Esaia 34:8 - Tosi Tapu

⁸ Talie ko se aso o le totogi ki le Eteleno, Ko se fetuu o le liufaki o nea ala na fai ki Sione.

Esaia 34:8 ပူးပေါင်းရင်းမြစ်များ

Pesalemo 94:1

Ei Eteleno ko le Atua, a au le totogi ! Ei Atua, a au le totogi ! Ke ke sa mai !

Esaia 13:6

Kotou fetagisi, talie kua ofi mai le aso o le Eteleno : Kua au a ia ofaipe se maumau mei le Mafimafi.

Esaia 13:9

Ko leinei, kua soko mai le aso o le Eteleno, Aso fakaii, aso o le sausau mo le sausau kaka, Leia e fakaliliu ia loa le malama nei o toafa, Ti e tamate ia loa le kau agasala i le malama nei.

Esaia 26:21

Talie ko leinei, e ulu le Eteleno mei lona nofoaga, Ke tautea le kakai o le malama nei o tupu ko ana agasala ; Ti e fakasa loa e le fenua le toto leia na maligi, Ti e leaise toe fufu loa e ia le kakai leia na tamate.

Esaia 35:4

Kotou pati kia latou ala kua loto gaegae : Kotou loto makeke, aua na kotou i ; Ko leinei lokoutou Atua, e au loa le tautea, Le totogi a le Atua ; E au loa a ia totonu, ti e fakamauli loa e ia koutou.

Esaia 47:3

E fakasa loa lou telefua, Ti e tio loa ki lou luma. E kau tautea loa a koe, E leaise kau tuku loa ke sao se tasi.

Esaia 49:26

E kau fagai loa latou ala na fakaveliveli kiate koe ki lolatou tino totonu ; E lotou konana loa i lolatou toto totonu ofaipe se vino ; Ti e iloa loa e tagata fuli ko au ko le Eteleno, lou fakamauli, Leia na totogi ia a koe, le mafimafi o Sakopo.

Esaia 61:2

Ke fakasa se fetuu o le kalasia o le Eteleno, Ti mo se aso o le sausau o lotatou Atua ; Ke fakapelepele latou fuli ala e mamae ;

Esaia 63:4

Talie na nofo i loku loto se aso o le totogi, Ti kua soko mai le fetuu o loku kakai na totogi.

Selemia 46:10

Ko le aso leinei o le Aliki, o le Eteleno o kau tau ; Ko se aso o le lagavaka, leia e totogi ai e ia ki ona fili. E kai le seleta, e makona a ia, E kona a ia i lolatou toto. Talie e i ai ni vikitima a le Aliki, a le Eteleno o kau tau, I le fenua o le potu noleto, i laugutu o le Eufalate.

Oseo 9:7

Kua lotou soko mai, a aso o le tautea, Kua lotou kaku mai, a aso o le totogi o gaoi : E tonu ke iloa a ia e Iselaele ! Kua valea le polofeta, kua ulu vale le tagata tio malama ! O tupu ko le lasi o au agaveli mo au agatuu.

Soele 3:4

Kolea le nea e kotou loto ki ai, Tile mo Sitone, Ti mo koutou fuli, fenua o le kau Filisitini ? Pe kotou loto ke kotou lagavaka mai kiate au ? Kapau e kotou fia lagavaka mai kiate au, E leaise tuvai loa laku fakavilo lakoutou lagavaka ki okoutou ulu.

Mikea 6:1

Ke kotou fakalogo mai ki le nea leia e fakasa e le Eteleno : Ke ke tuu ki aluga, ke ke masau i mua o mauga, Ti ke logo a mauga liliki ki lou leo !…

Luka 18:7

Pe leaise faitotonu loa le Atua ki ana filifilia, ala e kalaga kiate ia i le ao mo le po ? pe fakatuvai loa a ia kia latou ?

Loma 2:5

Kae, i lau fakafefeka ti mo lou loto lee fakasemala, e ke tanaki ai kiate koe se koloa o le sausau ki le aso o le sausau ti mo le fakasa o le fakamaau totonu a le Atua,

Tetelonome 32:35

A aku le lagavaka mo le totogi, I le aso leia e seke ai loa olatou vae ! Talie kua ofi fua le aso o lolatou malaia, Ti e leaise toe tuvai loa le nea leia e talitali kia latou !

Apokalipisi 14:11

Ti e pale loa le afu o le afi leia e fakamamae ia latou o kaku ki sekulo mo sekulo ; ti e leaise tuku se malolo i se ao mo se po kia latou ala e su ki le manu fekai mo lona fakatata, ti mo leia e maua ia le fakamailoga o lona igoa.

Apokalipisi 18:20

Lagi, ke ke fiafia kiate ia ! Ti ko koutou, kau sagato, mo kau apositolo, ti mo kau polofeta, ke kotou fiafia foki mo koutou ! Talie kua fakamaaui a ia e le Atua o tupu ko le veli katoa leia na fai e ia kia koutou.

Apokalipisi 19:2

talie e agatonu mo maokioki ana fakamaau ; kua fakamaaui e ia le fafine fai feauaki lasi leia na fakakelekele ia le kele ki lana fai feauaki, ti kua totogi e ia le toto o ana tagata fakasausau ki lona lima.