Esaia 37:22 - Tosi Tapu

²² Ko leinei le folafola leia e fakasa e le Eteleno o uiga mo ia : Kua vesia a ia kiate koe, kua gologolo a ia kiate koe, Le taupoou, taine o Sione ; Kua kalokalo e ia lona ulu kiate koe, Taine o Selusalemi.

Esaia 37:22 ပူးပေါင်းရင်းမြစ်များ

Lua tosi o Sau 19:21

Ko leinei le folafola na fakasa e le Eteleno o uiga mo ia : E nukinuki a ia kiate koe, e gologolo a ia kiate koe, Ko le taine taupoou, taine o Sione ; E kalokalo lona ulu kiate koe, Le taine o Selusalemi.

Sopo 16:4

Ko au foki, e mafai ke kau masau ofaipe koutou. Ka na kotou nofo i loku nofoaga : E fakamafaia loa koutou ki ni masau, Ti e kau kalokalo loa loku ulu kia koutou.

Pesalemo 31:18

Eteleno, ke aua na kau luma mo ka kau fetapa kiate koe ! Kae ke luma le kau agaveli, Ke lotou ifo fakalologo ki le nofoaga o le kau mate !

Pesalemo 9:14

Eteleno, alofa mai kiate au ! Tio ki loku mamae ia latou ala e vesia kiate au ! Too au i matapa o le mate,

Esaia 1:8

Ti kua nofo le taine o Sione Ofaipe se ga fale pola i se faisaga vite, Ofaipe se fale pola i se faisaga kokope, Ofaipe se kolo na takatakai.

Esaia 10:32

Na toe manavanava le fili i Nope i se aso e tasi, Ti kua fakakaikai e ia lona lima ki le mauga o le taine o Sione, Le mauga o Selusalemi.

Esaia 23:12

Na pati a ia : Taine o Sitone, taupoou kua maumaui ! E leaise ke toe fakafiafia loa. Ti kapau e ke tuu loa ki aluga, o ano ki le fenua o Kitimi, E leaise ke maua ai foki se maloloaga.

Esaia 47:1

Ifo, ti ke tonatona i le efu, A koe, taupoou, taine o Papilone ! Tonatona ki le kele, sala ekeekeaga fakasau, Taine o le kau Kaletea ! E leaise toe fakaigoa loa a koe fakaeteete mo fafine aliki.

Esaia 62:11

Ko leinei le nea leia e fakasa e le Eteleno ki potupotu o le malama nei : Kotou pati ki le taine o Sione : Ko leinei, e au lou fakamauli ; E au a ia mo le totogi, Ti e muamua a fakapale iate ia.

Selemia 14:17

Fakasa kia latou le folafola lena : E tafe a loimata i oku mata i le po mo le ao, Ti ke leaise toe gato lona sali, Talie ko le taine taupoou o loku kakai na taai o veli, E mamae ai lona lavea.

Selemia 18:16

Kua lotou fakaliliu lolatou fenua ko se nea fakaaloalofa, ko se nea fakagologolo ; Ko latou fuli ala e fakalaka i ai e punamauli ti e lu olatou ulu.

Tagi laulau a Selemia 1:15

Na ti e le Aliki ki le kele aku tagata tau fuli i loto malie o oku ; Na tanaki e ia se solia kiate au, Ke maumaui ia aku tagata tupulaga ; Na takatakafi e le Aliki i le tataoaga vino le taupoou, taine o Suta.

Tagi laulau a Selemia 2:13

Kolea e tonu ke kau fakasa kiate koe ? Kolea ke kau fakatatau a koe ki ai, taine o Selusalemi ? Ko ai e toe tatau mo koe, ti ko le fakapelepele fea leia ke fai kiate koe, Taupoou, taine o Sione ? Talie e lasi lou lavea ofaipe le tai : Ko ai e mafai loa ke faitoo ia a koe ?

Tagi laulau a Selemia 2:15

E pasipasi kiate koe a lima o latou fuli e fakalaka, E lotou mapu, e lotou lu olatou ulu ki le taine o Sione : Pe ko le kolo lena na fakaigoa ko le kolo fulumalie lasi, Ko le fiafiaaga o le malama nei katoa ?

Amosi 5:2

Kua vilo a ia, e leaise toe tuu loa a ia ki aluga, Le taupoou o Iselaele ; Kua moe a ia ki le kele, E leaise toe fakatuu loa a ia ki aluga e se tasi.

Sofoni 3:14

Taine o Sione, ke ke kalaga fakafiafia ! Iselaele, ke ke fakamapa ni kalaga nekenekea ! Taine o Selusalemi, fakafiafia i lou loto katoa !

Sakalia 2:10

Taine o Sione, Ke ke fai ni kalaga fakafiafia ti ke ke nekenekea ! Talie ko leinei, e kau au, ti e kau nofo loa i loto malie o ou, E pati le Eteleno.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Mateo 21:5

Pati ki le taine o Sione : Ko leinei, e au lou sau kiate koe, Apele i le agamalu, ti e eke i se asino, I se uviki asino, le uviki o se asino fafine.

Mateo 27:39

Ko latou ala na fakalaka i ai na nukinuki loa kiate ia, ti na lotou kalo loa olatou ulu,

Uluaki tosi a Samuele 17:36

Na fenaaki le tamate e lau tagata fakasausau o le laione mo le uluso, ti e toe fenaaki loa ki le Filisitini, le pagani lena, pe ki se tasi ake o latou, talie kua pati veli a ia ki le kau solia a le Atua mauli.