Esaia 37:16 - Tosi Tapu

¹⁶ Eteleno o kau tau, Atua o Iselaele, a koe leia e ekeeke i aluga o Selupino ! Ko koe toka tasi e Atua i puleaga fuli o le malama nei, ko koe leia na fakatupu ia le lagi mo le kele.

Esaia 37:16 ပူးပေါင်းရင်းမြစ်များ

Senesi 1:1

I le kamataaga, na fakatupu loa e le Atua le lagi mo le kele.

Lua tosi a Samuele 7:26

Ke fakakololia lou suafa o lee gato, ti ke pati : Ko le Eteleno o kau tau ko le Atua o Iselaele ! Ti ke makeke le fale o lau tagata fakasausau ko Tavite i ou mua !

Uluaki tosi o Sau 18:32

Ti na fakatuu loa e ia ki fatu ana se aletale foou ki le suafa o le Eteleno. Na kenu loa e ia i le takatakai o le aletale se kanivo leia na mafai ke liligi ki ai ni liti e kau tolu.

Uluaki tosi o Sau 8:6

Na ave loa e le kau tagata faisakilifisio le aleka o le sai a le Eteleno ki lona nofoaga, i le sagatualio, i lalo o kapakau o selupino.

Lua tosi o Sau 5:15

Na toe liliu loa Naamane ki le tagata a le Atua mo ana tagata fakasausau. I lana kaku atu, na ano loa a ia ki mua o Eliseo, o pati : Ko leinei, e kau fakamaoki e leaise tasi ake Atua i le Atua o Iselaele i le malama nei katoa. Ti ko leinei e kau kole atu kiate koe, ke ke tali se nea alofa mei le lima o lau tagata fakasausau.

Esetalasi 1:3

Ko ai ia koutou e kau ki lona kakai ? Ke nofo lona Atua mo ia, ti ke pale a ia ki Selusalemi i le fenua o Suta, o fakatuu le fale o le Eteleno, le Atua o Iselaele ! Ko le Atua leia e agai i Selusalemi.

Pesalemo 146:6

Na fai e ia le lagi mo le kele, Le tai mo nea fuli e maua i ai. E taupau e ia lona agatonu o lee gato.

Pesalemo 46:11

Ke kotou tuku, ti ke kotou iloa ko au ko le Atua : E kau pule ki atu puleaga, ti e kau pule ki le malama nei.

Pesalemo 46:7

E taugaoi ni puleaga, ti e sosolo ni puleaga ; Kae ka fakasa e ia lona leo, ti e liliu o vai le malama nei i le i.

Pesalemo 80:1

Ki le pule o le kau sua. I lilio fakaaloalofa. A Asafe. Pesalemo.

Pesalemo 86:10

Talie e ke lasi, ti e ke fai ni nea fakatalatupua ; Ko koe toka tasi, e ke Atua.

Pesalemo 99:1

E sau le Eteleno : e lulu a atu kakai ; E ekeeke a ia i aluga o selupino : e siga le malama nei.

Ekesote 25:22

Ko lena le ganea leia e kau felavei ai loa mo koe ; i aluga o le nofolaga o le manava alofa, i le vasa o selupino e lua ala e tuu i aluga o le aleka, e kau tuku atu loa kiate koe aku fakatotonu fuli ki fanau a Iselaele.

Esaia 37:15

Ti na fai loa e ia kiate ia le kole leinei :

Esaia 37:20

I le aso nei, Eteleno lomatou Atua, saofaki matou mei le lima o Sanekelipe, o tupu ke iloa e puleaga fuli o le malama nei ko koe toka tasi ko le Eteleno !

Esaia 40:22

Ko ia leia e ekeeke i aluga o le lagi leia e takatakai ia le malama nei, Ti ko latou ala e nofo i ai e tatau mo lomimi ; E folasi e ia le lagi ofaipe se kie maamaa, E fola e ia latou ofaipe se falela, ke fai ai lona nofoaga.

