Esaia 31:1 - Tosi Tapu

¹ Malaia kia latou ala e ifo ki Esipito o afa se tokoi i ai, Latou ala e fanaki ki ni osi, Ti e tui ki le lasi o saliote mo le makeke o le kau solia ekeosi, Kae e leaise lotou tio ki le Sagato o Iselaele, Ti e leaise lotou afa le Eteleno !

Esaia 31:1 ပူးပေါင်းရင်းမြစ်များ

Senesi 47:17

Na latou avake loa kia Sosefo alatou kau manu, ti na soli loa e Sosefo kia latou se pane o totogi ki osi, mo ovi, mo pipi, mo asino. I le fetuu lena na soli loa e Sosefo se pane ki le kakai o Esipito, o totogi ki alatou kau manu.

Lua tosi o Koloniko 16:7

I le temi lena, na ano loa Anani, le polofeta kia Asa, sau o Suta, o pati kiate ia : O tupu na ke fanaki ki le sau o Silia, kae na leaise ke fanaki ki le Eteleno, lou Atua, koia kua sola ai le solia a le sau o Silia mei ou lima.

Lua tosi o Koloniko 16:9

Talie e taka a mata o le Eteleno i le malama nei katoa, o tupu ke tokoi kia latou ala e tuku katoa olatou loto kiate ia. I le nea lena, kua ke fai pe se vale, koia i le temi nei e ke maua ia loa ni tau.

Sopo 39:11

E taka a ia i mauga o afa lana nea kai, Ti e afa e ia a nea fuli e sesega.

Pesalemo 20:7

Ko leinei, e kau iloa e saofaki loa e le Eteleno lona filifilia ; E tali loa e ia lana kole mei lagi, mei lona nofoaga maokioki, Ki le tokoi makeke o lona lima atamai.

Esaia 10:17

E liliu loa le malama o Iselaele ko se afi, Ti ko lona Sagato ko se ula, Leia e tutu ia loa o okioki ona uluvao gaoa mo talatala I le aso fai e tasi ;

Esaia 2:7

Kua apele le fenua i le siliva mo le aulo, Ti kua i ai a koloa kesekese. Kua apele le fenua i osi, Ti e leaise koi lau a saliote.

Esaia 20:5

I le aso lena, ko latou ala na tuku lalatou fanaki ki Etiopia ti mo latou ala na viki ia le makeke o Esipito, e nonofo loa i le i mo le luma.

Esaia 22:11

E kotou fau loa se tanakiaga vai i le vasa o paa e lua Ke tanaki ai a vai o le fa tane afea. Kae e leaise kotou tagaki loa ki leia na fakataga ia a nea ana, E leaise kotou tio loa ki leia na teuteu ia a nea ana talu mei mamao.

Esaia 30:16

Na kotou pati : Leai ! e motou lele loa i ni osi ! Koia e kotou lele ai loa i ni osi, kae o sosola. Na kotou pati : e motou eke loa i ni osi gasolo ! Koia e tuli loa koutou e ni osi ala e toe gasolo ake.

Esaia 36:6

Ko leinei, na ke tuku lau fanaki ki Esipito, na ke too ia le fa u fati lena ke tokoi atu kiate koe, leia e puui ia le lima o leia e fanaki ki ai : Ko lena le anoaga o Falaone, sau o Esipito, kia latou fuli ala e fanaki kiate ia.

Esaia 36:9

Pe feaki loa ke ke kapu ia se pule e tasi i pule liliki o loku sau ? Pe ke tuku lau fanaki ki Esipito, ke maua mei ai ni saliote mo ni tagata ekeosi ?

Esaia 43:15

Ko au ko le Eteleno, lokoutou Sagato, Le tupuaga o Iselaele, lokoutou sau.

Esaia 5:12

Ko le alepe, mo le lute, mo le nafa, mo le fulute, ti mo le vino e fakaalaala ia alatou lafeti ; Kae e leaise lotou tokaga fua ki le gaoi a le Eteleno, Ti e leaise lotou tio fua ki le gaoi o ona lima.

Esaia 57:9

E ke ano ki le sau mo se lolo, E ke liuliuga au nea fakamanogi ; E ke kakau ki mamao au tagata avelogo, E ke ifo o kaku ki le nofoaga o le kau mate.

Esaia 64:7

Kae, ei Eteleno, ko koe ko lomatou tamana ; Ko matou ko le kele kula, ti ko koe leia na fau ia matou, Ko matou fuli ko le gaoiaga o ou lima.

Esaia 9:12

Talie e leaise toe liliu mai le kakai ki leia e taai ia a ia, Ti e leaise afa e ia le Eteleno o kau tau.

Esaia 9:13

Koia e taaki ai loa e le Eteleno le ulu mo le siku o Iselaele, Le taulu palemie mo le fa u i se aso fai e tasi.

