Esaia 32:3 - Tosi Tapu

³ Ko mata o latou ala e tio e leaise toe mapono loa, Ti ko taliga o latou ala e fakalogo e tokaga loa.

Esaia 32:3 ပူးပေါင်းရင်းမြစ်များ

Esaia 29:18

I le aso lena, e logo loa le kau tulituli ki folafola o le tosi ; Ti e tio loa a mata o le kau kivi, Talie kua fakamauli latou i le fakapouli mo le pouli.

Esaia 29:24

Ko latou ala na sese olatou loto e maua ia loa le atamai, Ti ko latou ala na gugu e maua ia loa le akonaki.

Esaia 30:26

E fai loa le malama o le masina pe leia o le laa, Ti e lasi tua fitu loa le malama o le laa (ofaipe le malama o aso e fitu), I le aso leia e sai loa e le Eteleno le lavea o lona kakai, Ti mo fakamauli loa e ia le kafo o ana fa ta.

Esaia 42:16

E kau fakasaele loa a kivi i se ala leia e leaise lotou iloa, E kau taki loa latou i ni ala ala e leaise lotou lave ki ai ; E kau fetogi loa i olatou mua le fakapouli ko le malama, Ti mo ganea pikopiko ko ni potu laumalie : Ko lena le nea leia e kau fai loa, ti e leaise kau tiaki loa latou.

Esaia 54:13

E liliu loa ou vosa fuli ko tisipulo a le Eteleno, Ti e lasi loa le manuia o ou vosa.

Selemia 31:34

E leaise toe ako loa e se tasi lona oloi, Pe ko se tasi lona taina, o pati : Kotou iloa le Eteleno ! Talie e iloa loa au e latou fuli, Mei leia e ikiiki ki leia e lasi, e pati le Eteleno ; Talie e kau fakamolemole loa lalatou agaveli, Ti e leaise kau toe manatui loa lalatou agasala.

Mateo 13:11

Na tali loa Sesu kia latou : Talie kua tuku kia koutou ke kotou iloa a misitelio o le Puleaga o le atu lagi, kae na leaise tuku le nea lena kia latou.

Maleko 7:37

Na lotou ofolele lasi ai, o pati : E malilie a nea fuli e fai e ia ; e fakamavaa foki e ia a taliga o le kau tuli, ti e fakamasau e ia le kau gutu mate.

Gaoi 26:18

o tupu ke ke fakamavaa olatou mata, ke lotou tafoki mei le fakapouli ki le malama, mei le pule a Satana ki le Atua, ti ke lotou tali, i le tui kiate au, le fakamolemole o agasala ti mo le tofiga o fakatasi mo latou ala kua fakamaokioki.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.