logo le Eteleno, lou Atua, ki masau a Lapesake, leia na kakau mai e le sau o Asilia, lona pule, ke au o tauvelei le Atua mauli, ti e lagi fakasoko loa e le Eteleno, lou Atua ana tautea o tupu ko masau ala na logo a ia ki ai. Koia ke ke faikole o uiga mo le toetoega leia koi mauli.

Esaia 37:4 ပူးပေါင်းရင်းမြစ်များ

Lua tosi a Samuele 16:12

E lagi tio loa le Eteleno ki loku fakaaloalofa, ti e fai loa e ia kiate au le nea e malie o fetogi ai loku fakamalaia i le aso nei.

Lua tosi o Sau 17:18

Koia na ita lasi ai le Eteleno ki Iselaele, o fakamamao a ia mei ona mata. Na toe loa le faasiga o Suta toka tasi.

Lua tosi o Sau 19:4

E lagi na logo le Eteleno, lou Atua, ki masau fuli ala na fai e Lapesake, leia na kakau mai e le sau o Asilia, lona pule, ke au o nukinuki ki le Atua mauli, ti e lagi fakasoko loa e le Eteleno, lou Atua, ana tautea o tupu ko masau ala na logo a ia ki ai. Koia ke ke fai ake se kole ke pale ki aluga o tupu ko le kakai leia koi toe.

Lua tosi o Koloniko 28:19

Talie na fakataulaloi loa e le Eteleno a Suta, o tupu ko Akase, sau o Iselaele, leia na fakamaveuveu ia a Suta, ti na fai ia ni agasala ki le Eteleno.

Lua tosi o Koloniko 34:21

Kotou ano o afa le finegalo o le Eteleno kiate au mo latou fuli ala na toe i Iselaele mo Suta, o uiga mo folafola o le tosi leinei na maua ; talie kua lasi ai le sausau o le Eteleno kua mafola kia tatou, o tupu na leaise tausi e otatou tamana le folafola a le Eteleno, ti na leaise lotou fai a nea fuli ala na tosi i le tosi leinei.

Pesalemo 106:23

Ti na masau loa a ia ke tamate latou ; Kae na tuu loa i ona mua Moisese, lana filifiliia, Ke fakamaliu lona sausau ti ke taofi a ia ke maumaui le kakai.

Pesalemo 50:21

Ko lena le nea leia e ke fai, ti na kau fakaleemu. Na ke pati i lou loto e kau tatau mo koe ; Kae e kau valoki loa a koe, ti e kau tuku loa nea fuli ki ou mua.

Esaia 1:8

Ti kua nofo le taine o Sione Ofaipe se ga fale pola i se faisaga vite, Ofaipe se fale pola i se faisaga kokope, Ofaipe se kolo na takatakai.

Esaia 1:9

Ka na leaise tuku e le Eteleno o kau tau Se ga toetoega gaegae ia matou, Na motou liliu loa ofaipe Sotoma, Na motou tatau loa mo Komola.

Esaia 10:20

I le aso lena, Ko le toetoega o Iselaele mo latou ala na sao i le fale o Sakopo, E leaise toe fanaki loa ki leia na taai ia latou. Kae e lotou fanaki loa i le loto katoa ki le Eteleno, le Sagato o Iselaele.

Esaia 10:22

Ei Iselaele, pe lasi loa lou kakai ofaipe le one o le mata tai, Ko se ga toetoega fai e toe liliu loa ; Kua fakapapau le maumau, e fakalaka loa a ia i le fakamaau.

Esaia 11:11

I le aso lena, e toe falo loa e le Aliki o tua lua lona lima Ke toe totogi le toetoega o lona kakai, Leia na mavetevete i Asilia mo Esipito, I Patolosi mo Etiopia, I Elame, i Sineale ti mo Amate, Ti mo atu motu o le tai.

Esaia 36:13

Ti na fakafeofi loa Lapesake o kalaga i lona makeke katoa i le masau fakasutea : Kotou fakalogo mai ki masau a le sau lasi, a le sau o Asilia !

Esaia 36:18

Ke aua na kakaai koutou e Esekiasi, o pati : E saofaki loa tatou e le Eteleno. Pe na tasi saofaki e atua o atu puleaga lona puleaga mei le lima o le sau o Asilia ?

Esaia 36:20

I atua fuli o fenua ana, ko ai ma ala na saofaki ia olatou fenua mei loku lima, ke aga ai le Eteleno o saofaki Selusalemi mei loku lima ?

Esaia 37:17

Eteleno, tokaga mai lou taliga, o fakalogo ! Eteleno, fakamavaa ou mata, o tio ! logo ki masau fuli ala kua fai e Sanekelipe, o tauvele ki le Atua mauli !

Esaia 37:31

Ko le nea leia na saofaki i le fale o Suta, le nea leia na toe, e somo loa ona aka ki lalo, ti e fua loa i aluga.

Esaia 37:32

Talie e toe somo ake loa se ga toetoega i Selusalemi, ti mo ni iki na sao i le mauga o Sione. Ko lena le nea leia e fai loa e le alofa o le Eteleno o kau tau.

