Esaia 37:23 - Tosi Tapu

²³ Ko ai leia na ke gologolo ki ai ti na ke lauveli ki ai ? Ko ai leia na ke masau leo lasi ki ai ? Kua ke siki ou mata ki aluga Ki le Sagato o Iselaele.

Esaia 37:23 ပူးပေါင်းရင်းမြစ်များ

Lua tosi o Sau 19:22

Ko ai leia na ke lauvelii ia mo pativelii ia ? Ko ai leia na ke pati leo lasi ki ai ? Na ke siki ou mata ki aluga Ki le Sagato o Iselaele !

Lua tosi o Sau 19:4

E lagi na logo le Eteleno, lou Atua, ki masau fuli ala na fai e Lapesake, leia na kakau mai e le sau o Asilia, lona pule, ke au o nukinuki ki le Atua mauli, ti e lagi fakasoko loa e le Eteleno, lou Atua, ana tautea o tupu ko masau ala na logo a ia ki ai. Koia ke ke fai ake se kole ke pale ki aluga o tupu ko le kakai leia koi toe.

Lua tosi o Koloniko 32:17

Ti na ave loa e ia se tosi lauveli ki le Eteleno, le Atua o Iselaele, o pati i ai : Na leaise mafai e atua o puleaga o la ake fenua ke saofaki ia olatou kakai mei loku lima, ti e tatau, e leaise saofaki ia loa e le Atua o Esekiasi lona kakai mei loku lima.

Pesalemo 44:16

E tuu loku fakavelivelii i oku mua i aso fuli, Ti e ufiufi oku mata e le luma,

Pesalemo 73:9

E lotou siki olatou gutu o lauveli ki le lagi, Ti e evaeva olatou alelo i le malama nei.

Pesalemo 74:10

Pe kaku loa kiafea, ei Atua, le lauveli a le tagata fakaveliveli, Le gologolo tuumau a le fili ki lou suafa ?

Pesalemo 74:18

Eteleno, manatui na lauveli le fili kiate koe, Ti na gologolo se kakai valea ki lou suafa !

Pesalemo 74:23

Aua na ke galo iate koe a kalaga fia nealasi o ou fili, Mo le maveuveu leia na fai e latou ala na agatuu kiate koe i aso fuli !

Ekesote 15:11

Eteleno, ko ai le atua e tatau mo koe ? Ko ai e tatau mo koe leia e gigila i le maokioki, Leia e gali mo fakavikiviki, Leia e fai ia a nea fakamanamana ?

Ekesote 5:2

Na tali loa Falaone : Ko ai le Eteleno ke kau fakalogo ki lona leo, ti ke kau tuku ke ano Iselaele ? E leaise kau iloa fua le Eteleno, ti e leaise kau tuku loa ke ano Iselaele.

Ekesote 9:17

Kapau e ke toe fia malaga ki loku kakai, ti kapau e leaise ke tuku a ia ke ano,

Taagapati 30:13

E i ai se tau tagata leia e apele ona mata i le vesia, Ti e tio fakaveli ki tagata fuli.

Esaia 10:12

Kae, kao oki malie loa le gaoi a le Aliki I le mauga o Sione mo Selusalemi, Ti o kau tautea loa le sau o Asilia o tupu ko fua o lona loto fia nealasi, Ti mo le matasoka o le tio o ona mata fia taualuga.

Esaia 10:17

E liliu loa le malama o Iselaele ko se afi, Ti ko lona Sagato ko se ula, Leia e tutu ia loa o okioki ona uluvao gaoa mo talatala I le aso fai e tasi ;

Esaia 10:20

I le aso lena, Ko le toetoega o Iselaele mo latou ala na sao i le fale o Sakopo, E leaise toe fanaki loa ki leia na taai ia latou. Kae e lotou fanaki loa i le loto katoa ki le Eteleno, le Sagato o Iselaele.

Esaia 12:6

Fai ni kalaga fakafiafia mo nekenekea, a koe leia e nofo i Sione ! Talie e lasi a ia i loto malie o ou, le Maokioki o Iselaele.

Esaia 17:7

I le aso lena, e tagaki loa le tagata ki lona Atua, lona tupuaga, Ti e maliu loa ona mata ki le Maokioki o Iselaele.

Esaia 2:11

E tuku loa ki lalo le tagata fia nealasi, Ti e tuku loa ke taulalo leia e fia taualuga ; Kae e siki loa ki aluga le Eteleno toka tasi i le aso lena.

