Esaia 37:20 - Tosi Tapu

²⁰ I le aso nei, Eteleno lomatou Atua, saofaki matou mei le lima o Sanekelipe, o tupu ke iloa e puleaga fuli o le malama nei ko koe toka tasi ko le Eteleno !

Esaia 37:20 ပူးပေါင်းရင်းမြစ်များ

Uluaki tosi o Sau 8:43

ke ke tali a ia mei le atu lagi, mei le ganea o lou nofoaga, ti ke ke tuku loa ki le matapule lena a nea fuli ala e kole atu loa e ia kiate koe, o tupu ke iloa e kakai fuli o le malama nei lou suafa ti ke lotou i kiate koe, ofaipe lou kakai ko Iselaele, ti ke lotou iloa e fetapa ki lou suafa i le fale leinei kua kau fakatuu !

Uluaki tosi o Sau 8:59

Ke tuku tuumau i mua o le Eteleno, lotatou Atua, a masau anei, ko aku tagi i mua o le Eteleno, i le ao mo le po, ti ke fai e ia lana faitotonu i temi fuli ki lana tagata fakasausau mo lona kakai ko Iselaele,

Uluaki tosi o Sau 8:60

o tupu ke iloa e kakai fuli o le kele, ko le Eteleno e Atua, ti e leaise tasi ake Atua !

Pesalemo 46:10

Ko ia leia na fakagato ia a tau o kaku ki potupotu o le malama nei ; Na fatii e ia le gasau ti na motusi e ia le tao, Na tutu e ia ki le afi a saliote tau.

Pesalemo 59:13

E agasala olatou gutu i masau fuli o olatou laugutu : Tuku ke tapo latou e le masele o lolatou fia nealasi ! Talie e lotou masau ata ki fakamalaia mo loi.

Esaia 25:9

I le aso lena e pati loa : Ko leinei, ko lomatou Atua, leia e motou fanaki ki ai, Ti ko ia leia e fakamauli ia matou ; Ko le Eteleno leia e motou fanaki ki ai ; Ke tou nekenekea, ti ke tou fakafiafia i lana fakamauli !

Esaia 33:22

Talie ko le Eteleno ko lotatou tui fakamaau, Ko le Eteleno ko lotatou tagata takitaki, Ko le Eteleno ko lotatou sau : Ko ia leia e fakamauli ia tatou.

Esaia 35:4

Kotou pati kia latou ala kua loto gaegae : Kotou loto makeke, aua na kotou i ; Ko leinei lokoutou Atua, e au loa le tautea, Le totogi a le Atua ; E au loa a ia totonu, ti e fakamauli loa e ia koutou.

Esaia 37:16

Eteleno o kau tau, Atua o Iselaele, a koe leia e ekeeke i aluga o Selupino ! Ko koe toka tasi e Atua i puleaga fuli o le malama nei, ko koe leia na fakatupu ia le lagi mo le kele.

Esaia 42:8

Ko au ko le Eteleno, ko loku igoa a ia ; Ti e leaise kau soli loa loku kololia ki se tasi, Pe ko loku mauiga ki taulaatua.

Esaia 45:5

Ko au ko le Eteleno, ti e leaise tasi ake ; Sala mo au e leaise tasi ake Atua ; Na kau fakakofu a koe, i mua o lau iloa au.

Esekiele 36:23

E kau fakamaokioki loa loku suafa lasi, leia na fakakelekele i lotolotoga o atu puleaga, leia na kotou aga o fakakelekele i loto malie o atu puleaga. Ti e iloa loa e atu puleaga ko au ko le Eteleno, e pati le Aliki, le Eteleno, i le aso leia e kotou fakamea ai loa loku suafa i olatou mua.

Esekiele 39:21

E kau fakasa loa loku kololia i lotolotoga o atu puleaga ; Ti e tio loa a atu puleaga fuli ki fakamaau ala e kau fai loa, Ti mo tautea ala e taai ai loa latou ki ai e loku lima.

Soele 2:17

I le vasa o le matapa ulu mo le aletale Ke fetagisi tagata faisakilifisio, Ti ko tagata fakasausau a le Eteleno, Ke lotou pati : Eteleno, fakamauli lou kakai ! Aua na ke tuku lou tofiga ki le luma, Ki nukinuki a atu puleaga ! Kolea e pati ai loa i lotolotoga o kakai : Kofea lolatou Atua ?

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.