Esaia 37:32 - Tosi Tapu

³² Talie e toe somo ake loa se ga toetoega i Selusalemi, ti mo ni iki na sao i le mauga o Sione. Ko lena le nea leia e fai loa e le alofa o le Eteleno o kau tau.

Esaia 37:32 ပူးပေါင်းရင်းမြစ်များ

Lua tosi o Sau 19:31

Talie e somo ake loa i Selusalemi se ga toetoega, ti e au loa mei le mauga o Sione ni iki ala na sao i le tau. Ko lena le nea leia e fai loa e le Aliki i le lasi o lona alofa.

Esaia 10:20

I le aso lena, Ko le toetoega o Iselaele mo latou ala na sao i le fale o Sakopo, E leaise toe fanaki loa ki leia na taai ia latou. Kae e lotou fanaki loa i le loto katoa ki le Eteleno, le Sagato o Iselaele.

Esaia 26:11

Eteleno, e mafimafi lou lima : Kae e leaise lotou tio ki ai. E lotou tio loa ki lou alofa ki le kakai, ti e lotou luma loa ; E tutu loa e le afi ou fili.

Esaia 37:20

I le aso nei, Eteleno lomatou Atua, saofaki matou mei le lima o Sanekelipe, o tupu ke iloa e puleaga fuli o le malama nei ko koe toka tasi ko le Eteleno !

Esaia 37:4

Na lagi kua logo le Eteleno, lou Atua, ki masau a Lapesake, leia na kakau mai e le sau o Asilia, lona pule, ke au o tauvelei le Atua mauli, ti e lagi fakasoko loa e le Eteleno, lou Atua ana tautea o tupu ko masau ala na logo a ia ki ai. Koia ke ke faikole o uiga mo le toetoega leia koi mauli.

Esaia 4:2

I le aso lena, e maua loa e le pulapula o le Eteleno Se fulumalie mo se kololia, Ti e maua loa e le fua o le fenua se gigila mo se fulumalie Kia latou ala na sao i Iselaele.

Esaia 42:13

E saele mai le Eteleno ofaipe se tagata toa, E fakasa e ia lona sausau ofaipe se tagata tau ; E siki e ia lona leo, e laku e ia ni kalaga makeke, E fakasa e ia lona makeke ki ona fili.

Esaia 59:17

Na kofu e ia le faitotonu ofaipe se kofu tau, Ti na teki e ia ki lona ulu le puloga o le fakamauli ; Na too e ia le sausau o kofu, Ti na pulupulu a ia ki le finenonofo.

Esaia 63:15

Tagaki mei le lagi, ti ke tio, Mei lou nofoaga maokioki mo fakakololia : Kofea lou alofa mo lou mafimafi ? E leaise koi logo mai kiate au Le ta o lou mafu ti mo ou aloalofa.

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Esaia 9:7

E kakau e le Eteleno se folafola kia Sakopo, Ti kua vilo a ia ki Iselaele.

Soele 2:18

E finenonofo lasi le Eteleno ki lona fenua, Ti e fakamauli e ia lona kakai.

Sakalia 1:14

Ti na pati mai loa kiate au le aselo leia na masau mai kiate au : Kalaga, o pati : E folafola le Eteleno o kau tau, o pati : Kua kau finenonofo lasi o tupu ko Selusalemi mo Sione,