Esaia 40:28

Pe leaise ke iloa ? Pe na leaise ke logo ki ai ? Ko le Eteleno ko le Atua o sekulo mo sekulo ; Ko ia leia na fakatupu ia le malama nei mei leia potupotu o kaku ki leia potupotu ; E leaise toe gaegae fua a ia, ti e leaise toe kaekae fua a ia ; E leaise mafai ke fuafua lona atamai.

Esaia 42:5

Ko leinei le folafola a le Atua, le Eteleno, Leia na fakatupu ia le lagi ti na folasi ia a ia, Leia na fakatokatoka ia le kele mo nea fuli i ai, Leia na soli ia le tukumanava kia latou ala e mauli i ai, Ti mo le aele kia latou ala e saele i ai.

Esaia 44:24

Ko leinei le folafola a le Eteleno, leia na totogi ia a koe, Leia na fau ia a koe mei lou tupu : Ko au, le Eteleno, na kau fai ia a nea fuli, Ko au toka tasi leia na folasi ia a atu lagi, Ko au toka tasi leia na fola ia le malama nei.

Esaia 44:6

Ko leinei le folafola a le Eteleno, le sau o Iselaele ko lona fakamauli, Le Eteleno o kau tau : Ko au ko le uluaki ti ko au ko le fakamulimuli, Ti e leaise tasi ake Atua iate au.

Esaia 45:12

Ko au leia na fai ia le kele, Ti na fakatupu ia le tagata leia e mauli i ai. Ko au, ti ko oku lima ala na folasi ia a atu lagi, Ti ko au foki leia na fakatuutuu ia lona kau tau.

Esaia 45:22

Kotou tafoki mai kiate au, ti e kotou mauli loa, Koutou fuli ala e nonofo i potupotu o le malama nei ! Talie ko au ko le Atua, e leaise tasi ake Atua.

Esaia 54:5

Talie ko lou tupuaga ko lou avaga : Ko lona igoa ko le Eteleno o kau tau ; Ti ko lou fakamauli ko le Sagato o Iselaele : E igoa a ia ko le Atua o le malama nei katoa ;

Esaia 6:3

Na lotou kalaga o fetaliaki : Maokioki, maokioki, maokioki le Eteleno o kau tau ! E apele le kele katoa i lona kololia !

Esaia 8:13

Ko le Eteleno o kau tau leia e tonu ke kotou iloa ko le Maokioki, Ti ko ia leia e tonu ke kotou i ki ai, ti ke kotou lulu ki ia.

Soane 1:3

Na fai e ia a nea fuli, ti na leaise nea i nea fuli ala na fai na leaise fai sala mo ia.

Tetelonome 10:17

Talie ko le Eteleno, lokoutou Atua, ko le Atua o atu lagi, ko le Aliki o aliki fuli, ko le Atua lasi, mo makeke mo fakaii, leia e leaise tiotio tagata ti e leaise totogi ki se moliga.

Kolose 1:16

Talie na fakatupu e ia a nea fuli, ala i le atu lagi ti mo la i le malama nei, mo nea ala e sa ti mo nea ala e leaise sa, pe ko nofoaga sau, pe ko nofoaga fakaaliki, pe ko le kau makeke, pe ko le kau pule. Na fakatupu e ia a nea fuli ma ana.

Epelo 4:16

Koia ke tou fakafeofi ai i le tui makeke ki le agaiaga o le kalasia, o tupu ke tou maua ai le manavaalofa ti ke tou tali ai le kalasia, ke tokoi ai kia tatou i nea ala e aoga kia tatou.

Uluaki tosi a Samuele 4:4

Na kakau loa e le kakai ni tagata avelogo ki Silo, ti na aumai loa mei Silo le aleka o le sai a le Eteleno o kau tau, leia e agai i le vasa o selupino. Na au loa i ai a vosa e lua o Eli ko Ofeni mo Finesi, mo le aleka o le sai a le Atua.