Esaia 37:12 - Tosi Tapu

¹² Ko atua o puleaga ala na maumaui e oku tamana, pe na lotou saofaki olatou fenua, a Kosani, mo Salani, mo Letesefi, mo vosa o Eteni ala e nonofo i Telasale ?

Esaia 37:12 ပူးပေါင်းရင်းမြစ်များ

Senesi 11:31

Na too loa e Telake lona vosa ko Apalamo, mo Lote, vosa o Alane, vosa o lona vosa, ti mo Salai, lona fugao, avaga o Apalamo lona vosa. Ti na lotou mavae fakatasi loa mei Ulu i Kaletea, o ano ki le fenua o Kanaane. Na lotou kaku loa ki Salani, ti na lotou nofo loa i ai.

Senesi 11:32

Ko aso o Telake ko fetuu e kau lelau lua tupu lima ; ti na mate loa Telake i Salani.

Senesi 12:14

I le kaku a Apalamo ki Esipito, na tio loa le kau Esipito ki le fulumalie lasi o le fafine.

Senesi 2:8

Ti na to loa e le Eteleno Atua se oloto i Eteni, i le potu esite, ti na tuku loa e ia ki ai le tagata leia na fakatupu e ia.

Senesi 28:10

Na ano loa Sakopo mei Pele-Sepa ki Salani.

Senesi 29:4

Na pati loa Sakopo ki le kau tausi manu : Ei oku fetaina, pe kotou au meifea ? Na lotou tali loa : E motou nofo i Salani.

Lua tosi o Sau 17:6

I le fetuu iva o le sau o Ose, na too loa e le sau o Asilia a Samalia, ti na ave popula loa e ia Iselaele ki Asilia. Na fakanonofo loa e ia latou i Salaki, mo le fenua o Kosani leia e tafe ai le liua ko Sapole, ti mo kolo o le kau Mete.

Lua tosi o Sau 18:11

Na ave fakapopula loa e le sau o Asilia a Iselaele ki Asilia, ti na fakanonofo loa e ia latou i Salaki, i le fenua o Kosani leia e tafe ai le liua ko Sapole, i kolo o le kau Mete,

Lua tosi o Sau 19:12

Pe na saofaki e atua o atu puleaga a puleaga ana na maumaui e oku tamana, a Kosani, mo Salani, mo Letisefi, ti mo vosa o Eteni, ala e nonofo i Telasa ?

Esaia 36:18

Ke aua na kakaai koutou e Esekiasi, o pati : E saofaki loa tatou e le Eteleno. Pe na tasi saofaki e atua o atu puleaga lona puleaga mei le lima o le sau o Asilia ?

Esaia 36:19

Kofea a atua o Amati mo Alepati ? Kofea a atua o Sefalevaimi ? Pe na lotou saofaki Samalia mei loku lima ?

Esaia 36:20

I atua fuli o fenua ana, ko ai ma ala na saofaki ia olatou fenua mei loku lima, ke aga ai le Eteleno o saofaki Selusalemi mei loku lima ?

Esaia 37:13

Kofea le sau o Amate, le sau o Alepati, ti mo le sau o le kolo ko Sefalevaimi, mo Ena, ti mo Iva ?

Esekiele 27:23

Na fai koloa Salani mo koe, mo Kane, mo Eteni, Mo le kau fai koloa o Sepa, mo Asilia, mo Kilimati ;

Esekiele 28:13

Na ke nofo i Eteni, i le oloto o le Atua ; Na kofu a koe ki fatu mauiga fuli, Ki le saletuane, mo le topasi, mo le taimane, Ki le kilisolite, mo le onise, mo le sasepe, Ki le safile, mo le kelenate, mo le emelote ti mo le aulo : I le aso leia na fakatupu ai a koe, Na ke teu ki ni nea fakateuteu mauiga.

Amosi 1:5

E kau fatifatii loa a fakamaumau o Tamaso, E kau tuuti loa i Pikate-Aveni ona kakai, Ti i Pete-Eteni leia e too ia le tokotoko fakasau ; Ti e ave loa le kakai o Silia o fakapopula i Kile, e pati le Eteleno.

Gaoi 7:2

Ti na tali loa Setefano : Kau tagata fetaina mo tamana, kotou fakalogo mai ! Na sa loa le Atua o le kololia ki lotatou tamana ko Apalaamo, ka koi nofo a ia i le fenua o Mesopotamia, i mua o lana nofo i Salani ; ti na pati loa a ia kiate ia :