Esaia 34:6 - Tosi Tapu

⁶ Kua apele le seleta a le Eteleno i le toto, ti kua piki i ai a gako Mo le toto o akeno mo koti, Ti mo gako o ifiifi o ovi tagata ; Talie e i ai ni vikitima a le Eteleno i Potesela, Ti mo se tamatea tagata lasi i le fenua o Etome.

Esaia 34:6 ပူးပေါင်းရင်းမြစ်များ

Lua tosi a Samuele 1:22

I mua o le toto o le kau kafo, I mua o le gako o le kau toa, Na leaise solomuli fua le kalolo a Sonatane. Ti na leaise toe liliu ata le seleta a Saulo.

Uluaki tosi o Koloniko 1:44

Na mate loa Pela ; ti na sau loa Sopape, vosa o Selake, mei Potesela, o fetogi a ia.

Pesalemo 137:7

Eteleno, manatui fanau o Etome, Ala, i le aso o Selusalemi : Na pati : Kotou tele, kotou tele O kaku ki ona fakatafito !

Esaia 29:2

Ti e kau taui loa a koe, Aliele ; Ti e ke tagi loa mo mamae loa ; Ti e fai loa le kolo kiate au pe se Aliele.

Esaia 34:5

Kua kona laku seleta i le atu lagi ; Ko leinei, ka ifo a ia ki Etome, Ki le kakai leia na kau tuku ki le maumau, ke tautea ai a ia.

Esaia 63:1

Ko ai leia e au mei Etome, Mei Potesela, i ni kofu kula, I ni kofu gigila, Ti e saele fia tagata i lona makeke katoa ? Ko au leia na fakapapau ia le fakamauli, Leia e nofo mo le makeke ke saofaki.

Esaia 63:3

Na kau takatakafi toka tasi i le tataoaga vino, Ti na leaise se tagata mei atu kakai na kau mo au ; Na kau takatakafi latou i loku ita, Na kau takatakafi latou o lalai i loku sausau ; Na topisi lolatou toto ki oku kofu, Ti na kelekele ai oku kofu fuli.

Esaia 65:12

E kau tuku loa koutou ki le seleta, Ti e kotou peluki fuli loa a tuli ke tamate koutou ; Talie na kau kalaga atu, ti na leaise kotou tali mai ; Na kau masau, ti na leaise kotou fakalogo ; Kae na kotou fai le nea leia e veli ki oku mata, Ti na kotou filifili le nea leia e kau vesia ki ai.

Selemia 12:12

E au le kau maumau mei potu taualuga fuli o le toafa, Talie e kai e le seleta a le Eteleno le fenua mei le potu ki le potu ; E leaise tokamalie ki se tagata e toka tasi.

Selemia 25:34

Kotou tagi laulau, tagata tausi manu, ti kotou kalaga ! Kotou fuliteka i le mugalafu, kau takitaki o kau manu, Talie kua soko mai a aso ala e tamate ai loa koutou. E kau fatifatii loa koutou, ti e kotou vivilo loa ki lalo ofaipe se ipu mauiga.

Selemia 46:10

Ko le aso leinei o le Aliki, o le Eteleno o kau tau ; Ko se aso o le lagavaka, leia e totogi ai e ia ki ona fili. E kai le seleta, e makona a ia, E kona a ia i lolatou toto. Talie e i ai ni vikitima a le Aliki, a le Eteleno o kau tau, I le fenua o le potu noleto, i laugutu o le Eufalate.

Selemia 49:13

Talie e kau fakapapau iate au totonu, e pati le Eteleno, E liliu loa Potesela ko se nea fakaofolele mo fakalumaluma, Ko se nea maumau mo fakamalaia, Ti e liliu loa ona kolo fuli ko ni tuuga nea maumau o lee gato.

Selemia 49:7

Ki Etome. E folafola le Eteleno o kau tau, o pati : Pe leaise koi maua se tagata poto i Temane ? Pe kua puli le fakakaukau i tagata atamai ? Pe kua puli noa lolatou poto ?

Selemia 50:27

Kotou tamate ana pipi tagata fuli, ke ave latou ki le fale tamate manu ! Malaia kia latou ! talie kua soko mai lolatou aso, Le temi o lolatou tautea.

Selemia 51:40

E kau fakaifo loa latou ofaipe ni akeno ki le fale tamate manu, Ofaipe ni ovi tagata mo ni koti tagata.

Esekiele 21:10

Ti e iloa loa e tagata fuli Ko au, le Eteleno, na kau tosoi laku seleta i lona tukuaga. E leaise toe ulu loa a ia ki ai.

Esekiele 35:15

O tupu ko le fiafia leia na ke maua Talie kua maumau le tofiga o le fale o Iselaele, E kau fai fakatatau loa kiate koe ; E ke liliu loa ko se potu lavaki, mauga o Seili, A koe mo Etome katoa. Ti e lotou iloa loa ko au ko le Eteleno.

Esekiele 35:8

E kau fakaapele loa ki mate ona mauga ; I ou mauga liliki, mo ou vaivailiua, mo ou vanu fuli, E vivilo loa i ai latou fuli ala e tamate loa e le seleta.

Amosi 1:11

Koia e folafola ai le Eteleno, o pati : O tupu ko agaveli e tolu a Etome, Ti e fa foki, e leaise kau toe fetogi laku fakatotonu, Talie na kapu e ia ona fetaina ki le seleta, Ti na tapono e ia lona manava alofa, Talie e sae tuumau aifai lona ita, Ti e taupau tuumau aifai e ia lona itaita.

Sofoni 1:7

Fakalologo i mua o le Aliki, le Eteleno ! Talie kua ofi le aso o le Eteleno, Talie kua teuteu e le Eteleno le sakilifisio, ti kua filifili e ia ana kau fakaafe.

Tetelonome 32:14

Mo le sua u o pipi fafine mo ovi fafine, Mo le gako o akeno, Mo ovi tagata o Pasani, mo koti tagata, Mo le fulumeto malie ; Ti na ke inu ia le toto o le vite, le vino.

Tetelonome 32:41

Kapau e kau fakakakai ke gigila laku seleta, Ti kapau e too e loku lima le faitotonu, E kau lagavaka loa ki oku fili, Ti e kau tautea loa latou ala e vesia kiate au.