Esaia 32:7 - Tosi Tapu

⁷ E matakakai a masafu a le tagata kaka ; E fai e ia ni fakakaukau veveli, Ke fakapuli ai le tagata fakaaloalofa ki ni masau loi, Logo ai pe tonu le tagata mativa.

Esaia 32:7 ပူးပေါင်းရင်းမြစ်များ

Pesalemo 119:95

E talitali mai kiate au ni tagata agaveli ke lotou tamate au ; E kau tokaga ki au pelesepeto.

Esaia 1:23

Kua agatuu ou pule ti kua lotou kau mo le kau kaia : Kua lotou manako fuli ki nea alofa ti kua lotou makape i muli o fakapale ; E leaise lotou fai le nea e totonu ki le toe sala matua, Ti e lotou fakatulituli ki le tagi a le fafine lokonui.

Esaia 11:4

Kae e fakamaau loa e ia le kau mativa i le maoki, Ti e tuku loa e ia se fakamaau totonu ki le kau fakaaloalofa o le malama nei ; E taai loa e ia le malama nei ki lana folafola ofaipe lana taai ki se laakau, Ti e tamate loa e ia le tagata agaveli ki le tukumanava o lona gutu.

Esaia 26:10

Kapau e tuku se kalasia ki le tagata agaveli, e leaise ako e ia le faitotonu, Kae e fai e ia le nea veli i le fenua o le maoki, Ti e leaise tokaga a ia ki le mafimafi o le Atua.

Esaia 29:21

Latou ala na tuku ia ni sala ki ni iki i le fakamaauaga, Na fai ia ni masele ki tui fakamaau i le matapa, Ti na fakatua noa ia leia e mea.

Esaia 5:23

Kia latou ala e fakatonu ia leia e sala ki se nea alofa, Kae e fakalakasala ia latou e saosaoa !

Esaia 55:7

Ke tiaki e le tagata agasala lona ala, Ti mo le tagata agaveli ana manatu ; Ke toe liliu a ia ki le Eteleno, leia e alofa loa kiate ia, Ki lotatou Atua, leia e leaise kaekae i le fakamolemole.

Esaia 59:15

E puli le maoki, Ti ko leia e fakamamao i le veli e kaia ona koloa. E tio le Eteleno ki le nea a ia, ti na veli ai ki ona mata, Leia e puli le faitotonu.

Esaia 61:1

E iate au le Laumalie o le Aliki, le Eteleno, Talie na fakanofo au e le Eteleno ke ave ia ni logo malilie kia latou e mativa ; Na kakau e ia au ke fakamauli latou e loto fatifati, Ke fakasa ki le kau popula le lauatea, Ki le kau pilisoni le saofaki ;

Selemia 18:18

Ti na lotou pati : Kotou au, tou fonofono kia Selemia ! Talie e leaise puli loa le lao mo kapau e leaise maua ni tagata faisakilifisio, Pe ko le tokoi, mo kapau e leaise maua ni kau poto, Pe ko le folafola, mo kapau e leaise maua ni kau polofeta. Kotou au, tou tamate a ia ki le alelo ! Aua na tou tokaga ki ana masau !

Taniela 12:10

E toka api loa latou ala e fakamea loa, mo fakatetea loa, ti mo asiasii loa. E soko atu loa e le kau agatuu le fai o le veli, talie leaise lotou matala fua ki se nea, kae e matala loa latou ala e atamai.

Mikea 2:1

Malaia kia latou ala e fakakaukau ia le agaveli mo teuteu ia le veli i olatou moeaga ! I le mafoata e lotou fai a ia, Mo ka e lotou maua ia le pule i olatou lima.

Mikea 2:11

Kapau e makape se tagata i muli o le matagi ti e fai ia ni loi : E kau fai loa ni kikite kiate koe o uiga mo le vino, mo kava makeke ! Ko lena loa se polofeta ki le kakai lena.

Mateo 26:4

ti na lotou fono loa ke too fakapikoi Sesu o tamate.