Esaia 33:8 - Tosi Tapu

⁸ Kua lavaki a ala lalasi ; E leaise koi ano i ala liliki. Kua maumaui e ia le sai, kua vesia a ia ki kolo, E leaise maua e ia se fakaapaapa ki se tasi.

Esaia 33:8 ပူးပေါင်းရင်းမြစ်များ

Pesalemo 10:5

E manuia ona ala i temi fuli ; E leaise kaku kiate ia au fakamaau, Ti e pusii e ia latou fuli ala e fakafesagai kiate ia.

Esaia 24:5

Na fakakelekele le fenua e lona kakai ; Talie na lotou maumaui a lao, ti na lotou fetogi ia a fakatotonu, Na lotou maumaui le sai lee gato.

Esaia 35:8

E i ai loa se ala kua tofa, se ala Leia e fakaigoa loa ko le ala tapu ; E leaise fakalaka loa i ai se tagata kelekele, talie e tuku a ia kia latou tefua ; Ti ko latou ala e ano loa i ai e leaise feala loa ke sese, tatau foki mo le kau vale.

Esaia 36:1

I le kau agafulu fetuu o le sau ko Esekiasi, na pale loa Sanekelipe, sau o Asilia, o taui a kolo tau fuli o Suta, ti na maua loa e ia latou.

Tagi laulau a Selemia 1:4

Kua tagi a ala fuli o Sione, talie e leaise koi ano ki aso lalasi ; Kua lavaki ona matapa fuli, Kua lauga ona tagata faisakilifisio, Kua loto gaegae ona taine taupoou, Ti kua apele i le mamae kona.

Levitiko 26:22

E kau kakau mai loa kia koutou a manu fekai o le vao, ti e lotou tamate loa okoutou fanau, ti e lotou kai loa akoutou kau manu, ti e lotou fakateiki loa koutou, ti e lavaki loa okoutou ala.

Tuifakamaau 19:17

Na siki ake loa a mata o le matua, ti na tio loa a ia ki le tagata fanoga i le lapalasi o le kolo. Ti na pati loa le matua kiate ia : E ke ano kifea ? E ke au meifea ?

Tuifakamaau 5:6

I le temi o Samika, vosa o Anate, I le temi o Saele, na lavaki a ala, Ti na ano a kakai fanoga i ni ala pikopiko.

Uluaki tosi a Samuele 17:10

Na toe pati foki le Filisitini : I le aso nei e kau fai se vesili ki le kau tau a Iselaele ! Tuku mai se tagata kiate au, ti e ma tau loa toka lua.

Uluaki tosi a Samuele 17:26

Na pati loa Tavite ki tagata ala na tutuu i ona tafa : Kolea loa e fai ki leia e tamate ia loa le Filisitini lena, ti e sau ia loa le matagafua i Iselaele ? Ko ai le Filisitini lena, le pagani lena, ke tauvelei e ia le kau solia a le Atua mauli ?