Selemia 17:5

Koia e folafola ai le Eteleno, o pati : Malaia le tagata leia e fanaki ki le tagata, Leia e too ia le kanofi ko lona tokotoko, Ti e fakamaliu ia lona loto i le Eteleno !

Selemia 2:13

Talie na fai e loku kakai ni agasala e lua : Na lotou tiaki au, leia ko se matapuna o le vai mauli, Ti na lotou kenu kia latou ni sosoni, ni sosoni mafaafaa, Ala e leaise taofi ia le vai.

Selemia 37:7

E folafola le Eteleno, le Atua o Iselaele, o pati : E kotou pati loa ki le sau o Suta leia na kakau ia mai koutou ke au o afa loku finegalo : Ko le solia leia a Falaone na au ke saofaki koutou, kua toe liliu ki lona fenua i Esipito ;

Selemia 42:14

Ti kapau e kotou pati loa : E leaise motou nonofo loa i le fenua leinei, kae motou ano loa ki le fenua o Esipito, leia e leaise motou tio ai loa ki se tau, leia e leaise motou logo ai loa ki le pupusi o le fakatagi pupusi, leia e motou maua tuumau ai loa le pane, ti ko le ganea lena e motou nonofo ai loa,

Esekiele 17:15

Kae na agatuu a ia kiate ia, o kakau ni ana tagata avelogo ki Esipito, o tupu ke lotou aumai i ai kiate ia se kau osi mo se kau solia lasi. Pe manuia loa leia na fai ia le nea lena ? pe sao loa a ia ? Kua maumaui e ia le sai, ti e sao feaki loa a ia !

Esekiele 29:16

E leaise toe liliu loa le puleaga lena ko se fanakiaga ki le fale o Iselaele ; E fakamanatu loa e ia ki Iselaele lana agasala, i le aso leia na tuku ai lana fanaki kiate ia. Ti e lotou iloa loa ko au ko le Aliki, le Eteleno.

Taniela 9:13

Ofaipe lona tosi i le lao a Moisese, kua au a malaia fuli kia matou ; ti na leaise motou kalaga ki le Eteleno, lomatou Atua, ti na leaise motou tafoki mei amatou agatuu, ti na leaise motou tokaga ki le maoki.

Oseo 11:5

E leaise lotou toe liliu loa ki le fenua o Esipito ; Kae e liliu loa le Asilia ko lolatou sau, O tupu na leaise lotou loto ke toe liliu mai kiate au.

Oseo 11:9

E leaise kau fai loa o mulimuli ki loku sausau kaka, E kau fakafiti ke maumaui Efalaimi ; Talie ko au ko le Atua, kae leai ko se tagata. Ko au ko le Sagato i loto malie o ou ; E leaise kau au loa mo le ita.

Oseo 14:3

E leaise fakamauli loa matou e le tagata Asilia, e leaise motou eke loa i ni osi, Ti e leaise motou toe pati loa ki le gaoiaga o omatou lima : Lomatou Atua ! Talie ko ou tafa a la e maua ai e le toe sala matua le manava alofa.

Oseo 7:7

E lotou kaka fuli ofaipe se gutuumu : Ti e lotou kai olatou tui fakamaau ; E vivilo olatou sau fuli : E leaise tasi fua o latou e kalaga kiate au.

Apakuki 1:12

Pe leaise ke agai mei lee gato, Eteleno, loku Atua, loku Sagato ? E leaise motou mamate loa ! Ei Eteleno, na ke fakanofo le kakai leinei ke fai ia au fakamaauaga ; Ei loku Utu, na ke lagai a ia ke tuku ia au tautea.

Apakuki 3:3

E au le Atua mei Temane, E au le Sagato mei le mauga o Palani… Manava. E fakaapele e lona agai le atu lagi, Ti e fakaapele e lona kololia le kele.

Sakalia 10:5

E lotou fai loa pe ni kau toa i le tau o takatakafi latou ala e tau kia latou ofaipe le efu o le ala. E lotou tau loa, talie e nofo loa le Eteleno mo latou ; Kae e apele loa i le luma latou ala e eke i ni osi.

Tetelonome 17:16

Kae ke aua na maua loa e ia se kau osi lasi ; ti ke aua na toe fakaliliu loa e ia le kakai ki Esipito o totogi ni osi. Talie na pati le Eteleno kia koutou : Ke aua na kotou toe liliu loa i le ala lena.

Tetelonome 20:1

Ka ke ano loa o tau ki ou fili, ti ke tio loa ki ni osi, mo ni saliote mo se kakai leia e api ake iate koe, ke aua na ke i loa kia latou ; talie ko le Eteleno, lou Atua, leia na fakamavae ia a koe mei Esipito, e kau loa mo koe.