Esaia 34:1 - Tosi Tapu

¹ Atu puleaga, kotou fakafeofi mai, o fakalogo ! Kakai, kotou tokaga ! Ke logo le kele, a ia mo nea fuli e fakaapele ia a ia, Ke fakamaoki le malama nei, a ia mo nea fuli na tupu i ai !

Esaia 34:1 ပူးပေါင်းရင်းမြစ်များ

Senesi 6:13

Koia na pati ai loa le Atua kia Noe : Kua kau fakapapau ke fakagato a tagata fuli ; talie kua lotou fakaapele ia le kele ki le agamakeke ; e kau maumaui loa a tagata mo le kele.

Pesalemo 24:1

Pesalemo a Tavite. A le Eteleno le kele mo nea fuli e maua i ai ; Le malama nei mo latou fuli e nonofo i ai !

Pesalemo 50:1

Pesalemo a Asafe. Atua, Atua, le Eteleno, ke ke folafola, ti ke ke fakatasi le malama nei, Mei le sopoaga o le laa ki le galoaga o le laa.

Pesalemo 96:10

Kotou fakasa i le lotolotoga o atu puleaga : E sau le Eteleno ; Koia e tuu mau ai le malama nei, e leaise taugaoi a ia. E fakamaau e le Eteleno le kakai i le maoki.

Esaia 1:2

Lagi, fakalogo mai ! Kele, fakalogo mai lou taliga ! Talie e masau le Eteleno. Na kau fagai ti na kau taupau ni fanau, Kae na lotou agatuu kiate au.

Esaia 18:3

Koutou fuli, kakai o le malama nei, kakai o le kele, Kotou tio ki le manumanu leia kua tuu i aluga o mauga, Kotou fakalogo ki le fakatagi pupusi leia kua tagi !

Esaia 33:13

Koutou ala e nonofo i mamao, kotou fakalogo mai ki le nea leia na kau fai ! Ti ko koutou ala e nonofo feofi, kotou iloa le lasi o loku makeke !

Esaia 41:1

Atu motu, kotou fakalologo o fakalogo mai kiate au ! Ke fakafoou e kakai fuli lolatou makeke ! Ke lotou soso mai, ti ke lotou masau ! Tou fakafeofi fakatasi ki le fakamaau !

Esaia 43:9

Ke fakatasi a atu puleaga fuli, Ti ke fakatasi a kakai fuli. Ko ai ia latou na fakasa fakatomua ia a nea anei ? Ko ai ma latou ala na fakasa ia mai kia matou a uluaki kikite ? Ke lotou tuku mai ki loto alatou tagata fakamaoki, ti ke lotou fakasa pe lotou maoki ! Ke fakalogo ki ai ti ke pati : e maoki !

Esaia 48:16

Kotou fakafeofi mai kiate au, ti kotou fakalogo ! Talu mei le kamataaga, na leaise kau masau fakafufu ; Talu mei le kamataaga o nea ana, na kau nofo i ai. Kae i le aso nei, ko le Aliki, le Eteleno, na kakau mai au mo lona Laumalie.

Esaia 49:1

Atu motu, kotou fakalogo mai kiate au ! Kakai mamao, kotou tokaga ! Na kalagai au e le Eteleno talu mei loku tupu, Na tuku e ia loku igoa talu mei laku mavae i le manava o loku tinana.

Esaia 63:1

Ko ai leia e au mei Etome, Mei Potesela, i ni kofu kula, I ni kofu gigila, Ti e saele fia tagata i lona makeke katoa ? Ko au leia na fakapapau ia le fakamauli, Leia e nofo mo le makeke ke saofaki.

Selemia 22:29

Kele, kele, kele, Fakalogo ki le folafola a le Eteleno !

Selemia 49:7

Ki Etome. E folafola le Eteleno o kau tau, o pati : Pe leaise koi maua se tagata poto i Temane ? Pe kua puli le fakakaukau i tagata atamai ? Pe kua puli noa lolatou poto ?

Esekiele 38:17

Koia e folafola ai le Aliki, le Eteleno, o pati : Pe ko koe leia na kau masau ki ai i mua I aku tagata fakasausau le kau polofeta o Iselaele, Ala na kikite i le temi a ia, i lolotoga o fetuu, E kau aumai loa a koe kia latou ?

Apetiasi 1:1

Folafola kikite a Apetiasi. Ko leinei le folafola a le Aliki, le Eteleno, ki Etome : Na motou maua se logo mei le Eteleno, Ti na kakau se tagata avelogo ki atu puleaga : Kotou tutuu ki aluga, ke tou saele ki Etome o taui a ia !

Uluaki tosi ki le kau Kolinto 10:26

talie a le Aliki le malama nei mo nea fuli i ai.

Tetelonome 32:1

Atu lagi, fakalogo mai ou taliga, ti e kau masau loa. Kele, fakalogo mai ki masau o loku gutu.

Tetelonome 4:26

e kau fakamaoki atu kia koutou i le aso nei, i mua o le lagi mo le kele, e kotou maumau loa i se mate vave i le fenua leia ka kotou ano loa ki ai, o maua tofiga i leia atu fetuu o le Solotane. E leaise kotou fualoa loa i ai, talie e kotou maumau katoa loa.

Apokalipisi 2:7

Ko leia e maua ia ni taliga ke logo a ia ki le nea leia e fakasa e le Laumalie ki atu Ekelesia. Ki leia e malo loa, e kau soli loa kiate ia ke kai ki le fua o le laakau o le mauli, leia e tuu i le Palatiso o le Atua.

Tuifakamaau 5:3

Sau, kotou fakalogo mai ! Kau aliki, kotou fakalogo mai okoutou taliga ! E kau sua loa, io, e kau sua loa ki le Eteleno, E kau sua loa ki le Eteleno, le Atua o Iselaele.

Tuifakamaau 5:31

Ke mamate fenaaki ou fili fuli, ei Eteleno ! Kae ko latou ala e alofa kiate ia, Ke lotou faipe le laa, I lana sopo ake i lona gigila katoa. Na malolo loa le fenua i fetuu e kau fa.