Esaia 37:5

Ti na ano loa tagata fakasausau a le sau kia Esaia.

Esaia 41:14

Aua na ke i ki se nea, kelemutu o Sakopo, Toetoega gaegae o Iselaele ; E kau au o tokoi kiate koe, e pati le Eteleno, Ti ko le Sagato o Iselaele ko lou fakamauli.

Esaia 46:3

Kotou fakalogo mai kiate au, fale o Sakopo, Ti mo koutou fuli, toetoega o le fale o Iselaele, Koutou ala na kau too o taupau talu mei lokoutou kamataaga, Ala na kau luluku talu mei lokoutou tupu !

Selemia 26:19

Pe na tamate loa a ia e Esekiasi, sau o Suta, mo Suta katoa ? Pe na leaise i loa Esekiasi ki le Eteleno ? Pe na leaise tagi loa a ia ki le Eteleno ? Koia na fakasemala loa le Eteleno ki le veli leia na puaki e ia kia latou. Ti ko tatou, pe tou amo loa se tukipo lasi feneeki ?

Selemia 42:2

O pati kia Selemia, le polofeta : Tali malie amatou kole ! Ulufaki matou ki le Eteleno, lou Atua, mo latou fuli ala koi toe, talie na motou api ti kua motou lavaki, ofaipe le nea leia e ke tio ki ai ;

Taniela 2:18

O tupu ke lotou kole le manava alofa o le Atua o le atu lagi, talie ke aua na tamate a Taniela mo ona kaukaunea, o fakatasi mo le kau poto o Papilone.

Soele 2:17

I le vasa o le matapa ulu mo le aletale Ke fetagisi tagata faisakilifisio, Ti ko tagata fakasausau a le Eteleno, Ke lotou pati : Eteleno, fakamauli lou kakai ! Aua na ke tuku lou tofiga ki le luma, Ki nukinuki a atu puleaga ! Kolea e pati ai loa i lotolotoga o kakai : Kofea lolatou Atua ?

Amosi 5:15

Kotou vesia ki le veli ti kotou alofa ki le malie, Kotou fakamaau i le faitotonu ; Ti e lagi alofa loa le Eteleno, le Atua o kau tau, Ki toetoega o Sosefo.

Amosi 7:2

Na soko loa na kai e seseivaka le mutie katoa o le fenua, Ti na kau pati loa : Aliki Eteleno, fakamolemole ki lou kakai ! Pe toe tuu feaki loa Sakopo ? Talie e gaegae ai a ia !

Loma 9:27

Kae na tagi a Esaia o uiga mo Iselaele : Ka api loa a vosa o Iselaele ofaipe le one o le tai, Efakamauli loa se ga toetoega.

Sakopo 5:16

Koia ke kotou fekofesioaki akoutou agasala, ti kotou fefaikoleaki, o tupu ke kotou mauli. E aoga lasi ai le faikole fakamalotoloto a le tagata agatonu.

Sosue 14:12

Koia ke ke soli mai kiate au le mauga leinei na masau ki ai le Eteleno i le aso lena ; talie na ke iloa i le aso lena na nofo i ai ni fanau a Anake, ti na tuu i ai ni kolo tau lalasi mo makeke. Ko leia fua ke nofo le Eteleno mo au, ti e kau kapu ia loa latou, o mulimuli ki le nea leia na fakasa e le Eteleno.

Uluaki tosi a Samuele 12:19

Ti na pati loa le kakai katoa kia Samuele : Faikole ki le Eteleno, lou Atua, o uiga mo au tagata fakasausau, ke aua na motou mamate ; talie na motou toe fakalasi amatou agasala, o kole se sau kia matou.

Uluaki tosi a Samuele 12:23

Ke mamao foki meiate au le agasala, o taofi laku faikole ki le Eteleno, o uiga mo koutou ! E kau ako loa kia koutou le ala malie mo sako.

Uluaki tosi a Samuele 14:6

Na pati loa Sonatane ki le tupulaga leia na amo ia ana masafu : Au, ke ta ano o kaku ki le nofolaga tau o le kau Filisitini pagani leinei. Na saga e gaoi loa le Eteleno kia taua, talie e leaise nea leia e taofi ia le Eteleno ke saofaki ki se ga toka teiki ofaipe se toka api.

Uluaki tosi a Samuele 17:26

Na pati loa Tavite ki tagata ala na tutuu i ona tafa : Kolea loa e fai ki leia e tamate ia loa le Filisitini lena, ti e sau ia loa le matagafua i Iselaele ? Ko ai le Filisitini lena, le pagani lena, ke tauvelei e ia le kau solia a le Atua mauli ?

Uluaki tosi a Samuele 17:36

Na fenaaki le tamate e lau tagata fakasausau o le laione mo le uluso, ti e toe fenaaki loa ki le Filisitini, le pagani lena, pe ki se tasi ake o latou, talie kua pati veli a ia ki le kau solia a le Atua mauli.

Uluaki tosi a Samuele 7:8

ti na lotou pati loa kia Samuele : Aua na toe gato lau tagi ki le Eteleno lotatou Atua o uiga mo matou, o tupu ke saofaki e ia matou i le lima o le kau Filisitini.