Esaia 37:4

Na lagi kua logo le Eteleno, lou Atua, ki masau a Lapesake, leia na kakau mai e le sau o Asilia, lona pule, ke au o tauvelei le Atua mauli, ti e lagi fakasoko loa e le Eteleno, lou Atua ana tautea o tupu ko masau ala na logo a ia ki ai. Koia ke ke faikole o uiga mo le toetoega leia koi mauli.

Esaia 41:14

Aua na ke i ki se nea, kelemutu o Sakopo, Toetoega gaegae o Iselaele ; E kau au o tokoi kiate koe, e pati le Eteleno, Ti ko le Sagato o Iselaele ko lou fakamauli.

Esaia 41:16

E ke tuui loa latou, ti e ave loa latou e le matagi, Ti e fakamavete loa latou e se sasataki. Kae ko koe, e ke fiafia loa i le Eteleno, Ti e tuku loa lou kololia ki le Maokioki o Iselaele.

Esaia 43:14

Ko leinei le folafola a le Eteleno, Lokoutou Fakamauli, le Sagato o Iselaele : O tupu ko koutou, e kau kakau le fili ki Papilone, Ke laku ia ki lalo a loka fuli, Ti e liliu loa, i le kau Kaletea, a kalaga fakafiafia ko ni tagi laulau.

Esaia 43:3

Talie ko au ko le Eteleno, lou Atua, Le Sagato o Iselaele, ko lou Fakamauli ; E kau soli Esipito ko lou totogi, Etiopia mo Sapa ko lou fetogi.

Esaia 5:15

E tuku loa ki le kele le kau liliki, ti e fakataulalo loa le kau lalasi, Ti e saele tulolo loa le kau fia nealasi fuli.

Esaia 5:21

Malaia kia latou ala e popoto kia latou totonu, Ti e manatu e lotou atamai !

Selemia 48:42

E puli loa Moape, e leaise toe tuu loa a ia ko se kakai, Talie na malaga a ia ki le Eteleno.

Esekiele 28:2

Vosa o le tagata, pati ki le sau o Tile : E folafola le Aliki, le Eteleno, o pati : Kua malaga ki aluga lou loto, ti kua ke pati : E kau Atua, E kau ekeeke i le ekeekeaga o le Atua, i le manava o atu tai ! Ko koe, e ke tagata kae e leaise ke Atua, Ti e ke too lou finegalo ki le finegalo o le Atua.

Esekiele 28:9

Pe ke pati loa i mua o le tagata leia e tamate ia loa a koe : E kau Atua ? E ke tagata loa kae e leaise ke Atua, I le lima o leia e tamate ia loa a koe.

Esekiele 35:13

Na kotou malaga kiate au i akoutou masau, Na kotou liuliuga akoutou masau veli kiate au : Na kau logo.

Esekiele 39:7

E kau fakasa loa loku suafa maokioki i loto malie o loku kakai ko Iselaele, Ti e leaise kau toe tuku loa ke fakakelekele loku suafa maokioki ; Ti e iloa loa e atu puleaga ko au ko le Eteleno, Ko le Maokioki o Iselaele.

Taniela 7:25

E fai loa e ia ni masau matasoka ki le Taualuga, ti e fakavelivelii loa e ia le kau sagato a le Taualuga, ti e amanaki loa a ia ke fetogi e ia a temi mo le lao ; ti e tuku loa le kau sagato ki ona lima i le lolotoga o se fetuu e tasi, mo ni fetuu e lua, mo le vaelua o se fetuu.

Taniela 8:11

Na malaga loa a ia o kaku ki le pule o le kau tau, ti na too loa e ia le failaulau o aso taki tasi meiate ia, kae fakakelekele loa e ia le sagatualio.

Lua tosi ki le kau Tesalonika 2:4

le tagata agatuu leia e malaga i aluga o nea fuli ala e igoa ko Atua, pe ko nea fuli ala e atolasio ki ai ; ti e kaku a ia o nofo ofaipe le Atua i le fale tapu o le Atua, o fakasa a ia ko le Atua.

Uluaki tosi a Samuele 17:26

Na pati loa Tavite ki tagata ala na tutuu i ona tafa : Kolea loa e fai ki leia e tamate ia loa le Filisitini lena, ti e sau ia loa le matagafua i Iselaele ? Ko ai le Filisitini lena, le pagani lena, ke tauvelei e ia le kau solia a le Atua mauli ?

Uluaki tosi a Samuele 17:36

Na fenaaki le tamate e lau tagata fakasausau o le laione mo le uluso, ti e toe fenaaki loa ki le Filisitini, le pagani lena, pe ki se tasi ake o latou, talie kua pati veli a ia ki le kau solia a le Atua mauli.