Esaia 37:30 - Tosi Tapu

³⁰ Ke fai le nea leinei pe se fakamailoga kiate koe : Na kai i se fetuu katoa le fua o le fulumeto leia na maluluku, ti i le lua o fetuu le nea leia na somo toka tasi ; kae i le tolu o fetuu, e kotou muluki loa le fakaili, ti e kotou tuuti loa le fulumeto, ti e kotou to loa ni vite, ti e kotou kai loa ona fua.

Esaia 37:30 ပူးပေါင်းရင်းမြစ်များ

Lua tosi o Sau 19:29

Ke liliu le nea leinei ko se fakamailoga kiate koe, Esekiasi : E kotou kai loa i le fetuu e tasi le fua o le fulumeto leia na to, i le lua o fetuu e kotou kai loa le fulumeto leia na sosomo noa ; kae i le tolu o fetuu, e kotou muluki loa, ti e kotou tuuti loa le fulumeto, e kotou to loa ni vite, ti e kotou kai loa ona fua.

Lua tosi o Sau 20:9

Ti na pati loa Esaia : Ko leinei, mei le Eteleno, le fakamailoga leia e ke iloa ai loa e fakasoko loa e le Eteleno le folafola leia na fakasa e ia kiate koe : Pe ke loto ke ano ki mua le malu i ni fa takakega e kau agafulu pe ke solomuli a ia i ni fa takakega e kau agafulu ?

Ekesote 3:12

Na pati loa le Atua : E kau nofo loa mo koe ; ti ko leinei le fakamailoga kiate koe ko au leia e kakau ia a koe : I le oki o lau fakamavae loa le kakai mei Esipito, e kotou atolasio loa kiate au i le mauga leinei.

Esaia 38:7

Ti ko leinei le fakamailoga e tuku atu e le Eteleno ke ke iloa ai e fakasoko loa e le Eteleno le folafola leia kua fakasa e ia.

Esaia 65:21

E lotou fakatuu loa ni fale, ti e lotou nonofo loa i ai ; E lotou to loa ni faisaga vite, ti e lotou kai loa olatou fua.

Esaia 7:11

Kole kiate koe se fakamailoga mei le Eteleno, lou Atua ; kole a ia, mei ganea loloto o le kele, pe mei potu taualuga o le lagi.

Esaia 7:14

Koia e tuku atu loa e le Aliki totonu kia koutou se fakamailoga ; Ko leinei, e tinae loa le taupoou, ti e fanaui loa e ia se tama, Ti e soli loa e ia kiate ia le igoa ko Emanuele.

Levitiko 25:11

Ko le kau lima fetuu e liliu loa kia koutou ko le supileo : aua na kotou to loa akoutou faisaga, pe kotou tuuti loa le nea leia e fakatupu toka tasi loa e faisaga, ti aua na kotou tau loa a vite vaoa.