Esaia 37:3 - Tosi Tapu

³ Na lotou pati loa kia Esaia : Ko leinei le masau a Esekiasi : Ko le aso leinei ko se aso o le i, mo le tautea, ti mo le luma ; talie kua vave vilo a toe mei le manava o le tinana, kae e leaise koi maua se makeke ke fanaui ai latou.

Esaia 37:3 ပူးပေါင်းရင်းမြစ်များ

Lua tosi o Sau 19:3

Ti na lotou pati loa kia Esaia : Ko leinei le masau a Esekiasi : Ko le aso leinei ko se aso o le mamae, mo le tautea, ti mo le luma ; talie kua vave vilo fua a toe mei manava o olatou tinana, kae e leaise maua se makeke ke fanaui ai latou.

Lua tosi o Koloniko 15:4

Kae i le temi o lolatou mamae na lotou toe liliu ki le Eteleno, le Atua o Iselaele, ti na lotou afa a ia, ti na lotou maua a ia.

Pesalemo 50:15

Ti ke ke fetapa mai kiate au i le aso o le mamae ; Ti e kau saofaki loa a koe, ti e ke fakakololia loa kiate au.

Pesalemo 91:15

E kalaga loa a ia kiate au, ti e kau tali loa kiate ia ; E kau nofo loa mo ia i le mamae ; E kau saofaki loa a ia, ti e kau fakakololia loa a ia.

Pesalemo 95:8

Aua na kotou fakafefeka okoutou loto, ofaipe okoutou tamana i Melipa, ofaipe le aso o Masa, i le toafa,

Esaia 22:5

Talie i le aso nei, kua tuku mai kia matou e le Aliki, le Eteleno o kau tau, Le mamae, mo le lava, ti mo le luma. I le vaivailiua o tio kua maumaui a paa, Ti kua kaku a tagi fakaaloalofa ki le mauga.

Esaia 25:8

E folo loa e ia le mate o talu oki ; Ti e solosolo loa e le Aliki, le Eteleno, a loimata i mata fuli ; Ti e fakapuli loa e ia i le fenua katoa le luma o lona kakai ; Talie kua masau le Eteleno.

Esaia 26:16

Eteleno, na lotou afa a koe, i le aso leia na lotou nofo ai i le mamae ; Na lotou liligi alotou kole, i le aso leia na ke tautea ai latou.

Esaia 29:2

Ti e kau taui loa a koe, Aliele ; Ti e ke tagi loa mo mamae loa ; Ti e fai loa le kolo kiate au pe se Aliele.

Esaia 33:2

Eteleno, alofa mai kia matou ! E motou amanaki malie kiate koe. Ke ke liliu ko lomatou tokoi i usu fuli, Ti mo lomatou fakamauli i le temi o le mamae !

Esaia 66:7

I mua o le laga o lona ganea, Na fanau a ia ; I mua o le mamae o lona ganea, Na fanaui e ia se vosa.

Esaia 66:9

Pe kau fakamavaa ia loa le manava o le tinana, Ke aua na fanau a ia ? e pati le Eteleno ; Ko au, leia e fakafanau ia, Pe e kau taofi ia loa ke fanaui le toe ? e pati lou Atua.

Selemia 30:7

Malaia ! Talie e lasi le aso lena ; E leaise sona tatau : Ko se temi mamae kia Sakopo, Kae e saofaki loa a ia i ai.

Oseo 13:13

E soko loa kiate ia a mamae o le fafine leia e fanau ; Ko se toe valea a ia, Leia e leaise vilo i le manava o le tinana i le temi na tonu ke fanaui ai a ia.

Oseo 5:15

E kau ano loa, e kau toe liliu mai loa ki loku nofoaga, O kaku ki le aso leia e lotou vevete ai loa alatou agasala ti mo afa ai loa oku mata. Ka lotou nofo loa i le mamae, e lotou afa loa au.

Oseo 5:9

E maumaui katoa loa Efalaimi i le aso o le tautea ; E kau fakasa ki faasiga o Iselaele se nea maoki.

Apokalipisi 3:19

Ko au, e kau valoki ti e kau tautea latou fuli ala e kau alofa ki ai. Koia ke ke loto oli mo ke fakasemala.