Esaia 31:2 - Tosi Tapu

² Kae e poto foki mo ia, e aumai e ia le malaia, Ti e leaise toe too e ia ana folafola ; E tuu loa a ia ki aluga ki le fale o le kau agaveli, Ki le tokoi a latou ala e fai ia le agaveli.

Esaia 31:2 ပူးပေါင်းရင်းမြစ်များ

Sopo 12:13

Kae e nofo i le Atua le maoki, mo le poto, mo le mafimafi ; E maua e ia le fakakaukau mo le atamai.

Sopo 12:16

E maua e ia le makeke mo le fakapotopoto ; E pule a ia ki leia e sese pe fakasese ia ni iki.

Sopo 5:13

E maselei e ia le kau poto ki lalatou fia poto, Ti e fulusi e ia a fakatuutuu a tagata pikopiko :

Esaia 1:4

Malaia ki le puleaga agasala, ki le kakai kua mafaia i agaveli, Ki le sakoga o le kau agaveli, ki fanau fakalialia ! Kua lotou tiaki le Eteleno, ti kua lotou nukinuki ki le Maokioki o Iselaele. Kua lotou toe liliu ki muli…

Esaia 14:20

E leaise tanu fakatasi loa a koe mo latou i le tanuma, O tupu na ke maumaui lou fenua, ti na ke tamate lou kakai : E leaise toe masau loa i se aso ki le sakoga o le kau agaveli.

Esaia 21:17

E toe loa se ga toka teiki fua o le kau faikalolo makeke o vosa o Ketale, Talie kua folafola le Eteleno, le Atua o Iselaele.

Esaia 22:14

Na fakasa mai a ia kiate au e le Eteleno o kau tau : E maoki, e leaise fakamolemole loa le agasala lena kia koutou i mua o lokoutou mamate, E pati le Aliki, le Eteleno o kau tau.

Esaia 28:21

Talie e tuu loa le Eteleno ki aluga ofaipe lana tuu ki aluga i le mauga o Pelatesimi ; E ita loa a ia ofaipe lana ita i le vaivailiua o Kapaone ; Ke fakasoko lana gaoi, lana gaoi faikese, Ke fakasoko lana gaoi, lana gaoi fakatalatupua.

Esaia 28:29

E au foki le nea lena mei le Eteleno o kau tau ; E fulumalie ai ana fakatuutuu, ti e lasi ai lona poto.

Esaia 30:3

E liliu loa le makeke o Falaone ko se luma kia koutou, Ti ko le mumuniaga i le malu o Esipito ko se mamae kia koutou.

Esaia 30:7

Talie e noa ti e lee aoga le tokoi a Esipito ; Koia e kau fakaigoa ai le nea lena ko se logoa noa.

Esaia 31:3

Ko le tagata Esipito e tagata, kae e leaise Atua ; E kanofi ana osi kae e leaise laumalie. Ka falo loa e le Eteleno lona lima, E siga loa leia e tokoi, Ti e vilo loa ki lalo leia e fai ki ai le tokoi, Ti e la mamate loa toka lua.

Esaia 32:6

Talie e fakasa e le vale ni nea fakavale, Ti e afa e lona loto le veli, Ke fai ni agatuu ki le Atua Ti ke lau ni masau salasala ki le Eteleno, Ke tiaki noa le laumalie o leia e pakupaku, Ti ke too le nea inu a leia e fia inu.

Esaia 45:7

E kau fau le malama, ti e kau fakatupu le fakapouli ; E kau soli le mou koloa, ti e kau fakatupu le malaia ; Ko au, le Eteleno, e kau fai a nea fuli ana.

Esaia 9:17

Talie e kaikai le agaveli ofaipe le afi, Leia e tutu ia a uluvao gaoa mo talatala ; E tutu e ia le vaomatua matotolu, leia e mafuta ai ni afu matotolu.

Selemia 10:12

Na fakatupu e ia le kele i lona mafimafi, Na fakatuu e ia a fakatafito o le malama nei i lona poto, Ti na folasi e ia a atu lagi i lona atamai.

