Esaia 32:18 - Tosi Tapu

¹⁸ E nofo loa loku kakai i le nofoaga o le tokamalie, I ni fale makeke, I ni fale malolo.

Esaia 32:18 ပူးပေါင်းရင်းမြစ်များ

Pesalemo 107:7

Na taki loa e ia latou i le ala totonu, O tupu ke lotou kaku ki se kolo leia e mafai ke lotou nonofo ai.

Ekesote 9:26

Na gato fai ki le fenua o Koseni, leia na nofo ai fanau a Iselaele, na leaise to ai loa se ua fatu.

Taagapati 24:15

Aua na ke fakatuu ni masele, ofaipe se tagata agaveli, i mua o le fale o le tagata agatonu, Ti aua na ke maumaui le ganea leia e malolo ai a ia.

Esaia 11:10

I le aso lena, e nofo loa i ai le uli o Isaia Ofaipe se manumanu ki kakai fuli ; E afa loa a ia e atu puleaga, Ti e malolo loa a ia i le kololia.

Esaia 14:3

Ti ka soli atu loa kiate koe e le Eteleno se malolo, I le oki o ou mamae mo ou i, Ti mo le oki o le popula mamae leia na taomi ia a koe,

Esaia 2:4

E liliu loa a ia ko le tui fakamaau o atu puleaga, Ko le alepiti o ni kakai toka api. E lotou fai loa ni piosi ki alatou seleta, Mo ni sele gaoi ki alatou tao : E leaise toe tau loa se puleaga ki se puleaga, Ti e leaise toe ako loa le tau.

Esaia 26:12

Eteleno, e ke soli kia matou le tokamalie ; Talie ko nea fuli ala e motou fai, Ko koe leia e fakasoko ia kia matou.

Esaia 26:3

Ki leia e tuu makeke i ana manatu loto E ke tuku maoki le tokamalie, io, le tokamalie, Talie e fanaki a ia kiate koe.

Esaia 28:12

Na pati a ia kiate ia : Ko leinei le maloloaga, Kotou tuku ke malolo leia kua gaegae ; Ko leinei le ganea malolo ! Kae na leaise lotou fia fakalogo fua.

Esaia 30:15

Talie na folafola le Aliki, le Eteleno, le Sagato o Iselaele, o pati : I le tafoki mai kiate au mo le nofo iate au, e kotou maua ai le mauli ; I le agamalu mo le tui kiate au, e kotou maua ai le makeke. Kae na leaise kotou loto ki ai !

Esaia 33:6

E fimalie loa ou aso ; Ko le poto mo le iloa o le Eteleno ko se matapuna o le fakamauli ; Ko le i ki le Eteleno, Ko lena le koloa o Sione.

Esaia 65:21

E lotou fakatuu loa ni fale, ti e lotou nonofo loa i ai ; E lotou to loa ni faisaga vite, ti e lotou kai loa olatou fua.

Esaia 65:9

E kau fakasomo loa se sakoga ia Sakopo, Ti meia Suta se tasi ke maua ia oku mauga ; E maua loa e aku filifiliia le fenua, Ti e nonofo loa aku tagata fakasausau i ai.

Selemia 33:16

I aso ana, e fakamauli loa a Suta, E maua loa e Selusalemi le fimalie i lona nofoaga ; Ti e tuku loa kiate ia le igoa leinei : Le Eteleno lomatou faitotonu.

Esekiele 34:28

E leaise toe kaia loa latou e atu puleaga, ti e leaise toe sae loa latou e manu o le fenua, ti e lotou mauli fimalie loa, ti e leaise toe fakamamae loa latou e se tasi.

Sakalia 2:5

Ti na pati loa le Eteleno : E kau liliu loa kiate ia ko se kaua afi i lona takatakai katoa, ti e kau liliu loa ko lona kololia i loto malie o ona.

Sakalia 2:8

Talie e folafola le Eteleno o kau tau, o pati : I le sili o le nea lena, e au loa le kololia ! Na kakau e ia a au ki puleaga ala na fakamativa ia koutou ; Talie ko leia e fafa kia koutou e fafa ki le tiloga o le mata o le Eteleno.

Sakalia 3:10

Talie e folafola le Eteleno o kau tau, o pati : I le aso lena e kotou fefakaafeaki loa i lalo o le vite ti mo lalo o le fiki.

Epelo 4:9

Koia e i ai se malolo o le Sapato leia kua taofi ki le kakai o le Atua.

Uluaki tosi a Soane 4:16

Ti ko tatou, kua tou iloa le alofa leia e maua e le Atua kia tatou, ti kua tou tui ki ai ko le Atua ko le alofa ; ti ko leia e nofo i le alofa, e nofo a ia i le Atua, ti e nofo le Atua iate ia.