Esaia 33:2 - Tosi Tapu

² Eteleno, alofa mai kia matou ! E motou amanaki malie kiate koe. Ke ke liliu ko lomatou tokoi i usu fuli, Ti mo lomatou fakamauli i le temi o le mamae !

Esaia 33:2 ပူးပေါင်းရင်းမြစ်များ

Pesalemo 123:2

Ko leinei, ofaipe mata o ni tagata fakasausau e tio tuumau ki le lima o olatou pule, Ti mo mata o le fafine fakasausau ki le lima o lona fafine pule, E agaaga foki omatou mata ki le Eteleno, lomatou Atua, O kaku ki lona aloalofa mai kia matou.

Pesalemo 143:8

Tuku ke kau logo i le usu ki lou agamalie, Talie e kau fanaki kiate koe. Fakasa mai kiate au le ala leia e tonu ke kau saele ai, Talie e kau siki kiate koe loku laumalie.

Pesalemo 25:3

Ko latou fuli ala e amanaki malie kiate koe e leaise luma loa. Io, e luma loa latou ala e leaise agatonu, kae e leai sona tupuaga.

Pesalemo 27:1

Pesalemo a Tavite. Ko loku malama mo loku fakamauli ko le Eteleno : Ko ai e kau i loa ki ia ? Ko le tokoi o loku mauli ko le Eteleno : kolea e kau tuania loa ki ia ?

Pesalemo 33:22

Eteleno ! Ke nofo lou kalasia ia matou, Talie e motou amanaki malie kiate koe !

Pesalemo 37:39

E au le fakamauli o le kau agatonu mei le Eteleno : Ko ia ko lolatou puipuiaga i le aso o le mamae.

Pesalemo 46:1

Ki le pule o le kau sua. O vosa o Kole. I le nota o le alamote. Katiko.

Pesalemo 46:5

E i ai se vaitafe leia e fakafiafia ia e ona vai le kolo o le Atua, Le sagatualio o nofoaga o le Taualuga.

Pesalemo 50:15

Ti ke ke fetapa mai kiate au i le aso o le mamae ; Ti e kau saofaki loa a koe, ti e ke fakakololia loa kiate au.

Pesalemo 60:11

Ko ai e ave ia loa au ki le kolo tau ? Ko ai e taki ia loa au ki Etome ?

Pesalemo 62:1

Ki le pule o le kau sua. Meia Setutune. Pesalemo a Tavite.

Pesalemo 62:5

E lotou fakakaukau ke fakaifo a ia i lona tuulaga taualuga ; E lotou maua lolatou fiafia i le loi ; E lotou tapuaki i olatou gutu, Kae e lotou fakamalaia i olatou loto. - Manava.

Pesalemo 62:8

I le Atua e malolo ai loku fakamauli mo loku kololia ; Ko le utu o loku makeke mo loku ulufaga e nofo i le Atua.

Pesalemo 90:15

Fakafiafia matou o fakatatau ki aso ala na ke fakaluma ai matou, Mo fetuu ala na motou tio ai ki le malaia.

Pesalemo 91:15

E kalaga loa a ia kiate au, ti e kau tali loa kiate ia ; E kau nofo loa mo ia i le mamae ; E kau saofaki loa a ia, ti e kau fakakololia loa a ia.

Ekesote 14:27

Na siki loa e Moisese lona lima ki le tai ; ti i le usu lena, na toe liliu loa le tai ki lona nofoaga masani, ti na sola loa le kau Esipito i ona mua ; kae na laku loa latou e le Eteleno ki loto malie o le tai.

Esaia 17:10

O tupu na ke galoi le Atua o lou fakamauli, Na leaise ke manatui le utu o lou ulufaga. Koia na ke fai ai ni oloto malolo, Ti na ke to ai ni tafito vite matapule.

Esaia 25:4

Talie na ke liliu ko se tokoi ki le tagata gaegae, Ko se mumuniaga ki le tagata mativa i le mamae, Ko se ulufaga i le afa, Ko se malu i le vevela ; Talie e tatau le tukumanava o le kau tukipo Mo le sasataki leia e taai ia se paa fatu.

Esaia 25:9

I le aso lena e pati loa : Ko leinei, ko lomatou Atua, leia e motou fanaki ki ai, Ti ko ia leia e fakamauli ia matou ; Ko le Eteleno leia e motou fanaki ki ai ; Ke tou nekenekea, ti ke tou fakafiafia i lana fakamauli !

Esaia 26:16

Eteleno, na lotou afa a koe, i le aso leia na lotou nofo ai i le mamae ; Na lotou liligi alotou kole, i le aso leia na ke tautea ai latou.

Esaia 26:8

Koia kua motou talitali ai kiate koe, ei Eteleno ! i le ala o au fakamaauaga ; E oli lomatou laumalie ki lou suafa, ti mo lou tukualofa.

Esaia 37:3

Na lotou pati loa kia Esaia : Ko leinei le masau a Esekiasi : Ko le aso leinei ko se aso o le i, mo le tautea, ti mo le luma ; talie kua vave vilo a toe mei le manava o le tinana, kae e leaise koi maua se makeke ke fanaui ai latou.

Esaia 40:10

Ko leinei, le Aliki, le Eteleno e au i lona mafimafi, Ti e pule lona lima ; Ko leinei, e au a ia mo le totogi, Ti e muamua a fakapale iate ia.

Esaia 51:5

Kua ofi fua laku faitotonu, ti kua vave sa fua laku fakamauli, Ti e fakamaau loa e oku lima a kakai ; E amanaki malie loa a atu motu kiate au, E lotou fanaki loa ki loku lima.

Esaia 59:16

E tio a ia e leaise se tagata, E ofolele a ia e leaise se tasi e kole ; Koia na au ai lona lima o tokoi kiate ia, Ti na fanaki a ia ki lona faitotonu.

Esaia 8:17

E kau amanaki malie ki le Eteleno, Leia kua tapono ia ona mata ki le fale o Sakopo ; E kau tuku laku fanaki kiate ia.

Selemia 14:8

Ko koe leia ko le fanakiaga o Iselaele, Lona fakamauli i le aso o le mamae, Kolea e ke fai ai loa pe se matapule i le fenua, Pe se tagata fanoga leia e ulu ki ai o moe i le pouli ?

Tagi laulau a Selemia 3:23

E fakafoou latou i usu fuli. Io ! E lasi ai lou agatonu !

Oseo 14:2

Kotou toe liliu mai ki le Eteleno, Kotou aumai ni masau. Kotou pati kiate ia : Fakamolemole ki amatou agaveli fuli, Ti ke ke tali matou i lou alofa ! E motou momoli atu loa kiate koe le fakafetai o omatou laugutu, kae leai ni pipi tagata.