Esaia 37:14 - Tosi Tapu

¹⁴ Ti na too loa e Esekiasi le tosi mei le lima o le tagata avelogo, o lau. Ti na pale loa a ia ki le fale o le Eteleno, o folasi a ia i mua o le Eteleno,

Esaia 37:14 ပူးပေါင်းရင်းမြစ်များ

Uluaki tosi o Sau 8:38

kapau e fai loa e se tagata, pe ko lou kakai katoa ko Iselaele, ni kole mo ni tagi, ti kapau e iloa loa e le tagata taki toka tasi le malaia o lona loto ti falo loa ona lima ki le fale leinei,

Uluaki tosi o Sau 9:3

Ti na pati loa le Eteleno kiate ia : Kua kau tali lau kole mo lau tagi ala na ke fai mai kiate au, ti kua kau fakatapui le fale leinei na ke fakatuu ki loku suafa o lee gato ; ti e kau tuku tuumau loa ki ai oku mata mo loku loto.

Lua tosi o Sau 19:14

Na too loa e Esekiasi le tosi mei lima o tagata avelogo, o lau. Ti na pale loa a ia ki le fale tapu o le Eteleno, o folasi le tosi i mua o le Eteleno,

Lua tosi o Sau 19:15

ti na fai loa e ia le kole leinei kiate ia : Eteleno, Atua o Iselaele, leia e ekeeke i aluga o selupino ! Ko le Atua a koe e tasi i puleaga fuli o le kele, ko koe leia na fai ia le lagi mo le kele.

Pesalemo 143:6

E kau falo oku lima kiate koe ; E oli lasi loku laumalie kiate koe, Ofaipe se kele malo. - Manava.

Pesalemo 27:5

Talie e fufu loa e ia au i lona tapenakulo i le aso o le malaia, E fakamumuni loa e ia au i le potu lilo o lona falela. E fakatuu loa e ia au ki aluga o se utu.

Pesalemo 74:10

Pe kaku loa kiafea, ei Atua, le lauveli a le tagata fakaveliveli, Le gologolo tuumau a le fili ki lou suafa ?

Esaia 37:1

I le logo a le sau ko Esekiasi ki le nea lena, na sae loa e ia ona kofu, kae na tui loa e ia se taga, ti na ano loa a ia ki le fale o le Eteleno.

Esaia 37:13

Kofea le sau o Amate, le sau o Alepati, ti mo le sau o le kolo ko Sefalevaimi, mo Ena, ti mo Iva ?

Esaia 37:15

Ti na fai loa e ia kiate ia le kole leinei :