Selemia 10:7

Ko ai e leaise i loa kiate koe, sau o atu puleaga ? Ko koe leia e tonu ke fai ki ai le i ; Talie e leaise tatau se tasi mo koe I le kau poto fuli o atu puleaga ti mo olatou puleaga fuli.

Selemia 36:32

Ti na too loa e Selemia se tasi ake a tosi, o soli kia Paluke, le sekalaipe, vosa o Nelisa. Ti na tosi loa i ai e Paluke, i le lau a Selemia, a folafola fuli o le tosi leia na tutu e Sosakimi, sau o Suta. Ti na toe fakalasi e ia a ia ki ni iki ake folafola tatau.

Esekiele 29:6

Ti e iloa loa e le kakai katoa o Esipito ko au ko le Eteleno, Talie ko lalatou tokoi ki le fale o Iselaele ko se fa u gaegae.

Amosi 3:6

Pe pupusi le fakatagi pupusi i se kolo, Kae e leaise i le kakai ? Pe soko se malaia i se kolo, Kae e leikiaise fakataga e le Eteleno ?

Sofoni 3:8

Koia e pati ai le Eteleno : Kotou talitali mai la kiate au ! I le aso leia e kau tuu ake ai loa o tanaki le koloa o le tau, Talie kua kau fakapapau ke fakatasi a atu puleaga, Ke fakatasi a atu puleaga sau, O tupu ke kau liligi kia latou loku sausau, Le mamafa katoa o loku ita ; Talie e tutu loa le fenua katoa e le afi o loku finenonofo.

Sakalia 1:6

Pe na leaise lave ki okoutou tamana aku folafola mo aku fakatotonu ala na kau tuku ki aku tagata fakasausau ko le kau polofeta ? Na lotou maliu mai, ti na lotou pati : Kua fai e le Eteleno o kau tau kia tatou o mulimuli ki le nea leia na fakapapau e ia ke fai kia tatou o mulimuli ki otou ala mo atatou gaoi.

Numelo 10:35

Ka mavae loa le Aleka, na pati loa Moisese : Tuu ki aluga, Eteleno ! ti ke fakamavete ou fili ! ti ke fesolaki i ou mua latou ala e vesia kiate koe !

Numelo 23:19

Ko le Atua e leaise ko se tagata a ia ke loi, Pe ko se vosa a ia o le tagata ke toe fetogi manatu. Ko le nea leia kua folafola a ia ki ai, pe se fai loa e ia a ia ? Ko le nea leia kua fakapapau e ia, pe se fakasoko loa e ia a ia.

Mateo 24:35

E puli loa le lagi mo le kele, kae e leaise toe puli loa aku folafola.

Loma 16:27

Ke tuku ki le Atua, ko le poto e tasi, le kololia ia Sesu-Kilisito i sekulo mo sekulo ! Amene !

Sosue 23:15

Koia e tatau mo folafola malilie ala na fai kia koutou e le Eteleno, lokoutou Atua, ti na fakasoko fuli e ia kia koutou, e toe fakasoko loa e le Eteleno kia koutou a folafola veveli fuli, o kaku ki lokoutou maumaui loa i le fenua malie lena na soli kia koutou e le Eteleno, lokoutou Atua.

Suta 1:25

ki le Atua e tasi, ko lotatou Fakamauli, ia Sesu-Kilisito ko lotatou Aliki, ke tuku kiate ia le kololia, mo le pule, mo le makeke, ti mo le mafimafi, mei mua o temi fuli, mo le temi nei, ti mo sekulo fuli ! Amene !

Uluaki tosi a Samuele 2:3

Aua na kotou toe masau fia nealasi ; Ke aua na mapuna mai le masau makeke i lokoutou gutu ; Talie ko le Eteleno ko se Atua leia e iloa ia a nea fuli, Ti ko ia leia e fua ia a gaoi fuli.