Esaia 31:4 - Tosi Tapu

⁴ Talie na folafola mai le Eteleno kiate au : E logo ai kua fakatasi le kau tausi ovi Ki se laione, pe ki se uviki laione leia e gugulu i lana nea kai, Talie e leaise i fua a ia ki alatou kalaga, Ti e leaise patipati fua a ia ki lolatou toka api ; E tatau foki mo le Eteleno o kau tau, e ifo loa a ia O tau i le mauga o Sione ti mo lona mauga ikiiki.

Esaia 31:4 ပူးပေါင်းရင်းမြစ်များ

Lua tosi o Koloniko 20:15

Ti na pati loa Sakasiele : Kotou fakalogologo mai, Suta katoa mo le kakai o Selusalemi, ti mo koe, sau ko Sosafate ! Ko leinei le folafola a le Eteleno kia koutou : Aua na kotou tuania ti aua na kotou i ki le kakai toka api lena, talie e leaise ko koutou loa ala ka tau, kae ko le Atua.

Ekesote 14:14

E tau loa le Eteleno o fetogi koutou ; kae ko koutou, ke kotou fakaleemu.

Ekesote 14:25

Na too loa e ia a teka o alatou saliote ke faigataa ai lalatou saele. Ti na pati loa le kau Esipito : Tou sosola i mua o Iselaele, talie kua kau le Eteleno mo ia o tau ki le kau Esipito.

Esaia 10:16

Koia e kakau loa e le Aliki, e le Aliki o kau tau, Le fakalaulautetea ki ana kau solia makeke ; Ti e malaga loa se vela lasi i le lolotoga o lona kololia, Io, se vela o tatau mo leia o le afi.

Esaia 12:6

Fai ni kalaga fakafiafia mo nekenekea, a koe leia e nofo i Sione ! Talie e lasi a ia i loto malie o ou, le Maokioki o Iselaele.

Esaia 30:30

Ti e fakagugulu loa e le Eteleno lona leo fakaii, E fakaali loa e ia lona lima leia kua fakalogo ta, I le vevela o lona sausau, I loto malie o le ula o se afi kaka, Mo le lomaki, mo le afa, ti mo le ua fatu.

Esaia 30:32

I fa ta fuli a le laakau leia na teuteu kiate ia, Ti e fakavilo loa e le Eteleno kiate ia, E logo loa ki tapulini mo alepe ; E tau loa le Eteleno kiate ia i se lima makeke.

Esaia 42:13

E saele mai le Eteleno ofaipe se tagata toa, E fakasa e ia lona sausau ofaipe se tagata tau ; E siki e ia lona leo, e laku e ia ni kalaga makeke, E fakasa e ia lona makeke ki ona fili.

Selemia 50:44

Ko leinei, pe se laione, e pale mai a ia mei laugutu fia nealasi o le Solotane, Ki le nofoaga makeke. Fokifa e kau kapu loa latou, Ti e kau fakanofo loa iate ia leia na kau filifili. Talie ko ai e tatau mo au ? Ko ai e tuku ia kiate au ni fakatotonu ? Ti ko le pule fea leia e tuu mai loa kiate au ?

Oseo 11:10

E lotou mulimuli loa i le Eteleno, leia e gugulu loa ofaipe se laione, Talie e gugulu loa a ia, ti e fekapu mai loa a fanau mei le tai.

Amosi 3:8

E gugulu le laione : Ko ai e leaise i loa ? E folafola le Aliki, le Eteleno : ko ai e leaise kikite loa ?

Sakalia 12:8

I le aso lena, e puipui loa e le Eteleno le kakai o Selusalemi, Ti ko leia e gaegae ia latou e fai loa pe Tavite i le aso lena ; E fai loa le fale o Tavite pe le Atua, Pe le aselo o le Eteleno i olatou mua.

Sakalia 14:3

E sa loa le Eteleno, ti e taui loa e ia a puleaga ana, Ofaipe lana tau i le aso o le velo.

Sakalia 2:5

Ti na pati loa le Eteleno : E kau liliu loa kiate ia ko se kaua afi i lona takatakai katoa, ti e kau liliu loa ko lona kololia i loto malie o ona.

Sakalia 9:15

E puipui loa latou e le Eteleno o kau tau ; E lotou kai loa, e lotou malo loa i fatu o le makamaka ; E lotou iinu loa, e lotou logoa loa ofaipe ni nea kua konana i le vino ; E lotou apele loa ofaipe se ipu, ofaipe poko o le aletale.

Sakalia 9:8

E kau nofo loa o takatakai loku fale o puipui a ia i se solia, Meia latou ala e ano ti au, Ti e leaise toe fakalaka loa le tagata fakaveliveli i tafa o loku kakai ; Talie i le temi nei e tio mau oku mata kiate ia.

Apokalipisi 10:3

ti na kalaga loa a ia o leo lasi, ofaipe se gugulu o se laione. I lana kalaga, na fakagugulu loa e mana e fitu olatou leo.

Apokalipisi 5:5

Ti na pati mai loa se tasi o le kau matua kiate au : Aua na ke tagi ; ko leinei, ko le laione o le faasiga o Suta, le afusa o Tavite, kua malo ke fakamavaa ia le tosi mo ona fakamau e fitu.